ಸಲ್ಮಾನ್ ಖಾನ್ ಸಹೋದರರ ಮೇಲೆ ಎಫ್‌ಐಆರ್ ದಾಖಲು

ಕೋವಿಡ್ ನಿಯಮ ಉಲ್ಲಂಘಿಸಿದ ಸಲ್ಮಾನ್ ಸಹೋದರರು

ಭಾರತದಲ್ಲಿಯೇ ಮಹಾರಾಷ್ಟ್ರದಲ್ಲಿ ಅದರಲ್ಲಿಯೂ ಮುಂಬೈನಲ್ಲಿ ಕೊರೊನಾ ಪ್ರಕರಣಗಳ ಸಂಖ್ಯೆ ಹೆಚ್ಚಾಗಿದ್ದು, ಮುಂಬೈ ನಲ್ಲಿ ಕೋವಿಡ್ ನಿಯಮಗಳನ್ನು ಕಠಿಣವಾಗಿ ಜಾರಿಗೆ ತರಲಾಗಿದೆ. ಇದೀಗ ಸಲ್ಮಾನ್ ಖಾನ್ ಸಹೋದರರು ಕೋವಿಡ್ ನಿಯಮ ಉಲ್ಲಂಘಿಸಿದ ಕಾರಣ ಅವರ ಮೇಲೆ ಕ್ರಮ ಜರುಗಿಸಲು ಮುಂದಾಗಿದೆ ಬಿಎಂಸಿ.

ಸಲ್ಮಾನ್ ಖಾನ್ ಹುಟ್ಟುಹಬ್ಬ ಆಚರಿಸಲು ಬಂದಿದ್ದ ಸಹೋದರರು

ಡಿಸೆಂಬರ್ 20 ರಂದು ಸೋಹೈಲ್ ಖಾನ್ ಹುಟ್ಟುಹಬ್ಬವಿತ್ತು. ಅದನ್ನು ಅವರು ಕುಟುಂಬ ಸದಸ್ಯರು, ಸ್ನೇಹಿತರೊಂದಿಗೆ ದುಬೈನಲ್ಲಿ ಆಚರಿಸಿಕೊಂಡರು. ಡಿಸೆಂಬರ್ 25 ರಂದೇ ಮರಳಿದ್ದ ಇವರುಗಳು, ಡಿಸೆಂಬರ್ 27 ರಂದು ಸಲ್ಮಾನ್ ಖಾನ್ ಹುಟ್ಟುಹಬ್ಬದಲ್ಲಿ ಪಾಲ್ಗೊಳ್ಳಲೆಂದು ಹೋಟೆಲ್ ನಲ್ಲಿ ಇರಬೇಕೆಂಬ ನಿಯಮ ಮುರಿದು ಮನೆಗೆ ಹೋಗಿದ್ದಾರೆ ಎನ್ನಲಾಗಿದೆ.

ಅಭಿಮಾನಿಗಳಿಗೆ ಸಲ್ಮಾನ್ ಖಾನ್ ಮಾಡಿದರು ಮನವಿ

ಮನೆಯ ಮುಂದೆ ಸೂಚನಾ ಫಲಕ ಹಾಕಿದ್ದ ಸಲ್ಮಾನ್ ಖಾನ್

ಡಿಸೆಂಬರ್ 27 ರಂದು ಸಲ್ಮಾನ್ ಖಾನ್ ಹುಟ್ಟುಹಬ್ಬವನ್ನು ಸರಳವಾಗಿ ಆಚರಿಸಿಕೊಂಡರು. ತಮ್ಮ ಗ್ಯಾಲೆಕ್ಸಿ ಅಪಾರ್ಟ್‌ಮೆಂಟ್ ಎದುರು ದೊಡ್ಡ ಸೂಚಲಾ ಫಲಕವನ್ನು ತೂಗು ಹಾಕಿದ್ದ ಸಲ್ಮಾನ್ ಖಾನ್, ಹುಟ್ಟುಹಬ್ಬದ ದಿನ ಯಾರೂ ಮನೆಯ ಬಳಿ ಗುಂಪು ಸೇರಬಾರದು ಎಂದು ಮನವಿ ಮಾಡಿದ್ದರು. ಆದರೆ ಈಗ ಅವರ ಸಹೋದರರೇ ಕೋವಿಡ್ ನಿಯಮ ಉಲ್ಲಂಘಿಸಿದ್ದಾರೆ.

ನಟ,ನಿರ್ಮಾಪಕ ಆಗಿರುವ ಸಹೋದರರು

ಸಲ್ಮಾನ್ ಖಾನ್ ಸಹೋದರರಾದ ಸೋಹೆಲ್ ಖಾನ್, ಅರ್ಬಾಜ್ ಖಾನ್ ಇಬ್ಬರೂ ನಟರು ಮತ್ತು ನಿರ್ಮಾಪಕರಾಗಿದ್ದಾರೆ. ಸಲ್ಮಾನ್ ಖಾನ್ ನಟನೆಯ ಅನೇಕ ಸಿನಿಮಾಗಳನ್ನು ಈ ಇಬ್ಬರೂ ನಿರ್ಮಿಸಿದ್ದಾರೆ. ದಬಾಂಗ್ ನ ಎರಡೂ ಸರಣಿಯನ್ನು ಅರ್ಬಾಜ್ ಖಾನ್ ನಿರ್ಮಿಸಿದ್ದರೆ, 'ಪ್ಯಾರ್ ಕಿಯಾ ತೊ ಡರ್ನಾ ಕ್ಯಾ' ಸಿನಿಮಾದಿಂದ ಹಿಡಿದು ಈಗಿನ ರಾಧೆ ಸಿನಿಮಾವನ್ನು ಸಹ ಸೋಹೈಲ್ ಖಾನ್ ನಿರ್ಮಿಸಿದ್ದಾರೆ.