ಪ್ರಭಾಸ್ ಬಾಹುಬಲಿ ಚಿತ್ರವನ್ನ ಹಿಂದಿಕ್ಕಿದ 'ಡ್ರೀಮ್ ಗರ್ಲ್'

ಬಾಲಿವುಡ್ ನಟ ಆಯುಷ್ಮಾನ್ ಖುರಾನ್ ನಟನೆಯ ಡ್ರೀಮ್ ಗರ್ಲ್ ಸಿನಿಮಾ ಬಾಲಿವುಡ್ ಬಾಕ್ಸ್ ಆಫೀಸ್ ನಲ್ಲಿ ಭರ್ಜರಿ ಬಿಸಿನೆಸ್ ಮಾಡ್ತಿದೆ. ಮೂರನೇ ವಾರ ಯಶಸ್ವಿ ಪ್ರದರ್ಶನ ಕಾಣುತ್ತಿರುವ ಈ ಚಿತ್ರ ಮೂರನೇ ವಾರಾಂತ್ಯಕ್ಕೆ ದಾಖಲೆಯ ಗಳಿಕೆ ಕಂಡಿದೆ.

ಡ್ರೀಮ್ ಗರ್ಲ್ ಸಿನಿಮಾ ಮೂರನೇ ಶನಿವಾರ 6.30 ಕೋಟಿ ಬಾಚಿಕೊಂಡಿದೆ. ಈ ಮೂಲಕ 16 ದಿನದಲ್ಲಿ ಒಟ್ಟು 120.50 ಕೋಟಿ ಗಳಿಕೆ ಕಂಡಿದೆ. ಭಾನುವಾರದ ಗಳಿಕೆ ಮೇಲೆ ಹೆಚ್ಚು ನಿರೀಕ್ಷೆ ಇದ್ದು, 130 ಕೋಟಿ ದಾಟುವ ನಿರೀಕ್ಷೆ ಇದೆ.

ಬಾಹುಬಲಿ ದಿ ಬಿಗಿನಿಂಗ್ ಹಿಂದಿ ಸಿನಿಮಾ ಒಟ್ಟಾರೆ ಕಲೆಕ್ಷನ್ 120 ಕೋಟಿಯಿದ್ದು, ಈ ದಾಖಲೆಯನ್ನ 16 ದಿನದಲ್ಲಿ ಡ್ರೀಮ್ ಗರ್ಲ್ ಬ್ರೇಕ್ ಮಾಡಿದೆ.

ಜಬ್ ತಕ್ ಹೈ ಜಾನ್ (120.65 ಕೋಟಿ), ಟ್ಯೂಬ್ ಲೈಟ್ (121.25 ಕೋಟಿ), ಅಗ್ನಿಪತ್ (123.05 ಕೋಟಿ), ರಾಝೀ (123.17 ಕೋಟಿ), ಕಬಾಲಿ (126.58 ಕೋಟಿ), ರುಸ್ತುಂ (127.49 ಕೋಟಿ), ಏರ್ ಲಿಫ್ಟ್ (129 ಕೋಟಿ) ದಾಖಲೆ ಹೊಂದಿದೆ. ಈ ಚಿತ್ರಗಳ ದಾಖಲೆಯನ್ನ ಡ್ರೀಮ್ ಗರ್ಲ್ ಹಿಂದಿಕ್ಕುವ ಸಾಧ್ಯತೆ ಹೆಚ್ಚಿದೆ.

ರಾಜ್ ಶಾಂದ್ಲಿಯಾ ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದು, ಆಯುಷ್ಮಾನ್ ಖುರಾನ್, ನುಸ್ರುತ್, ಅನು ಕಪೂರ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದಾರೆ. ಏಕ್ತಾ ಕಪೂರ್, ಶೋಭ ಕಪೂರ್ ಈ ಚಿತ್ರವನ್ನ ನಿರ್ಮಿಸಿದ್ದಾರೆ. ಸೆಪ್ಟೆಂಬರ್ 13 ರಂದು ಈ ಚಿತ್ರ ತೆರೆಕಂಡಿತ್ತು.