ತೆರೆಗೆ ಬರುತ್ತಿದೆ ಸುಶಾಂತ್ ಸಿಂಗ್ ಜೀವನ: ಸಿನಿಮಾದ ಹೆಸರೇನು?

ಸಿನಿಮಾ ಆಗಲು ಸೂಕ್ತವಾಗಿದೆ

ಮಧ್ಯಮ ವರ್ಗದ ಸಾಮಾನ್ಯ ಹುಡುಗ, ಅತ್ಯುತ್ತಮ ವಿದ್ಯಾರ್ಥಿಯಾಗಿದ್ದವ ಕನಸುಗಳ ಬೆನ್ನುಹತ್ತಿ ಕಾಲೇಜು ಬಿಟ್ಟು, ಮೂಲೆಯಲ್ಲಿ ಹೀರೋಗಳ ಹಿಂದೆ ನರ್ತಿಸುತ್ತಿದ್ದ ಸುಶಾಂತ್ ಸಿಂಗ್ ಏರಿದ ಎತ್ತರ ಸ್ಪೂರ್ತಿಯಾಗುವಂತಹದ್ದು. ಸುಶಾಂತ್ ಸಿಂಗ್ ಜೀವನ ಸಿನಿಮಾ ಆಗಲು ಸೂಕ್ತವಾಗಿದೆ. ನಂತರ ಸುಶಾಂತ್ ಬಿದ್ದ ಆಳ ಹಲವರಿಗೆ ಎಚ್ಚರಿಕೆ.

ಸಿನಿಮಾಕ್ಕೆ ಹೆಸರೂ ಇಡಲಾಗಿದೆಸ

ಸುಶಾಂತ್ ಸಿಂಗ್ ಜೀವನ ಆಧರಿಸಿ ತಯಾರಾಗುತ್ತಿರುವ ಸಿನಿಮಾಕ್ಕೆ 'ಸೂಸೈಡ್ ಆರ್ ಮರ್ಡರ್' ಹೆಸರನ್ನು ಇಡಲಾಗಿದೆ. ಇದನ್ನು ವಿಎಸ್‌ಬಿ ಬಿಂಗೆ ಎಂಬ ಸಂಸ್ಥೆ ನಿರ್ಮಿಸುತ್ತಿದೆ. ಪೋಸ್ಟರ್ ಅನ್ನು ಇನ್‌ಸ್ಟಾಗ್ರಾಂ ನಲ್ಲಿ ಬಿಡುಗಡೆ ಮಾಡಲಾಗಿದೆ.

ಶಾಮಿಕ್ ಮೌಲಿಕ್ ನಿರ್ದೇಶಕ

ಸಿನಿಮಾವನ್ನು ವಿಜಯ್ ಶೇಖರ್ ಗುಪ್ತಾ ಎಂಬುವರು ನಿರ್ಮಾಣ ಮಾಡುತ್ತಿದ್ದು, ನಿರ್ದೇಶನದ ಜವಾಬ್ದಾರಿಯನ್ನು ಶಾಮಿಕ್ ಮೌಲಿಕ್ ಎಂಬುವರು ಹೊತ್ತಿದ್ದಾರೆ. ಸುಶಾಂತ್‌ ಸಿಂಗ್‌ ಕತೆಯ ಮೂಲಕ ಅಂತಹಾ ಹಲವರ ಕತೆ ಹೇಳುತ್ತೇವೆ ಎಂದಿದ್ದಾರೆ ನಿರ್ದೇಶಕ.

ಯಾವುದೇ ಸ್ಟಾರ್ ಮಕ್ಕಳಿಗೆ ಅವಕಾಶ ಕೊಡುವುದಿಲ್ಲ

ಈ ಸಿನಿಮಾವು ಸುಶಾಂತ್‌ ಸಿಂಗ್ ಜೀವನಾಧಾರಿತ ಸಿನಿಮಾ ಆಗಿರುವುದಿಲ್ಲ ಬದಲಿಗೆ ಸುಶಾಂತ್ ಸಿಂಗ್ ಬದುಕಿನಿಂದ ಪ್ರೇರಣೆಗೊಂಡು ಕತೆಯನ್ನು ಸಿದ್ಧಪಡಿಸಲಾಗುತ್ತದೆ ಎಂದಿದ್ದಾರೆ ನಿರ್ದೇಶಕ ಶಾಮಿಕ್. ಸಿನಿಮಾದ ನಾಯಕನ್ನಾಗಿ ಹೊಸಬರನ್ನು ಪರಿಚಯಿಸಲಾಗುವುದು ಯಾವುದೇ ಸ್ಟಾರ್ ಮಕ್ಕಳಿಗೆ ಸಿನಿಮಾದಲ್ಲಿ ಅವಕಾಶ ನೀಡಲಾಗುವುದಿಲ್ಲ ಎಂದಿದ್ದಾರೆ.