Don't Miss!
- Sports Riyan Parag: 'ಗಾಯದಿಂದ ಮೂರು ದಿನ ಒದ್ದಾಡಿ ಹೋಗಿದ್ದೆ': ರಿಯಾನ್ ಪರಾಗ್
- News RCB vs KKR: ಕ್ರಿಕೆಟ್ ಪ್ರೇಮಿಗಳೇ... ಪ್ರಯಾಣಿಕರೇ ರಸ್ತೆಗಿಳಿಯುವ ಮುನ್ನ ಒಮ್ಮೆ ಗಮನಿಸಿ
- Finance ಇನ್ಮುಂದೆ ದುಬಾರಿಯಾಗಲಿದೆ ಎಸ್ಬಿಐ ಡೆಬಿಟ್, ಕ್ರೆಡಿಟ್ ಕಾರ್ಡ್ ನಿರ್ವಹಣಾ ಶುಲ್ಕ
- Automobiles Jonty Rhodes: ರಾಯಲ್ ಎನ್ಫೀಲ್ಡ್ ಬೈಕ್ಗಳಿಗೆ ಮನಸೋತ ದ.ಆಫ್ರಿಕಾ ಕ್ರಿಕೆಟರ್!
- Lifestyle ಗುಡ್ಫ್ರೈಡೆ ಆಚರಣೆ ಹುಟ್ಟಿದ್ದು ಹೇಗೆ? ಇದರ ಮಹತ್ವವೇನು ಗೊತ್ತಾ?
- Technology ಬಿಎಸ್ಎನ್ಎಲ್ ಗ್ರಾಹಕರಿಗೆ ಸಿಹಿಸುದ್ದಿ!..ಬಜೆಟ್ ದರದಲ್ಲಿ ಹೊಸ ಪ್ಲ್ಯಾನ್ ಲಾಂಚ್!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಯಸ್ಸಾದ ನಾಯಕರಿಗೆ ಎಳೆ ವಯಸ್ಸಿನ ನಾಯಕಿಯರು: ನಟಿಯ ತಕರಾರು
'ಸಿನಿಮಾ ನಾಯಕರಿಗೆ ವಯಸ್ಸೇ ಆಗುವುದಿಲ್ಲ' ನಾಯಕ ನಟರ ಕುರಿತು ಇರುವ ಹಳೆಯ ಜೋಕಿದು, ಈ ಜೋಕಿಗೆ ನಗುವುದನ್ನೂ ಬಿಟ್ಟಿದ್ದಾರೆ ಜನ, ಏಕೆಂದರೆ ಇದು ಜೋಕ್ ಆಗಿ ಉಳಿದಿಲ್ಲ!
ವಯಸ್ಸು 60 ಆದರೂ ಈಗಲೂ ತೆರೆ ಮೇಲೆ 30 ರ ಹರೆಯದ ಯುವಕನ ಪಾತ್ರಗಳಲ್ಲಿ ಅಭಿನಯಿಸುತ್ತಾರೆ ಕೆಲವು ನಾಯಕ ನಟರು. ಕೆಲವು 'ಹೀರೋ'ಗಳಂತೂ ಕಾಲೇಜು ಯುವಕನ ಪಾತ್ರಗಳಲ್ಲೂ ನಟಿಸಿದ್ದಾರೆ, ನಟಿಸುತ್ತಿದ್ದಾರೆ. ಈ ಸನ್ನಿವೇಶ ಭಾರತದ ಬಹುತೇಕ ಎಲ್ಲಾ ಚಿತ್ರರಂಗಗಳಲ್ಲೂ ಇದೆ.
ನಾಯಕನಿಗೆ ಎಷ್ಟೇ ವಯಸ್ಸಾಗಿದ್ದರೂ ಸಹ ಕಡಿಮೆ ವಯಸ್ಸಿನವರನ್ನೇ ನಾಯಕಿಯನ್ನಾಗಿ ಆಯ್ಕೆ ಮಾಡಲಾಗುತ್ತದೆ. ಕೆಲವು ಬಾರಿ ನಾಯಕ, 'ಅದೇ ನಾಯಕಿ ಆಗಬೇಕು' ಎಂದು ಹಠ ಹಿಡಿದಿದ್ದ ಸಂದರ್ಭಗಳೂ ಚಿತ್ರರಂಗದಲ್ಲಿ ಇದೆ.
ಆದರೆ ಈ 'ಪುರುಷ ಕೇಂದ್ರಿತ' ವ್ಯವಸ್ಥೆ ಬಗ್ಗೆ ನಟಿಯೊಬ್ಬರು ಬಹುತೇಕ ಮೊದಲ ಬಾರಿಗೆ ಗಟ್ಟಿ ಧ್ವನಿ ಎತ್ತಿದ್ದಾರೆ. ಅವರೇ ಬಾಲಿವುಡ್ ನಟಿ ದಿಯಾ ಮಿರ್ಜಾ.
''50 ವರ್ಷ ದಾಟಿದ ನಟರ ಎದುರು 19 ರ ಹರೆಯದ ನಟಿ, ಛೇ''
'50 ವರ್ಷ ದಾಟಿದ ನಟರ ಎದುರು 19 ರ ಹರೆಯದವರನ್ನು ನಾಯಕಿಯನ್ನಾಗಿ ಮಾಡಲಾಗುತ್ತದೆ, ಇದನ್ನು ನೋಡಲು ವಿಲಕ್ಷಣ, ವಿಚಿತ್ರವೆನಿಸುತ್ತದೆ. ಇದೊಂದು ರೀತಿ ಕೆಟ್ಟ ಸಂಸ್ಕೃತಿಯಾಗಿ ಬೆಳೆಯುತ್ತಿದೆ. ಎಷ್ಟೋ ಮಂದಿ ನಡುವಯಸ್ಸಿನ ಪ್ರತಿಭಾವಂತ ನಟಿಯರು ಇದೇ ಕಾರಣಕ್ಕೆ ಅವಕಾಶದಿಂದ ವಂಚಿತರಾಗುತ್ತಿದ್ದಾರೆ' ಎಂದಿದ್ದಾರೆ ದಿಯಾ ಮಿರ್ಜಾ.
ನಟಿಯರ ಕುರಿತು ಕತೆಗಳೇ ರಚಿಸಲಾಗುತ್ತಿಲ್ಲ: ದಿಯಾ
ಮಾಧ್ಯಮವೊಂದಕ್ಕೆ ನೀಡಿರುವ ಸಂದರ್ಶನದಲ್ಲಿ ಮಾತನಾಡಿರುವ ದಿಯಾ ಮಿರ್ಜಾ, 'ನಟಿಯರ ಭಾವಾಭಿವ್ಯಕ್ತಿ ಸದಾ ತಾಜಾ ಆಗಿರುತ್ತದೆ, ದುರಂತವೆಂದರೆ 35 ದಾಟಿದ ನಟಿಯರನ್ನು ಗಮನದಲ್ಲಿಟ್ಟುಕೊಂಡು ಸಿನಿಮಾ ಕತೆಗಳೇ ರಚಿಸುವುದಿಲ್ಲ. ಬಾಲಿವುಡ್ ಕತೆಗಳೆಲ್ಲಾ ನಾಯಕ ಕೇಂದ್ರಿತವೇ ಆಗಿರುತ್ತವೆ. ವಯಸ್ಸಾದ ನಟ, ಯುವಕನ ಪಾತ್ರ ನಿರ್ವಹಿಸುವುದನ್ನು ನೋಡುವುದು ದುರಾದೃಷ್ಟಕರ' ಎಂದಿದ್ದಾರೆ ಅವರು.
ನಾಯಕರು ಬೇಕೆಂದೇ ಹೀಗೆ ಮಾಡುತ್ತಾರೆ: ದಿಯಾ
'50 ಕ್ಕೂ ಹೆಚ್ಚು ವಯಸ್ಸಾದ ನಟರು 19 ವರ್ಷದ ನಾಯಕಿಯರೊಂದಿಗೆ ನಟಿಸುವುದು ವಿಲಕ್ಷಣ. ಆದರೆ ನಾಯಕ ನಟರು ತಮ್ಮ ಸ್ವಂತ ಕರಿಷ್ಮಾ ಹೆಚ್ಚಿಸಿಕೊಳ್ಳಲೆಂದು ಹೀಗೆ ಕಡಿಮೆ ವಯಸ್ಸಿನ ನಟಿಯರೊಂದಿಗೆ ಸಿನಿಮಾ ಮಾಡಲು ಹಾತೊರೆಯುತ್ತಾರೆ' ಎಂದು ಬಾಲಿವುಡ್ ಗುಟ್ಟು ಹೊರಹಾಕಿದ್ದಾರೆ ದಿಯಾ ಮಿರ್ಜಾ.
Recommended Video
'ಒಟಿಟಿಗಳಿಂದಾಗಿ ಮಹಿಳಾ ಪ್ರಧಾನ ಕತೆಗಳು ಬರುತ್ತಿವೆ'
'ಒಟಿಟಿಗಳಿಂದಾಗಿ ಮಹಿಳಾ ಪ್ರಾಧಾನ್ಯ ಕತೆಗಳಿಗೆ ಆಧ್ಯತೆ ಸಿಗುತ್ತಿದೆ. ಆ ಮೂಲಕ ಪ್ರತಿಭಾವಂತ ನಟಿಯರಿಗೆ ಹೆಚ್ಚು ಅವಕಾಶಗಳು ಸಹ ಒದಗಿ ಬರುತ್ತಿದೆ. ಒಟಿಟಿಗಳಿಂದಾಗಿ ಹೆಚ್ಚು ಮಹಿಳಾ ಪ್ರಧಾನ ವೆಬ್ ಸರಣಿಗಳು, ಸಿನಿಮಾಗಳು ಬರುತ್ತಿವೆ' ಎಂದಿದ್ದಾರೆ ದಿಯಾ ಮಿರ್ಜಾ.