20 ಲಕ್ಷ ದಂಡ ವಿಧಿಸಿದ ನ್ಯಾಯಾಲಯ: ಜೂಹಿ ಚಾವ್ಲಾಗೆ ತೀವ್ರ ಮುಖಭಂಗ

ವಿಚಾರಣೆಯ ಆನ್‌ಲೈನ್ ಲಿಂಕ್‌ ಶೇರ್ ಮಾಡಿದ್ದ ಜೂಹಿ

ಅರ್ಜಿಗೆ ಸಂಬಂಧಿಸಿದಂತೆ ಆನ್‌ಲೈನ್ ವಿಚಾರಣೆ ನಡೆದಿತ್ತು. ಆ ವಿಚಾರಣೆಯ ಲಿಂಕ್‌ ಅನ್ನು ಜೂಹಿ ಚಾವ್ಲಾ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು. ಲಿಂಕ್‌ ಬಳಸಿ ಮೀಟಿಂಗ್‌ಗೆ ಬಂದ ಕೆಲವು ಜೂಹಿ ಚಾವ್ಲಾ ಅಭಿಮಾನಿಗಳು, ಜೂಹಿ ಚಾವ್ಲಾ ಸಿನಿಮಾದ ಹಾಡುಗಳನ್ನು ಹೇಳಿದ್ದರು. ಇದರಿಂದ ನ್ಯಾಯಮೂರ್ತಿಗಳು ತೀವ್ರ ಕುಪಿತಗೊಂಡಿದ್ದರು.

ದೆಹಲಿ ಪೊಲೀಸರಿಗೆ ಸೂಚಿಸಿರುವ ನ್ಯಾಯಮೂರ್ತಿ

ಆದೇಶದಲ್ಲಿ ಇದನ್ನೂ ದಾಖಲಿಸಿರುವ ನ್ಯಾಯಮೂರ್ತಿಗಳು 'ಆನ್‌ಲೈನ್‌ ವಿಚಾರಣೆ ಮಧ್ಯೆ ಬಂದು ಹಾಡು ಹಾಡಿದ ಆ ಹಾಡುಗಾರರು ಯಾರೆಂದು ಪತ್ತೆ ಮಾಡಿ' ಎಂದು ದೆಹಲಿ ಪೊಲೀಸರಿಗೆ ಸೂಚಿಸಿದ್ದಾರೆ. ಆನ್‌ಲೈನ್ ವಿಚಾರಣೆ ನಡೆಯುವಾಗ ಜೂಹಿ ಅಭಿಮಾನಿಗಳು ಮಾಡಿದ ಕುಚೋದ್ಯದ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.

ಜಾಗೃತಿ ಮೂಡಿಸುವ ಪ್ರಯತ್ನ ಎಂದಿದ್ದ ಜೂಹಿ

5ಜಿ ವಿರುದ್ಧ ಹೋರಾಟ ಮಾಡಲು ಹೊರಟಿದ್ದ ಜೂಹಿ ಚಾವ್ಲಾ, ''ಇಂದು ಎಚ್ಚೆತ್ತುಕೊಂಡಿದ್ದಲ್ಲ. ಕಳೆದ 10 ವರ್ಷಗಳಿಂದ ವಿಕಿರಣ, ಸುರಕ್ಷಿತ ಸೆಲ್ ಫೋನ್ ಬಳಕೆ, ಸೆಲ್ ಫೋನ್ ಟವರ್ ರೇಡಿಯೇಶನ್ ಬಗ್ಗೆ ಮಾತನಾಡುತ್ತಿದ್ದೇನೆ ಮತ್ತು ಸಾಧ್ಯವಾದಷ್ಟು ಜಾಗೃತಿ ಮೂಡಿಸಲು ಪ್ರಯತ್ನಿಸುತ್ತಿದ್ದೇನೆ' ಎಂದಿದ್ದರು. ಆದರೆ ಅವರ ಹೋರಾಟ ಆರಂಭದಲ್ಲಿಯೇ ಧಾರುಣವಾಗಿ ಮುಗ್ಗರಿಸಿದೆ.

Recommended Video

ಇಂಥ ಪರಿಸ್ಥಿತಿ ಯಾವ ಕಲಾವಿದರಿಗೂ ಬರಬಾರದು | Senior Actress B Jayamma | Filmibeat Kannada

ಕಬಿನಿ, ನಾಗರಹೊಳೆ ಸುತ್ತಾಡಿದ ಜೂಹಿ ಚಾವ್ಲಾ

ಕನ್ನಡದ ಪ್ರೇಮಲೋಕ, ಕಿಂದರ ಜೋಗಿ, ಶಾಂತಿ-ಕ್ರಾಂತಿ ಸಿನಿಮಾಗಳಲ್ಲಿ ನಟಿಸಿರುವ ಜೂಹಿ ಚಾವ್ಲಾ ಬಾಲಿವುಡ್‌ನ ಹೆಸರಾಂತ ಹಿರಿಯ ನಟಿ. ಐಪಿಎಲ್‌ನ ಕೆಕೆಆರ್‌ ತಂಡದ ಸಹ ಒಡತಿ ಆಗಿರುವ ಜೂಹಿ ಇತ್ತೀಚೆಗೆ ಪರಿಸರ ಸಂಬಂಧಿ ಹೋರಾಟಗಳಲ್ಲಿ ತಮ್ಮನ್ನು ಗುರುತಿಸಿಕೊಂಡಿದ್ದಾರೆ. ಕೆಲವು ತಿಂಗಳ ಹಿಂದಷ್ಟೆ ಕರ್ನಾಟಕದ ಕಬಿನಿ, ನಾಗರಹೊಳೆ ಕಾಡಿಗೆ ಬಂದು ಸುತ್ತಾಡಿದ್ದರು ಜೂಹಿ.