ಹನ್ಸಿಕಾ- ಸೊಹೈಲ್ ಮದುವೆ ಸಂಭ್ರಮ: ಸಂಗೀತ್, ಮೆಹಂದಿ ಪಾರ್ಟಿ ಜೋರು

ಸಂಗೀತ್ ಪಾರ್ಟಿಯಲ್ಲಿ ಕುಣಿದ ಜೋಡಿ

ಮುಂಬೈ ಮೂಲದ ಉದ್ಯಮಿ ಸೊಹೈಲ್ ಕಥುರಿಯಾ ಜೊತೆ ಹನ್ಸಿಕಾ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಶನಿವಾರ ರಾತ್ರಿ ನಡೆದ ಸಂಗೀತ್ ಪಾರ್ಟಿಯಲ್ಲಿ ಜೋಡಿ ಬಿಂದಾಸ್ ಆಗಿ ಹೆಜ್ಜೆ ಹಾಕಿದೆ. ಈ ಕಲರ್‌ಫುಲ್ ಕಾರ್ಯಕ್ರಮದ ಫೋಟೊಗಳು, ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಸಂಗೀತ್ ಪಾರ್ಟಿಯಲ್ಲಿ ಪಿಂಕ್‌ ಕಲರ್ ಗೌನ್‌ನಲ್ಲಿ ಹನ್ಸಿಕಾ ಮುಂಚಿದ್ರೆ, ಬ್ಲ್ಯಾಕ್ ಕಲರ್ ಶೆರ್ವಾನಿಯಲ್ಲಿ ಸೊಹೈಲ್ ಮಿಂಚಿದ್ದಾರೆ. ಇದಕ್ಕೂ ಮುನ್ನ ಮೆಹೆಂದಿ ಫಂಕ್ಷನ್ ಕೂಡ ನಡೆದಿದೆ.

ಹಳದಿ, ಸೂಫಿ, ಕಾಕ್‌ಟೇಲ್ ಪಾರ್ಟಿ

ಶುಕ್ರವಾರ ರಾತ್ರಿ ಸೂಫಿ ನೈಟ್ ಏರ್ಪಡಿಸಲಾಗಿತ್ತು. ಹಳದಿ ಅರಶಿನ ಶಾಸ್ತ್ರದಲ್ಲಿ ಜೋಡಿ ಬಿಳಿ ಬಣ್ಣದ ಉಡುಗೆಯಲ್ಲಿ ಮಿಂಚಿದರು. ಶನಿವಾರ ಮಧ್ಯಾಹ್ನ ಅತಿಥಿಗಳಿಗಾಗಿ ಸ್ಪೆಷಲ್ ಕಾಕ್‌ಟೇಲ್ ಪಾರ್ಟಿ ಕೂಡ ಏರ್ಪಡಿಸಲಾಗಿತ್ತು. ಈ ವೇಳೆ ಹನ್ಸಿಕಾ- ಸೊಹೈಲ್ ಬಿಳಿ ಬಣ್ಣದ ಕಾಸ್ಟ್ಯೂಮ್ಸ್‌ನಲ್ಲಿ ಕಂಗೊಳಿಸಿದ್ದರು. 450 ವರ್ಷಗಳಷ್ಟು ಹಳೆಯ ಕೋಟೆಯಲ್ಲಿ ಜೋಡಿಯ ಮದುವೆ ಸಮಾರಂಭ ನಡೀತಿದೆ.

ಬಾಲ್ಯದ ಗೆಳೆಯನ ಜೊತೆ ಮದುವೆ

ಹನ್ಸಿಕಾ ಹಾಗೂ ಸೊಹೈಲ್ ಇಬ್ಬರು ಬಾಲ್ಯ ಸ್ನೇಹಿತರು. ಆದರೆ ಈ ಹಿಂದೆ ಸುಹೈಲ್‌ಗೆ ಮದುವೆ ಆಗಿದೆ. ತಮ್ಮ ಆಪ್ತ ಸ್ನೇಹಿತರ ಬಳಗದಲ್ಲೇ ಇದ್ದ ರಿಂಕಿ ಜೊತೆ ಹಸೆಮಣೆ ಏರಿದ್ದರು. ಬಹಳ ಅದ್ಧೂರಿಯಾಗಿ ನಡೆದಿದ್ದ ಈ ಕಲ್ಯಾಣೋತ್ಸವದಲ್ಲಿ ಸ್ವತಃ ಹನ್ಸಿಕಾ ಕೂಡ ಭಾಗಿ ಆಗಿ ಎಂಜಾಯ್ ಮಾಡಿದ್ದಾರೆ. ಆದರೆ ನಂತರ ರಿಂಕಿ ಹಾಗೂ ಸೊಹೈಲ್ ದೂರಾಗಿದ್ದರು. ಸೊಹೈಲ್‌ಗೆ ಹನ್ಸಿಕಾ ಹತ್ತಿರವಾಗಿದ್ದರು. ಹಾಗಾಗಿ ಇಬ್ಬರು ಈಗ ಮದುವೆ ಮುಂದಾಗಿದ್ದಾರೆ.

ಕೆಲವೇ ನಿಮಿಷಗಳಲ್ಲಿ ಹನ್ಸಿಕಾ ಕಲ್ಯಾಣ

ನವೆಂಬರ್‌ ಆರಂಭದಲ್ಲಿ ಪ್ಯಾರಿಸ್‌ನಲ್ಲಿ ಹನ್ಸಿಕಾ ಹಾಗೂ ಸೊಹೈಲ್ ಎಂಗೇಜ್‌ಮೆಂಟ್ ನಡೆದಿತ್ತು. ಐಫಿಲ್ ಟವರ್ ಎದುದು ಸೊಹೈಲ್ ಪ್ರಪೋಸ್ ಮಾಡಿದ್ದ ಫೋಟೊಗಳನ್ನು ಶೇರ್ ಮಾಡಿ ಹನ್ಸಿಕಾ ತಮ್ಮ ಮದುವೆ ಬಗ್ಗೆ ಸುಳಿವು ನೀಡಿದ್ದರು. ಇನ್ನು ಕೆಲವೇ ಕ್ಷಣಗಳಲ್ಲಿ ಹನ್ಸಿಕಾ ಹಾಗೂ ಸೊಹೈಲ್ ಮದುವೆ ನೆರವೇರಲಿದೆ. ಮದುವೆ ವಿಡಿಯೋ ಪ್ರಸಾರದ ಹಕ್ಕನ್ನು ಓಟಿಟಿಗೆ ಸಂಸ್ಥೆಗೆ ನೀಡಿದ್ದಾರಂತೆ.