'ಪಠಾಣ್' ಲೇಡಿ ದೀಪಿಕಾ ಪಡುಕೋಣೆ ಲುಕ್ ಔಟ್!

ದೀಪಿಕಾ ಪಠಾಣ್ ಲುಕ್!

ಪಠಾಣ್ ಸಿನಿಮಾದಲ್ಲಿ ನಟಿ ದೀಪಿಕಾ ಪಡುಕೋಣೆ ಪವರ್‌ಫುಲ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವ ಸುಳಿವು ಸಿಕ್ಕಿದೆ. ಟೀಸರ್‌ನಲ್ಲಿ ಗನ್ ಹಿಡಿದು ಬುಲೆಟ್ ಶುಟ್ ಮಾಡಿದ್ದಾರೆ. ದೀಪಿಕಾ ಮುಖಕ್ಕೆ ಗಾಯಗಳಾಗಿವೆ. ಇದನ್ನು ಗಮನಿಸಿದರೆ ಚಿತ್ರದಲ್ಲಿ ದೀಪಿಕಾಗೂ ಆ್ಯಕ್ಷನ್ ದೃಶ್ಯಗಳು ಇವೆ ಎಂದು ಊಹಿಸ ಬಹುದು. ಒಟ್ಟಾರೆ ಈ ಟೀಸರ್‌ನಲ್ಲಿ ದೀಪಿಕಾ ಪಡುಕೋಣೆ ಖಡಕ್ ಆಗಿ ಮಿಂಚಿದ್ದಾರೆ.

ಶಾರುಖ್, ದೀಪಿಕಾ ಜೋಡಿ ಮೋಡಿ!

ನಟಿ ದೀಪಿಕಾ ಪಡುಕೋಣೆ ಶಾರುಖ್ ಖಾನ್ ಜೊತೆಗೆ 'ಓಂ ಶಾಂತಿ ಓಂ' ಸಿನಿಮಾದ ಮೂಲಕ ಬಾಲಿವುಡ್‌ಗೆ ಎಂಟ್ರಿ ಕೊಟ್ಟರು. ನಂತರ ಈ ಜೋಡಿ ಒಟ್ಟಿಗೆ ಮಾಡಿದ ಸಿನಿಮಾಗಳು ಸೂಪರ್ ಹಿಟ್ ಲಿಸ್ಟ್ ಸೇರಿದವು. ಅದರಲ್ಲಿ 'ಚೆನ್ನೈ ಎಕ್ಸ್‌ಪ್ರೆಸ್' ಕೂಡ ಒಂದು. ಈಗ ಈ ಜೋಡಿ ಪಠಾಣ್‌ನಲ್ಲಿ ಒಂದಾಗಿದ್ದು, ನಿರೀಕ್ಷೆ ಮೂಡಿಸಿದೆ. ಇದು ಬಾಲಿವುಡ್‌ನ ಹಿಟ್ ಜೋಡಿಗಳಲ್ಲಿ ಒಂದಾಗಿದೆ.

ಈ ಬಾರಿ ಗೆಲ್ಲುತ್ತಾ ಯಶ್ ರಾಜ್ ಫಿಲ್ಮ್ಸ್!

'ಪಠಾಣ್' ಚಿತ್ರಕ್ಕೆ ಬಾಲಿವುಡ್‌ನ ಹೆಸರಾಂತ ನಿರ್ಮಾಣ ಸಂಸ್ಥೆ ಯಶ್ ರಾಜ್ ಫಿಲ್ಮ್ಸ್ ಬಂಡವಾಳ ಹೂಡಿದೆ. ಇತ್ತೀಚೆಗೆ ರಿಲೀಸ್ ಆದ ಈ ನಿರ್ಮಾಣ ಸಂಸ್ಥೆಯ 2 ಸಿನಿಮಾಗಳು ನೆಲ ಕಚ್ಚಿವೆ. ಅಕ್ಷಯ್ ಕುಮಾರ್ ಅಭಿನಯದ ಸಾಮ್ರಾಟ್ ಪೃಥ್ವಿ ರಾಜ್ ಮತ್ತು ರಣ್ಬೀರ್ ಕಪೂರ್ ಅಭಿನಯದ ಶಂಶೇರಾ ಸಿನಿಮಾಗಳು ಬಾಕ್ಸಾಫೀಸ್‌ನಲ್ಲಿ ಅಂದುಕೊಂಡ ಮಟ್ಟಿಗೆ ಸದ್ದು ಮಾಡಿಲ್ಲ. ಹಾಗಾಗಿ ಪಠಾಣ್ ಮೂಲಕ ಹೊಸ ಗೆಲುವು ಸಾಧಿಸುವ ಪ್ರಯತ್ನದಲ್ಲಿದೆ.

ಶಾರುಖ್ ಸಿನಿಮಾ ಜರ್ನಿಗೆ 30 ವರ್ಷ!

ಶಾರುಖ್ ಖಾನ್ ಸಿನಿಮಾ ಜರ್ನಿಗೆ 30 ವರ್ಷಗಳ ಆಗಿದೆ. ಸುದೀರ್ಘ 30 ವರ್ಷದ ಸಿನಿಮಾ ಪಯಣವನ್ನು ಮುಗಿಸಿದ್ದಾರೆ ಶಾರುಖ್ ಖಾನ್. ಮೊದಲ ಚಿತ್ರ 'ದೀವಾನಾ' 25 ಜೂನ್ 1992 ರಂದು ಬಿಡುಗಡೆಯಾಯಿತು. ಈ ಚಿತ್ರದಲ್ಲಿ ರಿಷಿ ಕಪೂರ್ ಮುಖ್ಯ ನಾಯಕನಾಗಿದ್ದರೂ. ಮೊದಲ ಚಿತ್ರದಲ್ಲೇ ಶಾರುಖ್ ಖಾನ್‌ಗೆ ಬ್ರೇಕ್ ಸಿಕ್ಕಿತು. ಬಳಿಕ ಸಾಲು ಸಾಲು ಹಿಟ್ ಸಿನಿಮಾಗಳನ್ನು ನೀಡುವ ಮೂಲಕ ಕೋಟ್ಯಂತರ ಅಭಿಮಾನಿಗಳನ್ನು ಪಡೆದ್ದಿದ್ದಾರೆ ಶಾರುಖ್.