ಶಾಹಿದ್ ಕಪೂರ್ ಹೊಸ ಸಿನಿಮಾ: ಸಂಭಾವನೆಯಲ್ಲಿ 8 ಕೋಟಿ ಕಟ್!

35 ಕೋಟಿ ಸಂಭಾವನೆ ಪಡೆಯಲಿದ್ದ ಶಾಹಿದ್

ಹೌದು, ಈ ಸಿನಿಮಾಕ್ಕೆ ಶಾಹಿದ್ ಕಪೂರ್ ಬರೋಬ್ಬರಿ 35 ಕೋಟಿ ಸಂಭಾವನೆ ಪಡೆಯುತ್ತಿದ್ದರು. ಜೊತೆಗೆ ಲಾಭದಲ್ಲಿ ಪಾಲು ಸಹ ಪಡೆಯುವವರಿದ್ದರು. ಆದರೆ ಈಗ ಶಾಹಿದ್ ಸಂಭಾವನೆಯಲ್ಲಿ ಎಂಟು ಕೋಟಿ ಕಡಿತ ಮಾಡಲಾಗಿದೆ.

ಬೇಗನೆ ಚಿತ್ರೀಕರಣ ಬೇಡ ಎನ್ನುತ್ತಿರುವ ಶಾಹಿದ್!

ಕೊರೊನಾ ಕಾರಣಕ್ಕೆ ಎಲ್ಲಾ ನಟರು ಡಬಲ್ ಶಿಫ್ಟ್ ಅನ್ನು ನೀಡಿ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. ಆದರೆ ಶಾಹಿದ್ ಇನ್ನೂ ಕೆಲವು ದಿನ ಚಿತ್ರೀಕರಣ ಪ್ರಾರಂಭ ಮಾಡುವುದು ಬೇಡ ಎನ್ನುತ್ತಿದ್ದಾರಂತೆ. ಅಲ್ಲದೆ ಡಬಲ್ ಶಿಫ್ಟ್‌ಗೆ ಸಹ ಒಪ್ಪುತ್ತಿಲ್ಲವಂತೆ.

ಸಿನಿಮಾ ನಿಧಾನಕ್ಕೆ ಪ್ರಾರಂಭಿಸಿ: ಶಾಹಿದ್ ಸಲಹೆ

ಹಾಗಾಗಿ ಅವರ ಸಂಭಾವನೆಯಲ್ಲಿ ಎಂಟು ಕೋಟಿ ಕಟ್ ಮಾಡಲಾಗಿದೆ. ಸಂಭಾವನೆಯಲ್ಲಿ ಕಡಿತ ಮಾಡುವ ಸಲಹೆಯನ್ನು ಸ್ವತಃ ಶಾಹಿದ್ ಅವರೇ ನಿರ್ಮಾಪಕರಿಗೆ ಕೊಟ್ಟಿದ್ದಾರಂತೆ. 'ಸಿನಿಮಾವನ್ನು ನಿಧಾನಕ್ಕೆ ಪ್ರಾರಂಭಿಸಿ ಆತುರ ಬೇಡ, ನನ್ನ ಸಂಭಾವನೆಯನ್ನು ಕಡಿತ ಮಾಡಿಕೊಳ್ಳಿ' ಎಂದಿದ್ದಾರಂತೆ ಶಾಹಿದ್.

ರೋಹಿತ್ ಶರ್ಮಾ ಕೋಚ್ ರಿಂದ ಶಾಹಿದ್‌ಗೆ ತರಬೇತಿ

ಶಾಹಿದ್ ಕಪೂರ್ ನಟಿಸುತ್ತಿರುವ ಈ ತೆಲುಗು ರೀಮೇಕ್‌ ಗೆ 'ಜರ್ಸಿ' ಎಂದೇ ಹೆಸರಿಡಲಾಗಿದೆ. ಕ್ರಿಕೆಟ್ ಆಟದ ಕುರಿತಾದ ಕತೆ ಹೊಂದಿರುವ ಈ ಸಿನಿಮಾದಲ್ಲಿ ಖ್ಯಾತ ಕ್ರಿಕೆಟಿಗ ರೋಹಿತ್ ಶರ್ಮಾ ಕ್ರಿಕೆಟ್ ಕೊಚ್ ಅವರಿಂದ ಶಾಹಿದ್ ಗೆ ಕ್ರಿಕೆಟ್ ತರಬೇತಿ ಕೊಡಿಸಲಾಗಿದೆಯಂತೆ.