ಪತಿ ರಣ್ವೀರ್ ನಂಬರ್ ಅನ್ನು ಏನೆಂದು ಸೇವ್ ಮಾಡಿದ್ದಾರೆ ದೀಪಿಕಾ ಪಡುಕೋಣೆ

ಹೆಸರನ್ನು ಏನೆಂದು ಸೇವ್ ಮಾಡಿದ್ದಾರೆ?

ತಮ್ಮ ತರ್ಲೆ, ತುಂಟಾಟಗಳು, ಬಿಂದಾಸ್ ಮಾತುಗಳಿಂದ ಖ್ಯಾತರಾಗಿರುವ ರಣ್ವೀರ್ ಸಿಂಗ್ ಹೆಸರನ್ನು 'ಹ್ಯಾಂಡ್ಸಮ್' ಎಂದು ಸೇವ್ ಮಾಡಿಕೊಂಡಿದ್ದಾರೆ ದೀಪಿಕಾ ಪಡುಕೋಣೆ. ಅದು ನಿಜವೂ ಹೌದು. ರಣ್ವೀರ್ ಸಿಂಗ್ ನಿಜಕ್ಕೂ ಹ್ಯಾಂಡ್ಸಮ್.

ಅಳಿಯನನ್ನು ಹೊಗಳಿರುವ ದೀಪಿಕಾ ಪೋಷಕರು

ದೀಪಿಕಾ ಹಂಚಿಕೊಂಡಿರುವ ಸ್ಕ್ರೀನ್ ಶಾಟ್‌ನಲ್ಲಿ, ದೀಪಿಕಾ ಅವರ ಅಮ್ಮ ಮತ್ತು ಅಪ್ಪ ಅಳಿಯ ರಣ್ವೀರ್ ಸಿಂಗ್ ಅನ್ನು ಹೊಗಳುತ್ತಿದ್ದಾರೆ. ಅತ್ತೆ-ಮಾವನವರ ಪ್ರೀತಿಯ ಹೊಗಳಿಕೆಗೆ ಧನ್ಯವಾದ ಹೇಳಿದ್ದಾರೆ ರಣ್ವೀರ್ ಸಿಂಗ್.

ದೀಪಿಕಾ ಅಮ್ಮನ ಹೊಗಳಿಕೆ

ರಣ್ವೀರ್ ಸಿಂಗ್ ಅವರ ಸಂದರ್ಶನವನ್ನು ನೋಡಿ ದೀಪಿಕಾ ತಾಯಿ ಉಜ್ಜಲಾ ಪಡುಕೋಣೆ, 'ತುಂಬಾ ಕುತೂಹಲಭರಿತವಾದ ಸಂದರ್ಶನ, ಸಂದರ್ಶನ ನೋಡಿದ ಪ್ರತಿ ನಿಮಿಷವನ್ನೂ ನಾನು ಎಂಜಾಯ್ ಮಾಡಿದೆ' ಎಂದು ಹೊಗಳಿದ್ದಾರೆ.

ಶಹಭಾಸ್ ಎಂದ ರಣ್ವೀರ್ ಸಿಂಗ್ ಅಪ್ಪ

ದೀಪಿಕಾ ತಂದೆ ಪ್ರಕಾಶ್ ಪಡುಕೋಣೆ, 'ಮಾಹಿತಿಪೂರ್ಣವಾದ ಸಂದರ್ಶನ, ತುಂಬಾ ಚೆನ್ನಾಗಿ ಮಾತನಾಡಿದ್ದೀಯ' ಎಂದಿದ್ದಾರೆ. ರಣ್ವೀರ್ ಸಿಂಗ್ ತಂದೆ ಜಗ್ಜೀತ್ ಸಿಂಗ್ ಭವಾನಿ, 'ಉಲ್ಲಾಸಭರಿತವಾದ ಫ್ರೆಶ್ ಆದ ಸಂದರ್ಶನ' ಎಂದಿದ್ದಾರೆ.

ದೀಪಿಕಾ ಹೇಳಿರುವುದೇನು?

ಸ್ಕ್ರೀನ್ ಶಾಟ್ ಹಂಚಿಕೊಂಡಿರುವ ದೀಪಿಕಾ ಪಡುಕೋಣೆ, 'ನಾವು ಕುಟುಂಬದವರು ಹೀಗೆಯೇ ಒಬ್ಬರ ಸಾಧನೆಯನ್ನು ಎಲ್ಲರೂ ಸಂಭ್ರಮಿಸುತ್ತೇವೆ. ಪರಸ್ಪರ ಅಭಿಪ್ರಾಯಗಳನ್ನು ಹಂಚಿಕೊಳ್ಳುತ್ತೇವೆ' ಎಂದು ಹೇಳಿದ್ದಾರೆ.