ಒಂದ್ಕಾಲದಲ್ಲಿ ಬಳಕುವ ಬಳ್ಳಿಯಂತಿದ್ದ ಈಕೆ ಯಾರು ಅಂತ ಗುರುತಿಸಿ ನೋಡೋಣ..

ನೋಡಿ ತನುಶ್ರೀ ಈಗ ಹೇಗಿದ್ದಾರೆ ಅಂತ...

ಹತ್ತು ವರ್ಷಗಳ ಹಿಂದೆ ತೆಳ್ಳಗೆ, ಬಳಕುವ ಬಳ್ಳಿಯಂತಿದ್ದ ತನುಶ್ರೀ ದತ್ತಾ ಇದೀಗ ತೂಕ ಹೆಚ್ಚಿಸಿಕೊಂಡಿದ್ದಾರೆ. ಮುಖಕ್ಕೆ ಕೊಂಚ ಕೂಡ ಮೇಕಪ್ ಮಾಡಿಕೊಳ್ಳದೇ, ಡಿಸೈನರ್ ಉಡುಪುಗಳನ್ನು ಧರಿಸಿದೆ, ಸೀದಾ ಸಾದಾ ಆಗಿ ಮುಂಬೈ ಏರ್ ಪೋರ್ಟ್ ನಲ್ಲಿ ಕ್ಯಾಮರಾ ಕಂಗಳಿಗೆ ತನುಶ್ರೀ ದತ್ತಾ ಸೆರೆ ಸಿಕ್ಕರು.

ಕನ್ನಡಕ್ಕೆ ಬಾಲಿವುಡ್ ಚಾಕೋಲೇಟ್ ಬೆಡಗಿ ತನುಶ್ರೀ

ಎರಡು ವರ್ಷಗಳ ಬಳಿಕ ಭಾರತಕ್ಕೆ ಬಂದಿರುವ ತನುಶ್ರೀ

ಎರಡು ವರ್ಷಗಳ ಬಳಿಕ ಇದೀಗಷ್ಟೇ ಭಾರತಕ್ಕೆ ಬಂದಿಳಿದಿದ್ದಾರೆ ನಟಿ ತನುಶ್ರೀ ದತ್ತಾ. ನಿಜ ಹೇಳ್ಬೇಕಂದ್ರೆ, ಮುಂಬೈ ಏರ್ ಪೋರ್ಟ್ ನಲ್ಲಿ ತನುಶ್ರೀ ದತ್ತಾ ರನ್ನ ಗುರುತು ಹಿಡಿದವರ ಸಂಖ್ಯೆ ಬೆರಳೆಣಿಕೆಯಷ್ಟು. ಅಷ್ಟರಮಟ್ಟಿಗೆ ಬದಲಾಗಿದ್ದಾರೆ ತನುಶ್ರೀ ದತ್ತಾ.

ನೀತು ನೀ ಬೆತ್ತಲೆಯೋ, ಕೆಮೆರಾ ಕೈಚಳಕವೋ

ಯು.ಎಸ್.ಎ ನಲ್ಲಿ ಸೆಟಲ್ ಆಗಿದ್ದ ತನುಶ್ರೀ ದತ್ತಾ

ನಟನೆಯಿಂದ ಕೊಂಚ ಗ್ಯಾಪ್ ಪಡೆದು ಯು.ಎಸ್.ಎ ಗೆ ತೆರಳಿದ್ದ ನಟಿ ತನುಶ್ರೀ ದತ್ತಾ, ಅಲ್ಲೇ ಸೆಟಲ್ ಆಗಿದ್ದರು. ಈಗ ಯು.ಎಸ್.ಎ ಇಂದ ಭಾರತಕ್ಕೆ ಮರಳಿದ್ದಾರೆ.

ಡಿಪ್ರೆಶನ್ ಗೆ ಒಳಗಾಗಿದ್ದ ತನುಶ್ರೀ

ಸಾಲು ಸಾಲು ಫ್ಲಾಪ್ ಸಿನಿಮಾಗಳನ್ನು ನೀಡಿ, ಅವಕಾಶಗಳಿಂದ ವಂಚಿತರಾದ್ಮೇಲೆ ನಟಿ ತನುಶ್ರೀ ದತ್ತಾ ಮಾನಸಿಕ ಖಿನ್ನತೆಗೆ ಒಳಗಾಗಿದ್ದರು. ಡಿಪ್ರೆಶನ್ ನಿಂದ ಹೊರಬರಲು ಲಡಾಕ್ ನಲ್ಲಿರುವ ಬೌದ್ಧ ಮೆಡಿಟೇಷನ್ ಸೆಂಟರ್ ಗೆ ಭೇಟಿ ಕೊಟ್ಟು ಮನಃಶಾಂತಿ ಪಡೆದರಂತೆ ನಟಿ ತನುಶ್ರೀ ದತ್ತಾ.

ಯು.ಎಸ್.ಎಗೆ ಪಯಣ

ಲಡಾಕ್ ನಲ್ಲಿ ಮನಸ್ಸಿಗೆ ನೆಮ್ಮದಿ ಸಿಕ್ಕ ಮೇಲೆ ತನುಶ್ರೀ ದತ್ತಾ ಯು.ಎಸ್.ಎ ಗೆ ಹಾರಿದರು. ಅಲ್ಲಿ, ಬಣ್ಣದ ಲೋಕ, ಸಿನಿಮಾ, ಮೀಡಿಯಾ... ಇವೆಲ್ಲದರಿಂದ ದೂರ ಉಳಿದು ಸಾಮಾನ್ಯ ಹುಡುಗಿಯಾಗಿ ಜೀವನ ಸಾಗಿಸುತ್ತಿದ್ದರು ನಟಿ ತನುಶ್ರೀ ದತ್ತಾ.

ಮುಂಬೈನಲ್ಲಿ ತನುಶ್ರೀ

ಸದ್ಯಕ್ಕೆ ಒಂದು ಚೇಂಜ್ ಗಾಗಿ ಮುಂಬೈಗೆ ತನುಶ್ರೀ ದತ್ತಾ ಬಂದಿದ್ದಾರೆ. ನಟನೆಯಲ್ಲಿ ಅವರಿಗೆ ಈಗ ಆಸಕ್ತಿ ಇದ್ದ ಹಾಗೆ ಇಲ್ಲ. ಆದ್ರೆ, ಯಾರಾದರೂ ನಿರ್ದೇಶಕರು/ನಿರ್ಮಾಪಕರು ಅವರಿಗೆ ಆಫರ್ ಕೊಟ್ಟರೂ ಅಚ್ಚರಿ ಇಲ್ಲ. ಒಪ್ಪಿಕೊಳ್ಳುವ ಮನಸ್ಸು ತನುಶ್ರೀಗೆ ಇರಬೇಕು ಅಷ್ಟೇ.

ಸಹೋದರಿ ಇಶಿತಾ ದತ್ತಾ

ತನುಶ್ರೀ ದತ್ತಾ ಸಹೋದರಿ ಇಶಿತಾ ದತ್ತಾ ಕೂಡ ನಟಿ. ಕನ್ನಡದ 'ರಾಜ ರಾಜೇಂದ್ರ', ಹಿಂದಿಯ 'ದೃಶ್ಯಂ' ಹಾಗೂ 'ಫಿರಂಗಿ' ಸಿನಿಮಾಗಳಲ್ಲಿ ಇಶಿತಾ ದತ್ತಾ ಅಭಿನಯಿಸಿದ್ದಾರೆ. ಅಲ್ಲದೇ ಕಿರುತೆರೆಯಲ್ಲಿಯೂ ಇಶಿತಾ ದತ್ತಾ ಅವಕಾಶಗಳನ್ನು ಪಡೆಯುತ್ತಿದ್ದಾರೆ.