ಕೊಂಕಣಿ ಸಂಪ್ರದಾಯದಂತೆ ಉಂಗುರ ಬದಲಿಸಿಕೊಂಡ ದೀಪಿಕಾ-ರಣ್ವೀರ್

ಏನಿದು ಫೂಲ್ ಮುದ್ದಿ ಶಾಸ್ತ್ರ.?

ವರನ ಕುಟುಂಬವನ್ನ ಆತ್ಮೀಯವಾಗಿ ಬರಮಾಡಿಕೊಂಡ ದೀಪಿಕಾ ತಂದೆ ಪ್ರಕಾಶ್ ಪಡುಕೋಣೆ, ವರ ರಣ್ವೀರ್ ಸಿಂಗ್ ಪಾದ ತೊಳೆದು, ಪೂಜೆ ಸಲ್ಲಿಸಿದರು. ಬಳಿಕ ರಣ್ವೀರ್ ಮತ್ತು ದೀಪಿಕಾ ಉಂಗುರ ಬದಲಿಸಿಕೊಂಡರು.

ಮಂಡಿಯೂರಿ ಉಂಗುರ ತೊಡಿಸಿದ ರಣ್ವೀರ್

ನಿಶ್ಚಿತಾರ್ಥ ಸಮಾರಂಭದಲ್ಲಿ ವಧು ದೀಪಿಕಾ ಪಡುಕೋಣೆ ಬೆರಳಿಗೆ ಮಂಡಿಯೂರಿ ರಣ್ವೀರ್ ಸಿಂಗ್ ಉಂಗುರ ತೊಡಿಸಿದ್ದಾರಂತೆ.

ಫೋಟೋ ಲೀಕ್ ಆಗಿಲ್ಲ.!

ಮದುವೆ ಶಾಸ್ತ್ರದ ಫೋಟೋಗಳು ಸೋಷಿಯಲ್ ಮೀಡಿಯಾ ಮತ್ತು ಮಾಧ್ಯಮಗಳಲ್ಲಿ ಲೀಕ್ ಆಗದಂತೆ ದೀಪಿಕಾ ಪಡುಕೋಣೆ ಮತ್ತು ರಣ್ವೀರ್ ಸಿಂಗ್ ಎಚ್ಚರ ವಹಿಸಿದ್ದಾರೆ.

ಸಿಂಗಾರಗೊಂಡಿರುವ ಲೇಕ್ ಕೋಮೋ

ವಿವಾಹ ಮಹೋತ್ಸವದ ವೆನ್ಯೂ ಲೇಕ್ ಕೋಮೋ ಮದುವಣಗಿತ್ತಿಯಂತೆಯೇ ಸಿಂಗಾರಗೊಂಡಿದೆ. ವರದಿಗಳ ಪ್ರಕಾರ, ಲೇಕ್ ಕೋಮೋವನ್ನ ವಾಟರ್ ಲಿಲ್ಲಿ ಹೂವುಗಳಿಂದ ಸಿಂಗಾರಗೊಳಿಸಲು ಫ್ಲೋರೆನ್ಸ್ ನಿಂದ ಹನ್ನೆರಡು ಮಂದಿಯನ್ನ ಕರೆತರಲಾಗಿದೆ.

ಪಂಜಾಬಿ ಥೀಮ್ ನಲ್ಲಿ ಮೆಹಂದಿ-ಸಂಗೀತ ಸಮಾರಂಭ

ಇಟಲಿ ಕಾಲಮಾನದ ಪ್ರಕಾರ, ನಿನ್ನೆ ಬೆಳಗ್ಗೆ 11 ಗಂಟೆ ಸುಮಾರಿಗೆ ಮೆಹಂದಿ ಮತ್ತು ಸಂಗೀತ ಸಮಾರಂಭ ನಡೆದಿದೆ. ಪಂಜಾಬಿ ಥೀಮ್ ನಲ್ಲಿ ಮೆಹಂದಿ ಹಾಗೂ ಸಂಗೀತ ಕಾರ್ಯಕ್ರಮ ನೆರವೇರಿದ್ದು, ವಧು-ವರರು ಕುಣಿದು ಕುಪ್ಪಳಿಸಿದ್ದಾರೆ.

ರಿಸೆಪ್ಷನ್ ಯಾವಾಗ.?

ಇಂದು ಕೊಂಕಣಿ ಶೈಲಿಯಲ್ಲಿ ದೀಪಿಕಾ-ರಣ್ವೀರ್ ಸಿಂಗ್ ಮದುವೆ ನಡೆಯಲಿದ್ದು, ನಾಳೆ ಸಿಂಧಿ ಸಂಪ್ರದಾಯದಂತೆ ದೀಪಿಕಾ-ರಣ್ವೀರ್ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ. ನವೆಂಬರ್ 21 ರಂದು ಬೆಂಗಳೂರಿನಲ್ಲಿ ಆರತಕ್ಷತೆ ಸಮಾರಂಭ ನಡೆಯಲಿದ್ದು, ನವೆಂಬರ್ 28 ರಂದು ಮುಂಬೈನಲ್ಲಿ ರಿಸೆಪ್ಷನ್ ನೆರವೇರಲಿದೆ.