Don't Miss!
- Sports ಜೈಪುರ ವ್ಯಾಕ್ಸ್ ಮ್ಯೂಸಿಯಂನಲ್ಲಿ ವಿರಾಟ್ ಕೊಹ್ಲಿ ಮೇಣದ ಪ್ರತಿಮೆ; ದಿಗ್ಗಜರ ಸಾಲಿಗೆ ಸೇರಿದ ಶ್ರೇಷ್ಠ ಬ್ಯಾಟರ್
- News Heavy Rain: ಭಾರೀ ಗಾಳಿ, ಮಳೆಗೆ ಧರೆಗುರುಳಿದ ಮರಗಳು, ವಿದ್ಯುತ್ ಕಂಬಗಳು: ಸಿಡಿಲು ಬಡಿದು 25 ಮೇಕೆಗಳ ಸಾವು
- Technology ಇಂದು ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G ಫೋನ್ ಸೇಲ್!..ಬೆಲೆ ಎಷ್ಟು?
- Lifestyle ಹೊಟ್ಟೆಯೇ ಇಲ್ಲದೆ ಬದುಕಿದ್ದ ನತಾಶಾ ದಿಡ್ಡಿ ನಿಧನ...! ಈಕೆ ಯಾರು ಗೊತ್ತಾ?
- Finance ಸುಗಮ, ಸುರಕ್ಷಿತ ಸಂಚಾರಕ್ಕಾಗಿ ವಿಶೇಷ ಅಭಿಯಾನ ಆರಂಭಿಸಿದ ಬೆಂಗಳೂರು ಸಂಚಾರಿ ಪೊಲೀಸ್
- Automobiles ಹಲವು ಆಯ್ಕೆಗಳಲ್ಲಿ ಸಿಗಲಿದೆ 5 ಡೋರ್ ಥಾರ್: ಸುದ್ದಿ ತಿಳಿದು ನಿಟ್ಟುಸಿರು ಬಿಟ್ಟ ಮಹೀಂದ್ರಾ ಫ್ಯಾನ್ಸ್!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನೀರವ್ ಮೋದಿಗಿಂತಲೂ ದೊಡ್ಡ ಹಗರಣ, ನಟ ಡಿನೊ ಮೊರಿಯಾ ಆಸ್ತಿ ಮುಟ್ಟುಗೋಲು
ನಟಿ ರಮ್ಯಾ ಜೊತೆಯಲ್ಲಿ ಕನ್ನಡದ 'ಜೂಲಿ' ಸಿನಿಮಾದಲ್ಲಿ ಹಾಟ್ ಆಗಿ ನಟಿಸಿದ್ದ ಬಾಲಿವುಡ್ ನಟ ಡಿನೊ ಮೊರಿಯಾ ಆಸ್ತಿಯನ್ನು ಜಾರಿ ನಿರ್ದೇಶನಾಲಯ (ಇಡಿ) ವಶಪಡಿಸಿಕೊಂಡಿದೆ.
ಡಿನೋ ಮೊರಿಯಾ ಮಾತ್ರವೇ ಅಲ್ಲದೆ ಮತ್ತೊಬ್ಬ ನಟ ಸಂಜಯ್ ಖಾನ್, ಡಿಜೆ ಅಖೀಲ್, ಕಾಂಗ್ರೆಸ್ನ ಹಿರಿಯ ಮುಖಂಡ ಅಹ್ಮದ್ ಪಟೇಲ್ರ ಅಳಿಯ ಇರ್ಫಾನ್ ಖಾನ್ ಸಿದ್ಧಿಖಿ ಆಸ್ತಿಯನ್ನು ಸಹ ಇಡಿ ಮುಟ್ಟುಗೋಲು ಹಾಕಿಕೊಂಡಿದೆ.
ಈ ನಾಲ್ವರು ಸೇರಿ ಅಕ್ರಮವಾಗಿ ಹಣ ವರ್ಗಾವಣೆ ಮಾಡುತ್ತಿದ್ದರು ಎಂಬ ಆರೋಪದಲ್ಲಿ ಈ ನಾಲ್ವರ ಆಸ್ತಿ ಮುಟ್ಟುಗೋಲು ಹಾಕಲಾಗಿದ್ದು. ಒಟ್ಟು 8.79 ಕೋಟಿ ಮೌಲ್ಯದ ಆಸ್ತಿಯನ್ನು ಇಡಿ ವಶಪಡಿಸಿಕೊಂಡಿದೆ. ದೊಡ್ಡ ಮಟ್ಟದ ಹಗರಣದಲ್ಲಿ ಈ ನಾಲ್ವರು ಭಾಗಿಯಾಗಿದ್ದರು ಎಂದು ಇಡಿ ಆರೋಪ ಮಾಡಿದೆ.
ಸಂದೆಸ್ಸಾರಾ ಕುಟುಂಬಕ್ಕೆ ಸಂಬಂಧಿಸಿದ ಪ್ರಕರಣ
ಗುಜರಾತ್ ಮೂಲದ ಫಾರ್ಮಾಸುಟಿಕಲ್ ಸಂಸ್ಥೆಯೊಂದಕ್ಕೆ ಸಂಬಂಧಿಸಿದ ಪ್ರಕರಣ ಇದಾಗಿದ್ದು. ಸಂದೇಸ್ಸರಾ ಕುಟುಂಬವು ಬ್ಯಾಂಕ್ಗೆ ದೊಡ್ಡ ಮೊತ್ತದ ಹಣ ಬಾಕಿ ಉಳಿಸಿಕೊಂಡಿದೆ. ಅದೇ ಪ್ರಕರಣದಲ್ಲಿ ಈ ನಾಲ್ವರು ಹಣವನ್ನು ಅಕ್ರಮವಾಗಿ ವರ್ಗಾವಣೆ ಮಾಡಲು ಯತ್ನ ಮಾಡಿದ್ದಾರೆ ಎಂದು ಇಡಿ ಆರೋಪ ಮಾಡಿದೆ.
ನೀರವ್ ಮೋದಿಯದ್ದಕ್ಕಿಂತಲೂ ದೊಡ್ಡ ಹಗರಣ
14,500 ಕೋಟಿಗೂ ಹೆಚ್ಚು ಮೌಲ್ಯದ ಹಗರಣ ಇದಾಗಿದೆ ಎಂದು ಇಡಿ ಆರೋಪಿಸಿದೆ. ಬ್ಯಾಂಕ್ ಒಂದಕ್ಕೆ ಸಂದೇಸ್ಸರಾ ಕುಟುಂಬದವರು ಇಷ್ಟು ದೊಡ್ಡ ಹಣವನ್ನು ಮೋಸ ಮಾಡಿದ್ದಾರಂತೆ. ಈ ಮೊತ್ತವು ಪಿಎನ್ಬಿ ಬ್ಯಾಂಕ್ ಹಗರಣದ ರುವಾರಿ ನೀರವ್ ಮೋದಿ ಮಾಡಿದ್ದಕ್ಕಿಂತಲೂ ದೊಡ್ಡ ಹಗರಣ ಇದಾಗಿದೆ. ನೀರವ್ ಮೋದಿಯದ್ದು 11,400 ಕೋಟಿ ಹಗರಣವಾಗಿದೆ.
ಡಿನೊ ಮೊರಿಯಾಗೆ ಸೇರಿದ 1.40 ಕೋಟಿ ಆಸ್ತಿ
ಇಡಿ ಹೇಳಿರುವಂತೆ, ಡಿನೊ ಮೊರಿಯಾಗೆ ಸೇರಿದ 1.40 ಕೋಟಿ ಆಸ್ತಿ, ಸಂಜಯ್ ಖಾನ್ನ 3 ಕೋಟಿ ಆಸ್ತಿ, ಡಿಜೆ ಅಕೀಲ್ಗೆ ಸೇರಿದ 1.90 ಕೋಟಿ, ಅಹ್ಮದ್ ಪಟೇಲ್ ಅಳಿಯ ಇರ್ಫಾನ್ ಸಿದ್ಧಿಖಿಯ 2.41 ಕೋಟಿ ಆಸ್ತಿಯನ್ನು ಮುಟ್ಟುಗೋಲು ಹಾಕಿಕೊಂಡಿದೆ ಇಡಿ. ಬ್ಯಾಂಕ್ ಖಾತೆಗಳು, ದುಬಾರಿ ವಾಹನಗಳು, ಶೇರ್ ಹಾಗೂ ಮ್ಯೂಚ್ಯುಲ್ ಫಂಡ್ಗಳು ಆಸ್ತಿಯಲ್ಲಿ ಸೇರಿವೆ.
Recommended Video
ಸಂದೆಸ್ಸಾರ ಕುಟುಂಬ ಸದಸ್ಯರಿಂದ ನಾಲ್ವರ ಖಾತೆಗೆ ಹಣ
ಬ್ಯಾಂಕ್ನಿಂದ ಭಾರಿ ದೊಡ್ಡ ಮೊತ್ತದ ಹಣ ಪಡೆದಿದ್ದ ಸಂದೆಸ್ಸಾರ ಕುಟುಂಬ ಆ ಹಣವನ್ನು ಈ ನಾಲ್ವರ ಖಾತೆಗಳಿಗೆ ವರ್ಗಾವಣೆ ಮಾಡಿತ್ತು. 2011-12 ರಲ್ಲಿ ನಟ ಡಿನೊ ಮೊರಿಯಾ ಹಾಗೂ ಸಂಜಯ್ ಖಾನ್ ಖಾತೆಗಳಿಗೆ ಸಂದೆಸ್ಸಾರಾ ಕುಟುಂಬದವರ ಖಾತೆಗಳಿಂದ ಕೋಟ್ಯಂತರ ಹಣ ಜಮಾವಣೆ ಆಗಿತ್ತು ಎಂದಿದೆ ಇಡಿ.