ನಟ ಅಮೀರ್ ಖಾನ್ ವಿರುದ್ಧ ದೀಪಿಕಾ ಪಡುಕೋಣೆ ಆರೋಪ

ಅಮೀರ್ ಜತೆ ದೀಪಿಕಾ ಫ್ಯಾಮಿಲಿ

ದೀಪಿಕಾ ತಾಯಿ ಉಜ್ವಲಾ, ತಮ್ಮ ಕಿರಿಮಗಳು ಅನಿಶಾರನ್ನು ತೊಡೆಯ ಮೇಲೆ ಕೂರಿಸಿಕೊಂಡು ಆ ಸಾಲಿನ ಕೊನೆಯಲ್ಲಿ ಕುಳಿತಿದ್ದರು. ಈ ಫೋಟೊದೊಂದಿಗೆ ದೀಪಿಕಾ, ಹಸಿವಾಗಿದ್ದರೂ ಅಮೀರ್ ಖಾನ್ ತಮಗೆ ಮೊಸರನ್ನ ಕೊಟ್ಟಿರಲಿಲ್ಲ ಎಂದು ಮುನಿಸನ್ನು ತಿಳಿಸಿದ್ದಾರೆ.

ಮೊಸರನ್ನ ತಿನ್ನಲು ಕರೆಯಲಿಲ್ಲ

'2000ರ ಜನವರಿ 1ರಷ್ಟು ಹಳೆಯದಾದ ಫೋಟೊ. ನನಗೆ ಆಗ 13 ವರ್ಷ. ಆಗ ವಿಚಿತ್ರವಾಗಿದ್ದೆ. ಈಗಲೂ ಅಷ್ಟೇ. ಅವರ ಅಂದು ಊಟ ಮಾಡುತ್ತಿದ್ದರು. ಅದು ಮೊಸರನ್ನ. ಯಾವಾಗಲೂ ಇರುವಂತೆಯೇ ಅಂದು ಸಹ ನನಗೆ ಬಹಳ ಹಸಿವಾಗಿತ್ತು. ಆದರೆ ಅವರು ಊಟಕ್ಕೆ ಕರೆಯಲಿಲ್ಲ. ನಾನೂ ಕೇಳಲಿಲ್ಲ' ಎಂದು ಅಮೀರ್ ಖಾನ್ ಅವರನ್ನು ಟ್ಯಾಗ್ ಮಾಡಿ ದೀಪಿಕಾ ಆರೋಪಿಸಿದ್ದಾರೆ.

ರಣವೀರ್ ಸಿಂಗ್ ಪ್ರತಿಕ್ರಿಯೆ

ಇದಕ್ಕೆ ನಗುವ ಎಮೋಜಿ ಹಾಕಿರುವ ದೀಪಿಕಾ ಪತಿ ರಣವೀರ್ ಸಿಂಗ್ 'ನಿಜಕ್ಕೂ ಬಹಳ ಹಳೆಯದು' ಎಂದಿದ್ದಾರೆ. ದೀಪಿಕಾ ಫೋಟೊಕ್ಕೆ ನೆಟ್ಟಿಗರು ತಮಾಷೆಯ ಪ್ರತಿಕ್ರಿಯೆ ನೀಡಿದ್ದಾರೆ. 13ರ ವಯಸ್ಸಿನಲ್ಲಿಯೇ ಅಷ್ಟು ಎತ್ತರ ಇದ್ದಿರಾ ಎಂದು ಕೆಲವರು ಪ್ರಶ್ನಿಸಿದ್ದಾರೆ.

ಬಿಗ್ ಬಾಸ್‌ಗೆ ಕಳಿಸಬೇಕು

'ಬಿಗ್ ಬಾಸ್' ಕಾರ್ಯಕ್ರಮದಲ್ಲಿ ಸಿನಿಮಾ ಪ್ರಚಾರಕ್ಕೆ ತೆರಳಿದ್ದ ದೀಪಿಕಾ, ಅವಕಾಶ ಸಿಕ್ಕರೆ ಅಮೀರ್ ಖಾನ್ ಅವರನ್ನು ಬಿಗ್ ಬಾಸ್ ಮನೆಗೆ ಕಳಿಸಲು ಬಯಸುವುದಾಗಿ ಹೇಳಿದ್ದರು. ಅಮೀರ್ ಮಾತನಾಡುವುದು ಬಹಳ ಕಡಿಮೆ. ಅವರ ಬಗ್ಗೆ ಹೆಚ್ಚು ತಿಳಿದುಕೊಳ್ಳಬೇಕು. ಹೀಗಾಗಿ ಅವರನ್ನು ಬಿಗ್ ಬಾಸ್‌ಗೆ ಕಳಿಸಬೇಕು ಎಂದು ಸಲ್ಮಾನ್ ಖಾನ್ ಅವರ ಬಳಿ ಹೇಳಿದ್ದರು.