Don't Miss!
- News 11 ಕೋಟಿ ಮಹಿಳೆಯರಿಗೆ ಅಡುಗೆ ಅನಿಲ: ಡಾ. ಕೆ. ಸುಧಾಕರ್
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಫೋಟೋ ವೈರಲ್: ನಟಿ ದಿಯಾ ಮಿರ್ಜಾ ಮತ್ತು ವೈಭವ್ ಮದುವೆ ನೆರವೇರಿಸಿದ ಮಹಿಳಾ ಅರ್ಚಕರು
ಬಾಲಿವುಡ್ ನಟಿ ದಿಯಾ ಮಿರ್ಜಾ ಇತ್ತೀಚಿಗೆಷ್ಟೆ ಉದ್ಯಮಿ ವೈಭವ್ ರೇಖಿ ಜೊತೆ ಎರಡನೇ ವಿವಾಹವಾಗಿದ್ದಾರೆ. ತೀರ ಸರಳವಾಗಿ ನೆರವೇರಿದ ಮದುವೆ ಸಮಾರಂಭದಲ್ಲಿ ಕುಟುಂಬದವರು ಮತ್ತು ಆಪ್ತರು ಮಾತ್ರ ಭಾಗಿಯಾಗಿದ್ದರು. ದಿಯಾ ಮತ್ತು ವೈಭವ್ ಮದುವೆಯ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇದೀಗ ದಿಯಾ ಮದುವೆಯ ಇಂಟರೆಸ್ಟಿಂಗ್ ಸಂಗತಿಯೊಂದು ಬಹಿರಂಗವಾಗಿದೆ. ದಿಯಾ ಮತ್ತು ವೈಭವ್ ಮದುವೆಯನ್ನು ಮಹಿಳಾ ಅರ್ಚಕರೊಬ್ಬರು ನೆರವೇರಿಸಿದ್ದಾರೆ. ಮಹಿಳಾ ಅರ್ಚಕರು ಮದುವೆಯ ಪೂಜಾ ವಿಧಾನಗಳನ್ನು ಮಾಡುತ್ತಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಫೋಟೋಗಳು: 2ನೇ ಮದುವೆಯಾದ ಖ್ಯಾತ ನಟಿ ದಿಯಾ ಮಿರ್ಜಾ
ದಿಯಾ ಮದುವೆ ನೆರವೇರಿಸಿದ ಮಹಿಳಾ ಅರ್ಚಕರು
ಈ ಬಗ್ಗೆ ಸ್ವತಃ ದಿಯಾ ಮಿರ್ಜಾ ಅವರೇ ಬಹಿರಂಗ ಪಡಿಸಿದ್ದಾರೆ. ಮಹಿಳಾ ಅರ್ಚಕರು ಮದುವೆ ಮಾಡಿಸುತ್ತಿರುವ ಫೋಟೋವನ್ನು ದಿಯಾ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಸಾಮಾನ್ಯವಾಗಿ ಭಾರತದಲ್ಲಿ ಹಿಂದೂ ವಿವಾಹ ಸಮಾರಂಭಗಳನ್ನು ಪುರುಷ ಪುರೋಹಿತರು ನಡೆಸುತ್ತಾರೆ. ಆದರೆ ದಿಯಾ ಮದುವೆಯನ್ನು ಮಹಿಳಾ ಅರ್ಚಕರು ನೆರವೇರಿಸಿದ್ದು ಅಚ್ಚರಿ ಮೂಡಿಸಿದೆ.
ಶೀಲಾ ಅಟ್ಟಾಗೆ ಧನ್ಯವಾದ ತಿಳಿಸಿದ ದಿಯಾ
ಅಂದಹಾಗೆ ದಿಯಾ ಮದುವೆ ನೆರವೇರಿಸಿದ ಈ ಮಹಿಳಾ ಅರ್ಚಕರ ಹೆಸರು ಶೀಲಾ ಅಟ್ಟ. ಈ ಅರ್ಚಕರ ಫೋಟೋವನ್ನು ಶೇರ್ ಮಾಡಿ ದಿಯಾ ಧನ್ಯವಾದ ತಿಳಿಸಿದ್ದಾರೆ. 'ನಮ್ಮ ವಿವಾಹವನ್ನು ನೆರವೇರಿಸಿದ ಶೀಲಾ ಅಟ್ಟ ಅವರಿಗೆ ಧನ್ಯವಾದಗಳು. ಎಷ್ಟು ಹೆಮ್ಮೆಯಾಗುತ್ತಿದೆ.' ಎಂದು ಬರೆದು ರೈಸ್ ಅಪ್ ಮತ್ತು ಜನರೇಷನ್ ಇಕ್ವಾಲಿಟಿ ಎಂದು ಹ್ಯಾಷ್ ಟ್ಯಾಗ್ ಹಾಕಿದ್ದಾರೆ.
ದಿಯಾ ಮಿರ್ಜಾ ಗೆ ಎರಡನೇ ಮದುವೆ: ವರ ಯಾರು ಗೊತ್ತೆ?
ಬಾಲಿವುಡ್ ಗಣ್ಯರ ಶುಭಾಶಯ
ದಿಯಾ ಮಿರ್ಜಾ ಅವರ ಈ ನಿರ್ಧಾರಕ್ಕೆ ಅಭಿಮಾನಿಗಳಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಫೆಬ್ರವರಿ 15ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿರುವ ನಟಿ ದಿಯಾ ಮತ್ತು ವೈಭವ್ ರೇಖಿ ಅವರಿಗೆ ಬಾಲಿವುಡ್ ಗಣ್ಯರು ಮತ್ತು ಅಭಿಮಾನಿಗಳು ಶುಭಾಶಯ ತಿಳಿಸುತ್ತಿದ್ದಾರೆ.
Recommended Video
ಮದುವೆ ಫೋಟೋಗಳು ವೈರಲ್
ದಿಯಾ ಕೆಂಪು ಬಣ್ಣದ ಬನಾರಸ್ ಸೀರೆಯಲ್ಲಿ ಕಂಗೊಳಿಸಿದ್ರೆ, ದಿಯಾ ಪತಿ ವೈಭವ್ ಕುರ್ತಾ ಪೈಜಾಮನಲ್ಲಿ ಮಿಂಚಿದ್ದಾರೆ. ನವ ಜೋಡಿ ದಿಯಾ ಮತ್ತು ವೈಭವ್ ಅವರ ಮದುವೆ ಫೋಟೋಗಳು ಮತ್ತು ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ. ಇದೀಗ ಮಹಿಳಾ ಅರ್ಚಕರ ಫೋಟೋ ಎಲ್ಲರ ಗಮನ ಸೆಳೆಯುತ್ತಿದೆ.