ಬಾಕ್ಸ್ ಆಫೀಸ್ ನಲ್ಲಿ ಮುಗ್ಗರಿಸಿ ಬಿದ್ದ ದೀಪಿಕಾ: 'ಚಪಾಕ್' ಚಿತ್ರದ ಕಲೆಕ್ಷನ್ ಅಷ್ಟಕಷ್ಟೆ.!

'ಚಪಾಕ್' ಚಿತ್ರದ ಮೊದಲ ದಿನದ ಗಳಿಕೆ ಎಷ್ಟು.?

ದೀಪಿಕಾ ಪಡುಕೋಣೆ ಅಭಿನಯದ 'ಚಪಾಕ್' ಚಿತ್ರ ಭಾರತದಲ್ಲಿ 1700 ಸ್ಕ್ರೀನ್ ಗಳಲ್ಲಿ ತೆರೆಗೆ ಬಂದಿತ್ತು. ಹೀಗಿದ್ದರೂ, ಮೊದಲ ದಿನ (ಶುಕ್ರವಾರ) 'ಚಪಾಕ್' ಚಿತ್ರ ಕಲೆಕ್ಟ್ ಮಾಡಿದ್ದು ಕೇವಲ 4.50 ಕೋಟಿ. ಬಾಲಿವುಡ್ ಮಟ್ಟಕ್ಕೆ ಇದು ತೀರಾ ಕಡಿಮೆ.

ವೀಕೆಂಡ್ ಪರ್ಫಾಮೆನ್ಸ್ ಪರ್ವಾಗಿಲ್ಲ

ಮೊದಲ ದಿನಕ್ಕೆ ಹೋಲಿಸಿದರೆ, ಶನಿವಾರ ಮತ್ತು ಭಾನುವಾರ 'ಚಪಾಕ್' ಚಿತ್ರದ ಬಾಕ್ಸ್ ಆಫೀಸ್ ಗಳಿಕೆ ಪರ್ವಾಗಿಲ್ಲ. ಎರಡನೇ ದಿನ (ಶನಿವಾರ) ಅಂದಾಜು 6.50 ಕೋಟಿ ಕಲೆಕ್ಷನ್ ಮಾಡಿದ 'ಚಪಾಕ್', ಮೂರನೇ ದಿನ (ಭಾನುವಾರ) ಸುಮಾರು 7 ಕೋಟಿ ವಸೂಲಿ ಮಾಡಿದೆ.

ನಾಲ್ಕು ದಿನಕ್ಕೆ 20 ಕೋಟಿ

ನಿನ್ನೆ ಸೋಮವಾರ ಬಾಕ್ಸ್ ಆಫೀಸ್ ನಲ್ಲಿ ಮತ್ತೆ 'ಚಪಾಕ್' ಚಿತ್ರ ಡಲ್ ಆಗಿದೆ. ಕೇವಲ 2 ಕೋಟಿಯನ್ನು ಮಾತ್ರ ಮೇಘನಾ ಗುಲ್ಜರ್ ನಿರ್ದೇಶನದ ಚಿತ್ರ ಕಲೆಕ್ಟ್ ಮಾಡಿದೆ. ನಾಲ್ಕು ದಿನಗಳಲ್ಲಿ ಅಂದಾಜು 20 ಕೋಟಿ ಕಲೆಕ್ಷನ್ ಮಾಡುವಲ್ಲಿ ಮಾತ್ರ 'ಚಪಾಕ್' ಚಿತ್ರ ಯಶಸ್ವಿ ಆಗಿದೆ.

ಕಲೆಕ್ಷನ್ ನಲ್ಲಿ ಹಿಂದೆ ಬಿದ್ದ 'ಚಪಾಕ್'

ಬಹು ನಿರೀಕ್ಷೆ ಹುಟ್ಟಿಸಿದ್ದ 'ಚಪಾಕ್' ಚಿತ್ರದ ಬಗ್ಗೆ ಪಾಸಿಟಿವ್ ವಿಮರ್ಶೆಗಳು ಪ್ರಕಟವಾದರೂ, ಕಲೆಕ್ಷನ್ ವಿಷಯದಲ್ಲಿ ಹಿಂದೆ ಬಿದ್ದಿದೆ. 'ಚಪಾಕ್' ಚಿತ್ರದಲ್ಲಿ ನಟನೆಯ ಜೊತೆಗೆ ಫಾಕ್ಸ್ ಸ್ಟಾರ್ ಸ್ಟುಡಿಯೋಸ್ ಸಹಯೋಗದೊಂದಿಗೆ ನಿರ್ಮಾಣದ ಜವಾಬ್ದಾರಿಯನ್ನೂ ದೀಪಿಕಾ ಪಡುಕೋಣೆ ವಹಿಸಿಕೊಂಡಿದ್ದರು.