ಮುಖಪುಟ

ಬಾಲಿವುಡ್

ಸ್ವಾತಂತ್ಯ ದಿನಾಚರಣೆಯ ವಿಶೇಷವಾಗಿ ಬಾಲಿವುಡ್ ನಲ್ಲಿ ಎರಡು ಸೂಪರ್ ಹಿಟ್ ಸಿನಿಮಾಗಳು ತೆರೆಕಂಡಿವೆ. ಈ ಎರಡು ಚಿತ್ರಗಳು ಮೊದಲ ದಿನವೇ ಬಾಲಿವುಡ್ ಬಾಕ್ಸ್ ಆಫೀಸ್ ನಲ್ಲಿ ಅಬ್ಬರಿಸಿವೆ.

ಹೌದು, ಅಕ್ಷಯ್ ಕುಮಾರ್ ಅಭಿನಯದ 'ಗೋಲ್ಡ್' ಹಾಗೂ ಜಾನ್ ಅಬ್ರಹಾಂ ಅಭಿನಯದ 'ಸತ್ಯ ಮೇವ ಜಯತೇ' ಚಿತ್ರಗಳು ಒಪನಿಂಗ್ ದಿನವೇ ಕೆಲಕ್ಷನ್ ನಲ್ಲಿ ಕಮಾಲ್ ಮಾಡಿದೆ. ಈ ಎರಡು ಸಿನಿಮಾ ಸೇರಿ ಮೊದಲ ದಿನ (ಆಗಸ್ಟ್ 15) ಸುಮಾರು 45.5 ಕೋಟಿ ಕಲೆಕ್ಷನ್ ಮಾಡಿದೆ.

ಎರಡು ಚಿತ್ರಗಳಿಗೂ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದ್ದು, ಎರಡು ಚಿತ್ರಗಳು ದೇಶಭಕ್ತಿಯ ಕಥಾಹಂದರ ಹೊಂದಿರುವುದು ವಿಶೇಷ. ಹೀಗಾಗಿ, ಬಿಟೌನ್ ಪ್ರೇಕ್ಷಕರು ಸ್ವಾತಂತ್ಯ ದಿನಾಚರಣೆಯನ್ನ ಈ ಚಿತ್ರಗಳ ಜೊತೆ ಆಚರಿಸಿದ್ದಾರೆ.

ಬಾಲಿವುಡ್ ನ ಖ್ಯಾತ ಚಿತ್ರ ವಿಶ್ಲೇಶಕ ತರಣ್ ಆದರ್ಶ್ ಅವರು ಈ ಬಗ್ಗೆ ಟ್ವೀಟ್ ಮಾಡಿದ್ದು, ಮೊದಲ ದಿನ 'ಗೋಲ್ಡ್' ಸಿನಿಮಾ 25.25 ಕೋಟಿ ಗಳಿಕೆ ಕಂಡಿದೆಯಂತೆ. ಇದು ಅಕ್ಷಯ್ ಕುಮಾರ್ ಸಿನಿಮಾದ ದೊಡ್ಡ ಕಲೆಕ್ಷನ್ ಕೂಡ ಆಗಿದೆ.

#Gold has an EXTRAORDINARY Day 1... Takes a FAB START at plexes across major centres... Wed ₹ 25.25 cr. India biz.

— taran adarsh (@taran_adarsh) August 16, 2018

ಇನ್ನು ಜಾನ್ ಅಬ್ರಹಾಂ, ಐಶಾ ಶರ್ಮಾ, ಮನೋಜ್ ಬಾಜಪಾಯ್ ಅಭಿನಯದಲ್ಲಿ ತೆರೆಕಂಡಿರುವ 'ಸತ್ಯಮೇವ ಜಯತೇ' ಸಿನಿಮಾ ಮೊದಲ ದಿನ 20.52 ಕೋಟಿ ಕಲೆಕ್ಷನ್ ಮಾಡಿದೆ.

#SatyamevaJayate springs a BIG SURPRISE... Plexes are good, but single screens are ROCKING... Wed ₹ 20.52 cr. India biz.

— taran adarsh (@taran_adarsh) August 16, 2018

ಈ ವರ್ಷದಲ್ಲಿ ಮೊದಲ ದಿನ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಚಿತ್ರಗಳ ಪೈಕಿ ಗೋಲ್ಡ್ ಮೂರನೇ ಸ್ಥಾನ ಹಾಗೂ ಸತ್ಯಮೇವಜಯತೇ ಐದನೇ ಸ್ಥಾನ ಪಡೆದುಕೊಂಡಿದೆ. ಮೊದಲ ಸ್ಥಾನದಲ್ಲಿ 'ಸಂಜು' (34.75), 'ರೇಸ್-3' (29.17), 'ಗೋಲ್ಡ್' (25.25), 'ಭಾಗಿ-2' (25.10), 'ಸತ್ಯಮೇವಜಯತೇ' (20.52) ಚಿತ್ರಗಳಿವೆ.