ಒಡವೆ ಕಳೆದಿದ್ದು ಯಾರೋ, ಕೆಟ್ಟ ಹೆಸರು ಬಂದಿದ್ದು ಮಾತ್ರ ಹೀನಾ ಖಾನ್ ಗೆ.!

ಬಾಯಿ ಬಿಟ್ಟ ಹೇಮಲತಾ

''ಏಪ್ರಿಲ್ ನಲ್ಲಿ ನಡೆದ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿ ಪ್ರದಾನ ಸಮಾರಂಭಕ್ಕಾಗಿ ಹೀನಾ ಖಾನ್ ರವರಿಗೆ ಚಿನ್ನಾಭರಣ ಕಂಪನಿಯಿಂದ ಒಡವೆಗಳನ್ನು ತಂದಿದ್ದೆ. ಆದ್ರೆ, ಆ ಒಡವೆಗಳನ್ನು ಅವರು ರಿಜೆಕ್ಟ್ ಮಾಡಿದ್ದರು. ಹೀಗಾಗಿ, ನನ್ನ ಅಸಿಸ್ಟೆಂಟ್ ಗಳಿಗೆ ಅದನ್ನ ವಾಪಸ್ ಮಾಡುವಂತೆ ಹೇಳಿದ್ದೆ'' ಎಂದು ಹೀನಾ ಖಾನ್ ಸ್ಟೈಲಿಸ್ಟ್ ಹೇಮಲತಾ ಬಾಯಿಬಿಟ್ಟಿದ್ದಾರೆ.

ಶಾಕ್ ಆಯ್ತು

''ಒಡವೆಗಳು ಕಳೆದು ಹೋಗಿವೆ ಅಂತ ನನ್ನ ಅಸಿಸ್ಟೆಂಟ್ ಗಳು ಹೇಳಿದಾಗ, ನನಗೆ ಶಾಕ್ ಆಯ್ತು. ಹೀಗಾಗಿ, ಪೊಲೀಸ್ ಠಾಣೆಯಲ್ಲಿ ದೂರು ಕೊಟ್ಟೆ. ಎಫ್.ಐ.ಆರ್ ಕೂಡ ದಾಖಲಾಗಿದೆ'' ಅಂತಾರೆ ಹೇಮಲತಾ

ಸಮಸ್ಯೆ ಬಗೆಹರಿಯುತ್ತಿಲ್ಲ.!

''ಚಿನ್ನಾಭರಣಗಳಿಗೂ ಹೀನಾ ಖಾನ್ ಗೂ ಯಾವುದೇ ಸಂಬಂಧ ಇಲ್ಲ. ಚಿನ್ನಾಭರಣ ಕಂಪನಿಯೊಂದಿಗೆ ನೇರವಾಗಿ ಮಾತನಾಡಲು ಮಧ್ಯವರ್ತಿಗಳು ಬಿಡುತ್ತಿಲ್ಲ. ಆದ್ದರಿಂದ ಸಮಸ್ಯೆ ಬಗೆಹರಿಯದೆ, ಹೀನಾ ಖಾನ್ ಗೆ ಕೆಟ್ಟ ಹೆಸರು ಬರುತ್ತಿದೆ'' - ಹೇಮಲತಾ, ಹೀನಾ ಖಾನ್ ಸ್ಟೈಲಿಸ್ಟ್

ಯಾರೀ ಹೀನಾ ಖಾನ್.?

'ಯೇ ರಿಶ್ತಾ ಕ್ಯಾ ಕೆಹಲಾತಾ ಹೈ' ಧಾರಾವಾಹಿಯಲ್ಲಿ ಅಭಿನಯಿಸಿದ ಕಿರುತೆರೆ ನಟಿ ಹೀನಾ ಖಾನ್. ಕಿರುತೆರೆ ಲೋಕದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರ ಪೈಕಿ ಹೀನಾ ಖಾನ್ ಕೂಡ ಒಬ್ಬರು. 'ಬಿಗ್ ಬಾಸ್ 11' ರಿಯಾಲಿಟಿ ಶೋನಲ್ಲಿ ಹೀನಾ ಖಾನ್ ರನ್ನರ್ ಅಪ್ ಆಗಿ ಹೊರಹೊಮ್ಮಿದ್ದರು.