ದೀಪಿಕಾ ಪಡುಕೋಣೆಯ ಮಾಜಿ ಪ್ರಿಯಕರ ಬಾಲಿವುಡ್ ಗೆ ಎಂಟ್ರಿ.!

ಬಾಲಿವುಡ್ ನ ಬಹುಬೇಡಿಕೆಯ ನಟಿ ದೀಪಿಕಾ ಪಡುಕೋಣೆ 'ಪದ್ಮಾವತಿ' ಚಿತ್ರದಲ್ಲಿ ಬಿ.ಜಿ ಇದ್ದಾರೆ. ಇದೀಗ, ದೀಪಿಕಾ ಪಡುಕೋಣೆ ಅವರ ಮಾಜಿ ಪ್ರಿಯಕರ ಬಾಲಿವುಡ್ ಗೆ ಎಂಟ್ರಿ ಕೊಟ್ಟಿದ್ದಾರೆ.

ದೀಪಿಕಾ ಅವರ ಮಾಜಿ ಪ್ರಿಯಕರ ಎಂದಾಕ್ಷಣ ಎಲ್ಲರಿಗೂ ರಣ್ವೀರ್ ಸಿಂಗ್ ಮತ್ತು ರಣ್ಬೀರ್ ಕಪೂರ್ ನೆನಪಾಗ್ತಾರೆ. ಆದ್ರೆ, ಇವರಿಬ್ಬರ ಮಧ್ಯೆ ಮತ್ತೊಬ್ಬ ಬಾಯ್ ಫ್ರೆಂಡ್ ದೀಪಿಕಾಗೆ ಇದ್ದರು. ಆ ಕಲಾವಿದ ಈಗ ಬಿಗ್ ಇಂಡಸ್ಟ್ರಿಗೆ ಪರಿಚಯವಾಗ್ತಿದ್ದಾರೆ.

ಹೌದು, ದೀಪಿಕಾ ಪಡುಕೋಣೆಯ ಮಾಜಿ ಪ್ರಿಯಕರನಾಗಿದ್ದ ನಿಹಾರ್ ಪಾಂಡ್ಯ ಈಗ ಹಿಂದಿ ಸಿನಿಲೋಕಕ್ಕೆ ಎಂಟ್ರಿ ಕೊಡ್ತಿದ್ದು, ಕಂಗನಾ ರನೌತ್ ಅಭಿನಯಿಸುತ್ತಿರುವ 'ಮಣಿಕರ್ಣಿಕಾ' ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.

'ಮಣಿಕರ್ಣಿಕಾ' ಚಿತ್ರ ಬ್ರಿಟಿಷರ ವಿರುದ್ಧ ಹೋರಾಡಿದ ಝಾನ್ಸಿ ರಾಣಿ ಲಕ್ಷ್ಮಿ ಬಾಯಿ ಅವರ ಜೀವನಾಧರಿತ ಚಿತ್ರವಾಗಿದ್ದು, ಈ ಚಿತ್ರದ ದ್ವಿತೀಯಾರ್ಧದಲ್ಲಿ ನಿಹಾರ್ ಪಾಂಡ್ಯ ಅವರ ಪಾತ್ರ ಮೂಡಿಬರಲಿದೆ.

ಈ ಚಿತ್ರಕ್ಕಾಗಿ ನಿಹಾರ್ ಪಾಂಡ್ಯ ಸಖತ್ ತಯಾರಿ ಮಾಡಿಕೊಳ್ಳುತ್ತಿದ್ದು, ಈ ಚಿತ್ರವನ್ನ ಕೃಷ್ಣ ಜಗರ್ಲಾಡಿ ನಿರ್ದೇಶನ ಮಾಡುತ್ತಿದ್ದಾರೆ.