Don't Miss!
- Technology HMD ಪಲ್ಸ್ ಸರಣಿ ಅಡಿಯಲ್ಲಿ 3 ಹೊಸ ಸ್ಮಾರ್ಟ್ಫೋನ್ ಲಾಂಚ್! ಫೀಚರ್ಸ್ ಏನಿವೆ?
- News Tamannaah Bhatia: ಮಿಲ್ಕಿ ಬ್ಯೂಟಿ ತಮನ್ನಾಗೆ ಮುಂಬೈ ಸೈಬರ್ ಪೊಲೀಸರಿಂದ ಸಮನ್ಸ್.!-ಕಾರಣ ಏನು?
- Automobiles ವಿಮಾನದಂತಹ ಸೌಲಭ್ಯ ಹೊಂದಿರುವ ವಂದೇ ಭಾರತ್ ಸರಣಿ ರೈಲುಗಳು ಶೀಘ್ರ ಬರಲಿವೆ.. ಆರಾಮದಾಯಕ ಪ್ರಯಾಣ!
- Finance April 25 Gold Rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ
- Lifestyle ಬೆಳ್ಳುಳ್ಳಿ ಕಬಾಬ್ ಅಂದುಕೊಂಡ್ರಾ? ಇದು ಚಿಕನ್ ರುಚಿಯ ಹೂವಿನ ಫ್ರೈ..!
- Sports 2009ರ ಐಪಿಎಲ್ ಫೈನಲ್ನಲ್ಲಿ ಆರ್ಸಿಬಿ ಸೋಲಲು ಕಾರಣ ತಿಳಿಸಿದ ಅನಿಲ್ ಕುಂಬ್ಳೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಕ್ಕಳಿಗಾಗಿ ಆಟ ಕಲಿಯಲು ಹೋಗಿ ಕೈ ಮುರಿದುಕೊಂಡ ಜೆನಿಲಿಯಾ
ಮದುವೆಯ ನಂತರ ಸಿನಿಮಾದಿಂದ ದೂರ ಉಳಿದಿದ್ದ ಜೆನಿಲಿಯಾ ಡಿ ಸೋಜಾ ಈಗ ಕಮ್ಬ್ಯಾಕ್ ಮಾಡುವ ಹುಮ್ಮಸ್ಸಿನಲ್ಲಿದ್ದರು. ಆದರೆ ಹಠಾತ್ತನೆ ಗಾಯಮಾಡಿಕೊಂಡು ಮನೆಯಲ್ಲಿ ಕೂತಿದ್ದಾರೆ.
ನಟಿ ಜೆನಿಲಿಯಾ ಅವರು ಸ್ಕೇಟಿಂಗ್ ಕಲಿಯಲು ತರಬೇತಿ ಕೇಂದ್ರ ಸೇರಿಕೊಂಡಿದ್ದರು. ಸ್ಕೇಟಿಂಗ್ ಮಾಡುವಾಗ ಜಾರಿ ಹಿಮ್ಮುಖವಾಗಿ ಬಿದ್ದು ಎಡಗೈಗೆ ತೀವ್ರ ಪೆಟ್ಟು ಮಾಡಿಕೊಂಡಿದ್ದಾರೆ. ಎಡಗೈ ಮೂಳೆ ಬಿರುಕು ಬಿಟ್ಟಿದ್ದು ಕೈಗೆ ಪ್ಲಾಸ್ಟರ್ ಹಾಕಲಾಗಿದೆ.
ತಾವು ಜಾರಿ ಬಿದ್ದ ವಿಡಿಯೋವನ್ನು ಜೆನಿಲಿಯಾ ಡಿಸೋಜಾ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ ಅಷ್ಟೇ ಅಲ್ಲದೆ, ತಾವು ಮರಳಿ ಚೇತರಿಸಿಕೊಳ್ಳುತ್ತಿರುವುದಾಗಿ ವೈರಲ್ ವಿಡಿಯೋ 'ಪಾರ್ರಿ ಹೋ ರಹೀ ಹೇ' ಮಾದರಿಯಲ್ಲಿ ತಮಾಷೆಯಾಗಿ ಹೇಳಿದ್ದಾರೆ.
'ನನ್ನ ಮಕ್ಕಳ ಜೊತೆ ನಾನೂ ಸ್ಕೇಟಿಂಗ್ ಮಾಡೋಣ ಎಂದುಕೊಂಡು ಕಲಿಯಲು ಹೋದೆ. ಕಲಿತ ಮೇಲೆ ಸ್ಕೇಟಿಂಗ್ ಮಾಡುತ್ತಿರುವ ವಿಡಿಯೋಗಳನ್ನು ಇನ್ಸ್ಟಾಗ್ರಾಂ ನಲ್ಲಿ ಹಾಕೋಣ ಎಂದುಕೊಂಡಿದ್ದೆ. ಆದರೆ ಈಗ ಬಿದ್ದಿರುವ ವಿಡಿಯೋ ಹಾಕುತ್ತಿದ್ದೇನೆ. ಇನ್ಸ್ಟಾಗ್ರಾಂ ನಲ್ಲಿ ಎಲ್ಲ ಯಶಸ್ಸಿನ ವಿಡಿಯೋಗಳನ್ನೇ ಹಾಕುತ್ತಾರೆ. ನನ್ನದು ವಿಫಲ ಯತ್ನದ ವಿಡಿಯೋ' ಎಂದು ಬರೆದುಕೊಂಡಿದ್ದಾರೆ ಜೆನಿಲಿಯಾ.
'ಹಾರುವ ಮುನ್ನಾ ಬೀಳಲೇ ಬೇಕು. ನಾನೂ ಕೂಡ ಹಾರಿಯೇ ತೀರುತ್ತೇನೆ. ಈ ಬೀಳುವಿಕೆ ನನ್ನನ್ನು ಆತ್ಮಸ್ಥೈರ್ಯ ಕುಂದಿಸುವುದಿಲ್ಲ. ನಾನು ಪ್ರಯತ್ನ ಮಾಡಿದ್ದೇನೆ, ಮಾಡುತ್ತಲೇ ಇರುತ್ತೇನೆ' ಎಂದಿದ್ದಾರೆ ಜೆನಿಲಿಯಾ ಡಿಸೋಜಾ.
ನಟಿ ಜೆನಿಲಿಯಾ ಡಿಸೋಜಾ, ರಿತೇಶ್ ದೇಶ್ಮುಖ್ ಅವರೊಟ್ಟಿಗೆ ವಿವಾಹವಾದ ಮೇಲೆ ನಟನೆಯಿಂದ ದೂರ ಉಳಿದಿದ್ದರು. ಆಗೊಮ್ಮೆ-ಈಗೊಮ್ಮೆ ಅತಿಥಿ ಪಾತ್ರಗಳಲ್ಲಿಯಷ್ಟೆ ಕಾಣಿಸಿಕೊಳ್ಳುತ್ತಿದ್ದರು. ಆದರೆ ಈಗ ಮಕ್ಕಳು ತುಸು ದೊಡ್ಡವಾಗಿದ್ದು, ಜೆನಿಲಿಯಾ ಅವರು ಮತ್ತೆ ನಟನೆಗೆ ಮರಳುವ ಬಗ್ಗೆ ಯೋಚಿಸುತ್ತಿದ್ದಾರೆ.
Recommended Video
ಮಹಿಳಾ ಪ್ರಧಾನ ಪಾತ್ರವಿರುವ ಸಿನಿಮಾ, ವೆಬ್ ಸರಣಿಗಳಲ್ಲಿ ನಟಿಸಲು ಆಸಕ್ತಿ ಹೊಂದಿರುವ ಜೆನಿಲಿಯಾ ಅಂಥಹಾ ಸೂಕ್ತ ಕತೆಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ. ಚಿರಂಜೀವಿ ನಟನೆಯ 'ಲೂಸಿಫರ್' ಸಿನಿಮಾದ ತೆಲುಗು ರೀಮೇಕ್ನಲ್ಲಿ ಚಿರಂಜೀವಿ ಸಹೋದರಿ ಪಾತ್ರಕ್ಕೆ ಜೆನಿಲಿಯಾ ಅವರನ್ನು ಕೇಳಲಾಗಿತ್ತು ಆದರೆ ಅವರು ಒಲ್ಲೆ ಎಂದಿದ್ದಾರೆ.