ಮಹಿಳೆಯೊಬ್ಬರು ಶಾರುಖ್ ಕೆನ್ನೆಗೆ ರಪ್ ಅಂತ ಬಾರಿಸಿದ್ರು

ಮುಂಬೈಗೆ ರೈಲಿನಲ್ಲಿ ಪಯಣ

ಫ್ಯಾನ್ ಚಿತ್ರದ ಟ್ರೈಲರ್ ರಿಲೀಸ್ ಸಮಾರಂಭದಲ್ಲಿ ಅಭಿಮಾನಿಗಳ ಜೊತೆ ಮಾತು-ಕತೆ ಆಡುತ್ತಿದ್ದ ಸಂದರ್ಭದಲ್ಲಿ ಅಭಿಮಾನಿಯೊಬ್ಬರು 'ನೀವು ವಿಮಾನ ಬಿಟ್ಟರೆ ರೈಲಿನಲ್ಲಿ ಎಂದಿಗೂ ಪ್ರಯಾಣ ಮಾಡಿಲ್ಲವೇ? ಎಂದು ಪ್ರಶ್ನೆ ಕೇಳಿದ್ದಕ್ಕೆ, ಶಾರುಖ್ ಅವರು ಯಾಕಿಲ್ಲ ನಾನು ನನ್ನ ಭವಿಷ್ಯವನ್ನು ಅರಸುತ್ತಾ ಮೊದಲು ಮುಂಬೈಗೆ ಹೊರಟಿದ್ದೆ ರೈಲಿನಲ್ಲಿ ಎಂದರು.[ದಯವಿಟ್ಟು ನನ್ನ ಸಿನಿಮಾ ನೋಡಿ, ನಾನು ತಪ್ಪು ಮಾಡಿಲ್ಲ: ಶಾರುಖ್]

ಕಪಾಳ ಮೋಕ್ಷ ಕಥೆ ಬಿಚ್ಚಿಟ್ಟ ಕಿಂಗ್ ಖಾನ್

ಈ ಸಂದರ್ಭದಲ್ಲಿ ರೈಲಿನಲ್ಲಿ ನಡೆದ ಸ್ವಾರಸ್ಯಕರ ಘಟನೆಯನ್ನು ಹಂಚಿಕೊಂಡರು. 'ರೈಲು ಮುಂಬೈ ತಲುಪಿದ ನಂತರ ಮತ್ತೆ ಸ್ಥಳೀಯ ಮಾರ್ಗಗಳಲ್ಲಿ ಚಲಿಸುತ್ತದೆ ಎಂದು ತಿಳಿಯದ ಕಿಂಗ್ ಖಾನ್ ಅವರಿದ್ದ ಬರ್ತ್ ಗೆ ಬಂದ ಮಹಿಳೆಯೊಬ್ಬರನ್ನು ಅವರು ಜಪ್ಪಯ್ಯ ಅಂದ್ರು ಕುಳಿತುಕೊಳ್ಳಲು ಬಿಡಲಿಲ್ಲವಂತೆ.['ಬೆಂಗಳೂರಿನಲ್ಲಿ ನನಗೆ ಬದುಕಲು ತುಂಬಾ ಆಸೆ' ಎಂದವರು ಯಾರು?]

ಹಠ ಮಾಡಿದ ಶಾರುಖ್

ಶಾರುಖ್ ಖಾನ್ ಅವರಿದ್ದ ಬರ್ತ್ ಗೆ ಮಹಿಳೆ ಒಂದು ಗಂಡಸಿನೊಂದಿಗೆ ಬಂದಾಗ ಶಾರುಖ್ ಅವರು ನಾನು ಕುಳಿತುಕೊಳ್ಳಲು ಬಿಡುವುದಿಲ್ಲ ಇದು ನನ್ನ ಬರ್ತ್ ಎಂದರಂತೆ, ಆದರೂ ನನ್ನ ಬರ್ತ್ ನಲ್ಲಿ ಕುಳಿತುಕೊಳ್ಳಬಹುದು ಆದರೆ ನಿಮ್ಮ ಜೊತೆ ಇರುವ ಪುರುಷನಿಗೆ ಕುಳಿತುಕೊಳ್ಳಲು ನಾನು ಅವಕಾಶ ನೀಡುವುದಿಲ್ಲ ಎಂದರಂತೆ.

ಕೆನ್ನೆಗೆ ರಪ್ ಅಂತ ಬಾರಿಸಿದ ಮಹಿಳೆ

ಶಾರುಖ್ ಅವರು ಹೀಗಂದಿದ್ದೇ ತಡ ತಕ್ಷಣ ಆ ಮಹಿಳೆ ಶಾರುಖ್ ಖಾನ್ ಅವರ ಕೆನ್ನೆಗೆ ರಪ್ ಅಂತ ಒಂದು ಬಾರಿಸಿ ಈ ರೈಲಿನಲ್ಲಿರುವ ಬರ್ತ್ ನಿನ್ನದಲ್ಲ, ಇದು ಎಲ್ಲರದ್ದು, ಅಂತ ಹೇಳಿ ಅಲ್ಲೇ ಕುಳಿತುಕೊಂಡರು ಎಂದು ಕಪಾಳ ಮೋಕ್ಷದ ಕಥೆ ಬಿಚ್ಚಿಟ್ಟಿದ್ದಾರೆ.