Don't Miss!
- News ಸಿಎಂ ಸ್ಥಾನದಿಂದ ಸಿದ್ದರಾಮಯ್ಯ ಅವರನ್ನ ಇಳಿಸಲು ಕಾಯುತ್ತಿದ್ದಾರೆ: ಕಾರಣ ಬಿಚ್ಚಿಟ್ಟ ಜನಾರ್ದನ ರೆಡ್ಡಿ
- Finance April 24 Gold Rate: ಚಿನ್ನದ ಬೆಲೆ ಇಳಿಕೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ
- Technology Infinix: ನಾಳೆ ಇನ್ಫಿನಿಕ್ಸ್ ನೋಟ್ 40 ಪ್ರೊ+ 5G ಫೋನ್ ಖರೀದಿಗೆ ಲಭ್ಯ..108ಎಂಪಿ ಕ್ಯಾಮೆರಾ!
- Automobiles Triber: 7 ಜನ ಹೋಗಬಹುದಾದ ರೆನಾಲ್ಟ್ ಟ್ರೈಬರ್ ಖರೀದಿಸಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Lifestyle ಹೋಟೆಲ್ ರುಚಿಯ ಪನೀರ್ ಪೆಪ್ಪರ್ ಫ್ರೈ ಮನೆಯಲ್ಲೇ ಮಾಡಿ..! 10 ನಿಮಿಷದಲ್ಲಿ ರೆಡಿ..!
- Sports CSK vs LSG IPL 2024: ಐಪಿಎಲ್ನಲ್ಲಿ ಈ ದಾಖಲೆ ಮಾಡಿದ ಮೊದಲ ಸಿಎಸ್ಕೆ ನಾಯಕ ರುತುರಾಜ್ ಗಾಯಕ್ವಾಡ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚಿನ್ನಾಭರಣ ಕಂಪನಿಗೆ ಲೀಗಲ್ ನೋಟೀಸ್ ಕಳುಹಿಸಿದ ಹೀನಾ ಖಾನ್
'ಬಿಗ್ ಬಾಸ್ 11' ಕಾರ್ಯಕ್ರಮದಲ್ಲಿ ರನ್ನರ್ ಅಪ್ ಆಗಿದ್ದ ಹೀನಾ ಖಾನ್ ಗೆ ಇತ್ತೀಚೆಗಷ್ಟೇ ಚಿನ್ನಾಭರಣ ಕಂಪನಿಯೊಂದು ಲೀಗಲ್ ನೋಟೀಸ್ ಕಳುಹಿಸಿತ್ತು. ಯಾಕಂದ್ರೆ, ಈವೆಂಟ್ ಒಂದಕ್ಕೆ ಧರಿಸಲು ಚಿನ್ನಾಭರಣ ಕಂಪನಿಯಿಂದ ದುಬಾರಿ ಬೆಲೆಯ ಒಡವೆಗಳನ್ನು ನಟಿ ಹೀನಾ ಖಾನ್ ಪಡೆದಿದ್ದರು.
ಆದ್ರೆ, 12 ಲಕ್ಷ ರೂಪಾಯಿ ಮೌಲ್ಯದ ಆ ಒಡವೆಗಳನ್ನು ಹೀನಾ ಖಾನ್ ವಾಪಸ್ ಮಾಡಿರಲಿಲ್ಲ. ಹೀಗಾಗಿ, 15 ದಿನಗಳ ಒಳಗೆ ಒಡವೆಗಳನ್ನು ಹಿಂದಿರುಗಿಸುವಂತೆ ಚಿನ್ನಾಭರಣ ಕಂಪನಿ ಹೀನಾ ಖಾನ್ ಗೆ ನೋಟೀಸ್ ಜಾರಿ ಮಾಡಿತ್ತು.
''ಇದೆಲ್ಲ ನನ್ನ ಹೆಸರಿಗೆ ಮಸಿ ಬಳಿಯುವ ಯತ್ನ'' ಅಂತ ಪ್ರತಿಕ್ರಿಯೆ ನೀಡಿದ್ದ ಹೀನಾ ಖಾನ್ ಇದೀಗ ಚಿನ್ನಾಭರಣ ಕಂಪನಿಗೆ ನೋಟೀಸ್ ಕಳುಹಿಸಿದ್ದಾರೆ. ಮುಂದೆ ಓದಿರಿ...
ಟ್ವೀಟ್ ಮಾಡಿರುವ ಹೀನಾ ಖಾನ್
''ಇದೆಲ್ಲ ಶುರುವಾಗಿದ್ದು ಪಬ್ಲಿಕ್ ನಲ್ಲಿಯೇ. ಹೀಗಾಗಿ ನಾನೂ ಕೂಡ ನನ್ನ ಪ್ರತಿಕ್ರಿಯೆಯನ್ನ ಪಬ್ಲಿಕ್ ಆಗಿಯೇ ಹಂಚಿಕೊಳ್ಳುತ್ತಿದ್ದೇನೆ. ಚಿನ್ನಾಭರಣ ಕಂಪನಿಗೆ ನನ್ನ ವಕೀಲರು ಸರಿಯಾದ ಸ್ಟಾಂಪ್ ಹಾಗೂ ಸಹಿ ಹಾಕಿ ಲೀಗಲ್ ನೋಟೀಸ್ ಕಳುಹಿಸಿದ್ದಾರೆ. ಲೀಗಲ್ ನೋಟೀಸ್ ಅಂದ್ರೆ ಇದು. ಚೀಪ್ ಪಬ್ಲಿಸಿಟಿಗಾಗಿ ಸೃಷ್ಟಿಸಿದ ಸ್ಟ್ಯಾಂಪ್ ಇಲ್ಲದ ನೋಟೀಸ್ ಅಲ್ಲ'' ಎಂದು ತಿರುಗೇಟು ಕೊಟ್ಟಿದ್ದಾರೆ ನಟಿ ಹೀನಾ ಖಾನ್.
ಚಿನ್ನಾಭರಣ ಕಂಪನಿಗೆ 12 ಲಕ್ಷ ಮೋಸ ಮಾಡಿದ್ರಾ 'ಬಿಗ್ ಬಾಸ್' ಸ್ಪರ್ಧಿ.?
ಸತ್ಯಮೇವ ಜಯತೆ ಎಂದ ಹೀನಾ ಖಾನ್
''ಸೆಲೆಬ್ರಿಟಿ ಆಗುವುದು ಸುಲಭದ ಮಾತಲ್ಲ. ಈ ಮಟ್ಟ ತಲುಪಲು ನಾನು ಕಷ್ಟ ಪಟ್ಟಿರುವೆ. ಆದ್ರೆ, ಸೆಲೆಬ್ರಿಟಿಗಳೇ ಅನೇಕರಿಗೆ ಸುಲಭದ ಟಾರ್ಗೆಟ್. ಸರಿಯಾದ ಸಾಕ್ಷ್ಯಾಧಾರ ಇದ್ದರೆ ಸುಳ್ಳು ಆರೋಪ ಮಾಡುವವರಿಗೆ ತಕ್ಕ ಶಾಸ್ತಿ ಆಗುತ್ತೆ. ಸತ್ಯಮೇವ ಜಯತೆ'' ಎಂದಿದ್ದಾರೆ ನಟಿ ಹೀನಾ ಖಾನ್.
ಏನಿದು ವಿವಾದ.?
ಏಪ್ರಿಲ್ ತಿಂಗಳಲ್ಲಿ ಕಾರ್ಯಕ್ರಮವೊಂದಕ್ಕಾಗಿ ಧರಿಸಲು ಚಿನ್ನಾಭರಣ ಕಂಪನಿಯೊಂದರಿಂದ ಬರೋಬ್ಬರಿ 12 ಲಕ್ಷ ಮೌಲ್ಯದ ಆಭರಣಗಳನ್ನು ನಟಿ ಹೀನಾ ಖಾನ್ ಪಡೆದಿದ್ದರು. ಆದ್ರೆ, ಈವರೆಗೂ ಆ ಆಭರಣಗಳನ್ನು ಹೀನಾ ಖಾನ್ ಚಿನ್ನಾಭರಣ ಕಂಪನಿಗೆ ವಾಪಸ್ ನೀಡಿಲ್ಲ. ಹೀಗಾಗಿ, 15 ದಿನಗಳ ಒಳಗೆ ಚಿನ್ನಾಭರಣಗಳನ್ನು ವಾಪಸ್ ನೀಡುವಂತೆ ಹೀನಾ ಖಾನ್ ಗೆ ವಕೀಲರ ಮುಖಾಂತರ ಚಿನ್ನಾಭರಣ ಕಂಪನಿ ನೋಟೀಸ್ ನೀಡಿದೆ ಎಂದು ವರದಿ ಆಗಿದೆ.
ಹೀನಾ ಖಾನ್ ವಾದ ಏನು.?
ಅಷ್ಟಕ್ಕೂ, ಚಿನ್ನಾಭರಣ ಕಂಪನಿಯಿಂದ ಹೀನಾ ಖಾನ್ ಗಾಗಿ ಒಡವೆಗಳನ್ನ ತಂದವರು ಸ್ಟೈಲಿಸ್ಟ್ ಹೇಮಲತಾ. ''ನಾನು ಆ ಆಭರಣಗಳನ್ನು ಧರಿಸಲಿಲ್ಲ. ಯಾಕಂದ್ರೆ, ನನಗದು ಇಷ್ಟ ಆಗಲಿಲ್ಲ. ಹೀಗಾಗಿ ಬೇರೆ ಧರಿಸಿದೆ. ನನ್ನ ಸ್ಟೈಲಿಸ್ಟ್ ಹೇಮಲತಾ ಅದನ್ನ ಆಟೋದಲ್ಲಿ ಬಿಟ್ಟುಬಿಟ್ಟಿದ್ದಾರೆ. ಈಗಾಗಲೇ 2.86 ಲಕ್ಷ ವಾಪಸ್ ಕೊಡಲಾಗಿದೆ'' ಎಂದು ಸಂದರ್ಶನದಲ್ಲಿ ಹೀನಾ ಖಾನ್ ತಿಳಿಸಿದ್ದಾರೆ.