ನಕಲಿ ವಿಡಿಯೋ ಹರಿಬಿಟ್ಟು ಶಾರುಖ್ ಖಾನ್ ವಿರುದ್ಧ ಅಪಪ್ರಚಾರ

ನಕಲಿ ವಿಡಿಯೋಗಳನ್ನು ಹರಿ ಬಿಡಲಾಗುತ್ತಿದೆ

ಆದರೆ ಅಸಲಿಗೆ ಈ ವಿಡಿಯೋಗಳು ಈಗಿನದ್ದಲ್ಲ. ಇವು ಐದು ವರ್ಷದ ಹಿಂದಿನ ವಿಡಿಯೋಗಳು. ಶಾರುಖ್ ಖಾನ್‌ರ ಫ್ಲಾಪ್ ಸಿನಿಮಾ 'ಜೀರೋ' ಬಿಡುಗಡೆ ಆದಾಗಿನ ವಿಡಿಯೋಗಳನ್ನು ಈಗ 'ಪಠಾಣ್' ಸಿನಿಮಾದ ಪಬ್ಲಿಕ್ ರಿಯಾಕ್ಷನ್ ಎಂಬ ಸುಳ್ಳು ಕ್ಯಾಪ್ಷನ್ ಜೊತೆಗೆ ಹರಿಬಿಡಲಾಗುತ್ತಿದೆ.

'ಫ್ಲಾಪ್' ಆಗಿದ್ದ ಜೀರೋ ಸಿನಿಮಾ

ಶಾರುಖ್ ಖಾನ್ ನಟನೆಯ 'ಜೀರೋ' ಸಿನಿಮಾ ಅಟ್ಟರ್ ಫ್ಲಾಪ್ ಆಗಿತ್ತು. ಜನರ ನಿರೀಕ್ಷೆಯನ್ನು ಚೂರು ಮಾಡಿತ್ತು. ಹಾಗಾಗಿ ಸಹಜವಾಗಿಯೇ ಪ್ರೇಕ್ಷಕರು ಸಿನಿಮಾದ ವಿರುದ್ಧ ಮಾತನಾಡಿದ್ದರು. ಆದರೆ ಆಗ ಮಾತನಾಡಿದ್ದ ವಿಡಿಯೋವನ್ನು ಇಟ್ಟುಕೊಂಡು ಈಗ ಅದು 'ಪಠಾಣ್' ಸಿನಿಮಾದ ಪ್ರೇಕ್ಷಕರ ರಿಯಾಕ್ಷನ್ ಎಂದು ಹೇಳಿ ದಾರಿ ತಪ್ಪಿಸುವ ಕೆಲಸವನ್ನು ಕೆಲವರು ಮಾಡುತ್ತಿದ್ದಾರೆ. ಆದರೆ ಕೆಲವು ಫ್ಯಾಕ್ಟ್ ಚೆಕ್ ವೆಬ್‌ಸೈಟ್‌ಗಳು ಹಾಗೂ ಶಾರುಖ್ ಅಭಿಮಾನಿಗಳು ಈ ಸುಳ್ಳು ಸುದ್ದಿಗಳನ್ನು ಜನರ ಮುಂದೆ ಬಹಿರಂಗ ಮಾಡಿದ್ದಾರೆ.

ಶಾರುಖ್ ಖಾನ್ ವಿರುದ್ಧ ಅಸಹಿಷ್ಣುತೆ

ಶಾರುಖ್ ಖಾನ್‌ರ ವಿರುದ್ಧ ಕೆಲವು ಸಂಘಟನೆಗಳು ಮೊದಲಿನಿಂದಲೂ ವಿನಾಕಾರಣ ದ್ವೇಷ ಬೆಳೆಸಿಕೊಂಡೆ ಬಂದಿವೆ. ಶಾರುಖ್ ಖಾನ್‌ರ ಈ ಹಿಂದಿನ ಸಿನಿಮಾಗಳಿಗೂ ಇದೇ ರೀತಿ ಸುಳ್ಳು ಸುದ್ದಿ, ನಕಲಿ ವಿಮರ್ಶೆಗಳ ಮೂಲಕ ಸಮಸ್ಯೆ ನೀಡುವ ಪ್ರಯತ್ನಗಳು ನಡೆದಿದ್ದವು. ಈ ಸಿನಿಮಾದ ಬಿಡುಗಡೆ ಮುನ್ನವೂ ಪ್ರತಿಭಟನೆಗಳು ನಡೆದವು, ಬಿಡುಗಡೆ ದಿನವೂ ನಡೆದವು. ಆದರೆ ಎಲ್ಲ ಅಡೆ-ತಡೆಗಳನ್ನು ಮೀರಿ ಶಾರುಖ್ ಖಾನ್ ಸತತವಾಗಿ ಗೆಲ್ಲುತ್ತಲೇ ಬಂದಿದ್ದಾರೆ. ಇದೀಗ 'ಪಠಾಣ್' ಸಿನಿಮಾ ಮೂಲಕ ಮತ್ತೊಮ್ಮೆ ಗೆದ್ದಿದ್ದಾರೆ. ಭರ್ಜರಿ ಕಮ್ ಬ್ಯಾಕ್ ಮಾಡಿದ್ದಾರೆ.

ಭಾರಿ ಕಲೆಕ್ಷನ್ ಮಾಡುವ ನಿರೀಕ್ಷೆ

'ಪಠಾಣ್' ಸಿನಿಮಾದಲ್ಲಿ ಶಾರುಖ್ ಖಾನ್ ಜೊತೆಗೆ ದೀಪಿಕಾ ಪಡುಕೋಣೆ ನಾಯಕಿಯಾಗಿ ನಟಿಸಿದ್ದಾರೆ. ಜಾನ್ ಅಬ್ರಹಾಂ ವಿಲನ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸಿನಿಮಾವನ್ನು ಸಿದ್ಧಾರ್ಥ್ ಆನಂದ್ ನಿರ್ದೇಶಿಸಿದ್ದು, ಯಶ್ ರಾಜ್ ಫಿಲಮ್ಸ್ ನಿರ್ಮಾಣ ಮಾಡಿದೆ. ಸಿನಿಮಾದಲ್ಲಿ ಸಲ್ಮಾನ್ ಖಾನ್ ಭರ್ಜರಿ ಕ್ಯಾಮಿಯೋ ಮಾಡಿದ್ದಾರೆ. ಸಿನಿಮಾ ನೂರಕ್ಕೂ ಹೆಚ್ಚು ದೇಶಗಳಲ್ಲಿ ಬಿಡುಗಡೆ ಕಂಡಿದ್ದು, ದೊಡ್ಡ ಮೊತ್ತದ ಕಲೆಕ್ಷನ್ ಅನ್ನು ಬಾಕ್ಸ್ ಆಫೀಸ್‌ನಲ್ಲಿ ಮಾಡುವ ನಿರೀಕ್ಷೆ ಹುಟ್ಟಿಸಿದೆ.