ಕಳ್ಳರ ಗುಂಪು ಸೇರಲಿರುವ ನಟಿ ದೀಪಿಕಾ ಪಡುಕೋಣೆ!

ಧೂಮ್ 2 ಐಶ್ವರ್ಯಾ ರೈ ಕಳ್ಳಿಯ ಪಾತ್ರದಲ್ಲಿ ನಟಿಸಿದ್ದರು

ಧೂಮ್ 2 ನಲ್ಲಿ ನಟಿ ಐಶ್ವರ್ಯಾ ರೈ ಕಳ್ಳಿಯ ಪಾತ್ರದಲ್ಲಿ ನಟಿಸಿದ್ದರು. ಧೂಮ್ 3 ನಲ್ಲಿ ಅಮೀರ್ ಖಾನ್ ಫ್ಯಾನ್ಸಿ ಹಾಗೂ ಬುದ್ಧಿವಂತ ಕಳ್ಳನ ಪಾತ್ರದಲ್ಲಿ ನಟಿಸಿದ್ದರು. ಧೂಮ್ 4 ನಲ್ಲಿ ಶಾರುಖ್ ಖಾನ್ ಕಳ್ಳನಾಗುತ್ತಿದ್ದಾರೆ. ಶಾರುಖ್‌ಗೆ ದೀಪಿಕಾ ಪಡುಕೋಣೆ ಜೊತೆಯಾಗಲಿದ್ದಾರೆ.

ಅಭಿಷೇಕ್-ಉದಯ್ ಚೋಪ್ರಾ ಮುಂದುವರೆಯಲಿದ್ದಾರೆ

ಇನ್ನು ಧೂಮ್ ನ ಮೊದಲ ಸಿನಿಮಾ ಸರಣಿಯಿಂದಲೂ ಪೊಲೀಸ್ ಪಾತ್ರದಲ್ಲಿರುವ ಅಭಿಷೇಕ್ ಬಚ್ಚನ್, ಧೂಮ್ 4 ನಲ್ಲಿಯೂ ಪೊಲೀಸ್ ಪಾತ್ರದಲ್ಲಿಯೇ ಮುಂದುವರೆಯಲಿದ್ದಾರೆ. ಇನ್ನು ಉದಯ್ ಚೋಪ್ರಾ ಸಹ ಪೊಲೀಸ್ ಪಾತ್ರದಲ್ಲಿ ಮುಂದುವರೆಯಲಿದ್ದಾರೆ.

ಪಠಾಣ್ ನಲ್ಲಿ ಶಾರುಖ್-ದೀಪಿಕಾ ನಟನೆ

ಶಾರುಖ್ ಹಾಗೂ ದೀಪಿಕಾ ಪಡುಕೋಣೆ 'ಪಠಾಣ್' ಸಿನಿಮಾದಲ್ಲಿ ಒಟ್ಟಿಗೆ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಜಾನ್ ಅಬ್ರಹಾಂ ಸಹ ನಟಿಸಲಿದ್ದಾರೆ. ಗೌಪ್ಯ ಏಜೆಂಟ್‌ ಬಗೆಗಿನ ಈ ಸಿನಿಮಾದಲ್ಲಿ ಸಲ್ಮಾನ್ ಖಾನ್, ಹೃತಿಕ್ ರೋಷನ್ ಅತಿಥಿ ಪಾತ್ರದಲ್ಲಿ ನಟಿಸಲಿದ್ದಾರೆ.

ಸಖತ್ ಬ್ಯುಸಿ ನಟಿ ದೀಪಿಕಾ ಪಡುಕೋಣೆ

ದೀಪಿಕಾ ಪಡುಕೋಣೆ ಬಾಲಿವುಡ್‌ನ ಸಖತ್ ಬ್ಯುಸಿ ನಟಿ. ಅವರ ನಟನೆಯ '83' ಸಿನಿಮಾ ಬಿಡುಗಡೆಗೆ ತಯಾರಾಗಿದೆ. ಪ್ರಭಾಸ್ ಜೊತೆ ಸಿನಿಮಾ ಒಂದರಲ್ಲಿ ನಟಿಸುತ್ತಿದ್ದಾರೆ. ಕ್ರಿಶ್ 4 ಸಿನಿಮಾದಲ್ಲಿ ನಟಿಸುವ ಸಾಧ್ಯತೆ ಇದೆ. ಪಠಾಣ್ ನಲ್ಲಿ ನಟಿಸುತ್ತಿದ್ದಾರೆ.