ಐರಾವತ ನಟಿಯ ಬೇಡಿಕೆ ತಿರಸ್ಕರಿಸಿದ್ರಾ ಕ್ರಿಕೆಟರ್ ಹಾರ್ದಿಕ್ ಪಾಂಡ್ಯ.?

ಭಾರತ-ಪಾಕ್ ಪಂದ್ಯ ಟಿಕೆಟ್ ಕೇಳಿದ್ದರಂತೆ.!

ಜೂನ್ 16 ರಂದು ಭಾರತ ಮತ್ತು ಪಾಕಿಸ್ತಾನ ಪಂದ್ಯ ನಡೆದಿತ್ತು. ಬದ್ಧ ವೈರಿ ಪಾಕಿಸ್ತಾನ ತಂಡವನ್ನ ಭಾರತ ಸೋಲಿಸಿ ವಿಜಯ ಪತಾಕೆ ಹಾರಿಸಿತ್ತು. ರಣ್ವೀರ್ ಸಿಂಗ್, ಸೈಫ್ ಅಲಿ ಖಾನ್, ಶಿಬಾನಿ ದಾಂಡೇಕರ್ ಪಂದ್ಯ ನೋಡಲು ಹೋಗಿದ್ದರು. ಇದೀಗ, ಚರ್ಚೆ ಆಗ್ತಿರುವ ವಿಷ್ಯ ಏನಪ್ಪಾ ಅಂದ್ರೆ ಹಾರ್ದಿಕ್ ಪಾಂಡ್ಯ ಬಳಿ ನಟಿ ಊರ್ವಶಿ ರೌಟೇಲಾ ಇಂಡೋ-ಪಾಕ್ ಪಂದ್ಯ ವೀಕ್ಷಿಸಲು ಎರಡು ಪಾಸ್ ಕೇಳಿದ್ದರಂತೆ.

ಪದೇ ಪದೇ ಕೇಳಿ ಹಾರ್ದಿಕ್ ಗೆ ಕಾಡಿದ್ದರಂತೆ

ನಟಿ ಊರ್ವಶಿ ಮತ್ತು ಅವರ ತಾಯಿಗಾಗಿ ಎರಡು ಪಾಸ್ ಕೊಡಿಸು ಎಂದು ಹಾರ್ದಿಕ್ ಪಾಂಡ್ಯಗೆ ಕೇಳಿದ್ದರಂತೆ. ಪದೇ ಪದೇ ಮೆಸೆಜ್ ಮಾಡಿ ಒತ್ತಾಯಿಸಿದ್ದರಂತೆ. ಆದರೆ, ಆ ಕಡೆ ಪಂದ್ಯಕ್ಕಾಗಿ ತಯಾರಾಗುತ್ತಿದ್ದ ಹಾರ್ದಿಕ್, ಊರ್ವಶಿ ಮೆಸೆಜ್ ಗೆ ಪ್ರತಿಕ್ರಿಯೆ ನೀಡಿಲ್ಲ ಎಂಬುದು ಈಗ ಸದ್ದು ಮಾಡ್ತಿದೆ.

ಇದೆಲ್ಲ ಸುಳ್ಳು ಎಂದ ನಟಿ

ಈ ಸುದ್ದಿ ವೈರಲ್ ಆಗುತ್ತಿದ್ದಂತೆ ಮಾಧ್ಯಮವೊಂದಕ್ಕೆ ಪ್ರತಿಕ್ರಿಯೆ ನೀಡಿರುವ ಊರ್ವಶಿ, ''ಇದೆಲ್ಲ ಸುಳ್ಳು. ನಾನು ಯಾರನ್ನ ಪಾಸ್ ಕೇಳಿಲ್ಲ. ಲಂಡನ್ ನಲ್ಲಿ ನನ್ನ ಹೊಸ ಸಿನಿಮಾ ಚಿತ್ರೀಕರಣ ನಡೆಯುತ್ತಿತ್ತು. ಅದಕ್ಕಾಗಿ ಹೋಗಿದ್ದೆ. ನನಗೆ ಮ್ಯಾಚ್ ನೋಡಲು ಸಮಯವಿರಲಿಲ್ಲ. ಲಂಡನ್ ನಿಂದ ಮ್ಯಾಂಚೆಸ್ಟರ್ ದೂರ. ನಮ್ಮ ಹಳೇ ಪಿ.ಆರ್ ಹೇಳುವ ಯಾವ ವಿಷ್ಯವನ್ನ ನಂಬಬೇಡಿ'' ಎಂದು ಸ್ಪಷ್ಟನೆ ನೀಡಿದ್ದಾರೆ.

ಡೇಟಿಂಗ್ ಮಾಡ್ತಿದ್ರಂತೆ.!

ಈ ಹಿಂದೆ ಊರ್ವಶಿ ರೌಟೇಲಾ ಮತ್ತು ಹಾರ್ದಿಕ್ ಪಾಂಡ್ಯ ಡೇಟ್ ಮಾಡ್ತಿದ್ರು ಎಂಬ ಸುದ್ದಿಯೂ ಇದೆ. ಹೀಗಾಗಿ, ಹಾರ್ದಿಕ್ ಬಳಿ ಭಾರತ-ಪಾಕ್ ಪಂದ್ಯ ನೋಡಲು ಪಾಸ್ ಕೇಳಿರಬಹುದು ಎಂಬ ಮಾತಿದೆ. ಆದರೆ, ಈ ಬಗ್ಗೆ ಊರ್ವಶಿ ಮಾಹಿತಿ ನೀಡಿದ್ದು, ಇದರಲ್ಲಿ ಸತ್ಯವಿಲ್ಲ ಎಂದಿದ್ದಾರೆ. ಅಲ್ಲಿಗೆ ಈ ಸುದ್ದಿ ಕೇವಲ ಗಾಸಿಪ್ ಅಷ್ಟೇ.