ನೀರವ್ ಮೋದಿಗಿಂತಲೂ ದೊಡ್ಡ ಹಗರಣ, ನಟ ಡಿನೊ ಮೊರಿಯಾ ಆಸ್ತಿ ಮುಟ್ಟುಗೋಲು

ಸಂದೆಸ್ಸಾರಾ ಕುಟುಂಬಕ್ಕೆ ಸಂಬಂಧಿಸಿದ ಪ್ರಕರಣ

ಗುಜರಾತ್ ಮೂಲದ ಫಾರ್ಮಾಸುಟಿಕಲ್ ಸಂಸ್ಥೆಯೊಂದಕ್ಕೆ ಸಂಬಂಧಿಸಿದ ಪ್ರಕರಣ ಇದಾಗಿದ್ದು. ಸಂದೇಸ್ಸರಾ ಕುಟುಂಬವು ಬ್ಯಾಂಕ್‌ಗೆ ದೊಡ್ಡ ಮೊತ್ತದ ಹಣ ಬಾಕಿ ಉಳಿಸಿಕೊಂಡಿದೆ. ಅದೇ ಪ್ರಕರಣದಲ್ಲಿ ಈ ನಾಲ್ವರು ಹಣವನ್ನು ಅಕ್ರಮವಾಗಿ ವರ್ಗಾವಣೆ ಮಾಡಲು ಯತ್ನ ಮಾಡಿದ್ದಾರೆ ಎಂದು ಇಡಿ ಆರೋಪ ಮಾಡಿದೆ.

ನೀರವ್ ಮೋದಿಯದ್ದಕ್ಕಿಂತಲೂ ದೊಡ್ಡ ಹಗರಣ

14,500 ಕೋಟಿಗೂ ಹೆಚ್ಚು ಮೌಲ್ಯದ ಹಗರಣ ಇದಾಗಿದೆ ಎಂದು ಇಡಿ ಆರೋಪಿಸಿದೆ. ಬ್ಯಾಂಕ್ ಒಂದಕ್ಕೆ ಸಂದೇಸ್ಸರಾ ಕುಟುಂಬದವರು ಇಷ್ಟು ದೊಡ್ಡ ಹಣವನ್ನು ಮೋಸ ಮಾಡಿದ್ದಾರಂತೆ. ಈ ಮೊತ್ತವು ಪಿಎನ್‌ಬಿ ಬ್ಯಾಂಕ್ ಹಗರಣದ ರುವಾರಿ ನೀರವ್‌ ಮೋದಿ ಮಾಡಿದ್ದಕ್ಕಿಂತಲೂ ದೊಡ್ಡ ಹಗರಣ ಇದಾಗಿದೆ. ನೀರವ್ ಮೋದಿಯದ್ದು 11,400 ಕೋಟಿ ಹಗರಣವಾಗಿದೆ.

ಡಿನೊ ಮೊರಿಯಾಗೆ ಸೇರಿದ 1.40 ಕೋಟಿ ಆಸ್ತಿ

ಇಡಿ ಹೇಳಿರುವಂತೆ, ಡಿನೊ ಮೊರಿಯಾಗೆ ಸೇರಿದ 1.40 ಕೋಟಿ ಆಸ್ತಿ, ಸಂಜಯ್ ಖಾನ್‌ನ 3 ಕೋಟಿ ಆಸ್ತಿ, ಡಿಜೆ ಅಕೀಲ್‌ಗೆ ಸೇರಿದ 1.90 ಕೋಟಿ, ಅಹ್ಮದ್ ಪಟೇಲ್ ಅಳಿಯ ಇರ್ಫಾನ್‌ ಸಿದ್ಧಿಖಿಯ 2.41 ಕೋಟಿ ಆಸ್ತಿಯನ್ನು ಮುಟ್ಟುಗೋಲು ಹಾಕಿಕೊಂಡಿದೆ ಇಡಿ. ಬ್ಯಾಂಕ್ ಖಾತೆಗಳು, ದುಬಾರಿ ವಾಹನಗಳು, ಶೇರ್‌ ಹಾಗೂ ಮ್ಯೂಚ್ಯುಲ್ ಫಂಡ್‌ಗಳು ಆಸ್ತಿಯಲ್ಲಿ ಸೇರಿವೆ.

Recommended Video

ಜಗ್ಗೇಶ Tweet ಡಿಲೀಟ್ ಮಾಡಿ ಗೊಂದಲ ಸೃಷ್ಟಿ ಮಾಡಿದ್ರಾ! | Jaggesh Son Car Accident | Filmibeat Kannada

ಸಂದೆಸ್ಸಾರ ಕುಟುಂಬ ಸದಸ್ಯರಿಂದ ನಾಲ್ವರ ಖಾತೆಗೆ ಹಣ

ಬ್ಯಾಂಕ್‌ನಿಂದ ಭಾರಿ ದೊಡ್ಡ ಮೊತ್ತದ ಹಣ ಪಡೆದಿದ್ದ ಸಂದೆಸ್ಸಾರ ಕುಟುಂಬ ಆ ಹಣವನ್ನು ಈ ನಾಲ್ವರ ಖಾತೆಗಳಿಗೆ ವರ್ಗಾವಣೆ ಮಾಡಿತ್ತು. 2011-12 ರಲ್ಲಿ ನಟ ಡಿನೊ ಮೊರಿಯಾ ಹಾಗೂ ಸಂಜಯ್ ಖಾನ್ ಖಾತೆಗಳಿಗೆ ಸಂದೆಸ್ಸಾರಾ ಕುಟುಂಬದವರ ಖಾತೆಗಳಿಂದ ಕೋಟ್ಯಂತರ ಹಣ ಜಮಾವಣೆ ಆಗಿತ್ತು ಎಂದಿದೆ ಇಡಿ.