ಸೋನು ಸೂದ್ ಸೇರಿದಂತೆ ನಟ-ನಟಿಯರಿಗೆ ಅವಮಾನ: ಕಂಗನಾ ವಿಡಿಯೋ ವೈರಲ್

ಸೋನು ಸೂದ್‌ ಜೊತೆ ಹೇಗೆ ನಡೆದುಕೊಂಡಿದ್ದರು ಕಂಗನಾ?

ಅಷ್ಟೆ ಅಲ್ಲದೆ, ಕೊರೊನಾ ಸಮಯದಲ್ಲಿ ಸರ್ಕಾರದ ಸಮಮಟ್ಟಿಗೆ ಕೆಲಸ ಮಾಡಿ ದೇಶದಾದ್ಯಂತ ನಿಜಜೀವನದ ಹೀರೋ ಆಗಿ ಮೇಲೆ ಬಂದಿರುವ ಸೋನು ಸೂದ್ ಜೊತೆ ಹಿಂದೆ ಕಂಗನಾ ಹೇಗೆ ನಡೆದುಕೊಂಡಿದ್ದರು ಎಂಬುದು ಸಹ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆ ಆಗಿದೆ.

ಸಿನಿಮಾದಿಂದ ತೆಗೆದುಹಾಕಲಾಗಿತ್ತು

ತಮ್ಮ ಮಣಿಕರ್ಣಿಕ ಸಿನಿಮಾದಿಂದ ನಟಿ ಕಂಗನಾ ರಣೌತ್ ನಟ ಸೋನು ಸೂದ್ ಅನ್ನು ತೆಗೆದು ಹಾಕಿದ್ದರು. ಅದೂ ಕೆಲವು ದೃಶ್ಯಗಳಲ್ಲಿ ನಟಿಸಿದ ನಂತರ ವಿನಾಕಾರಣ ಸೋನು ಸೂದ್ ಅನ್ನು ಕಂಗನಾ ಸಿನಿಮಾದಿಂದ ತೆಗೆದು ಹಾಕಿದ್ದರಂತೆ. ಈ ವಿಷಯ ಈಗ ಚರ್ಚೆಯಾಗುತ್ತಿದೆ.

'ಬಿ' ಗ್ರೇಡ್ ನಟಿ ಎಂದ ಕಂಗನಾಗೆ ತಾಪ್ಸಿ ತಿರುಗೇಟು: ತಾಪ್ಸಿ ಬೆಂಬಲಕ್ಕೆ ನಿಂತ ಬಾಲಿವುಡ್ ಸ್ಟಾರ್ಸ್

ಸೆಟ್‌ಗೆ ಬರಬೇಡ ಎಂದು ಸಂದೇಶ ಕಳಿಸಿದ್ದರು

ಸೋನು ಸೂದ್ ಮಣಿಕರ್ಣಿಕಾ ಸಿನಿಮಾದಲ್ಲಿ ನಟಿಸಿದ್ದರು. 45 ದಿನ ಚಿತ್ರೀಕರಣಕ್ಕೆ ಸಹ ಹಾಜರಾಗಿದ್ದರಂತೆ, ಆದರೆ ಆ ನಂತರ ಕಂಗನಾ ಅವರು ಸೋನು ಸೂದ್ ಅನ್ನು ಸಿನಿಮಾದಿಂದ ತೆಗೆದುಹಾಕಿದರು. ಇನ್ನು ಮುಂದೆ ಸೆಟ್‌ ಗೆ ಬರಬೇಡ ಎಂದು ಸಂದೇಶವನ್ನು ಸೋನು ಸೂದ್‌ಗೆ ಕಳುಹಿಸಲಾಗಿತ್ತಂತೆ.

ಸಹ ನಟಿಯರ ಬಗ್ಗೆ ತುಚ್ಛವಾದ ಮಾತು

ಬಾಲಿವುಡ್‌ನ ಗುಂಪುಗಾರಿಕೆ ಬಗ್ಗೆ ಮಾತನಾಡುತ್ತಿರುವ ಕಂಗನಾ, ಮಾಧ್ಯಮವೊಂದಕ್ಕೆ ಇತ್ತೀಚೆಗೆ ನೀಡಿದ ಸಂದರ್ಶನದಲ್ಲಿ ಇಬ್ಬರು ನಟಿಯರನ್ನು ಕೆಳಮಟ್ಟದ ನಟಿಯರು ಎಂದು ಕರೆದಿದ್ದಾರೆ. ಸುಶಾಂತ್‌ ಸಿಂಗ್ ನ ಮೊದಲ ಪ್ರೇಯಸಿ ಅಂಕಿತ ಲೋಕಂಡೆ ಹಾಗೂ ಮಿಶ್ಟಿ ಚಕ್ರವರ್ತಿ ಬಗ್ಗೆಯೂ ಹೀಗೆಯೇ ಮಾತನಾಡಿದರು. ಈ ವಿಡಿಯೋ ಇದೀಗ ವೈರಲ್ ಆಗಿದೆ.

ಸುಶಾಂತ್ ಸಿಂಗ್ ಅನ್ನು 'ಫ್ಲಾಪ್ ಹೀರೋ' ಅಂತ ಕರಣ್ ಹೇಗೆ ಬಿಂಬಿಸಿದರು ಎಂದು ಬಹಿರಂಗಪಡಿಸಿದ ನಟಿ ಕಂಗನಾ

'ಕಂಗನಾ ರಣೌತ್ ಒಬ್ಬ ಕಪಟಿ'

ಸ್ವಜನಪಕ್ಷಪಾತದ ಬಗ್ಗೆ ಮಾತನಾಡುವ ಕಂಗನಾ ಒಬ್ಬ ಕಪಟಿ ಎಂದು ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆ ಆಗುತ್ತಿದೆ. ಬಾಲಿವುಡ್‌ನ ಗುಂಪುಗಾರಿಕೆ, ನಟ-ನಟಿಯರಿಗೆ ಅವಮಾನ ಮಾಡುತ್ತಾರೆ ಎಂದೆಲ್ಲಾ ಮಾತನಾಡುತ್ತಿರುವ ನೀವು ಮಾಡಿರುವುದು ಏನು ಎಂದು ನೆಟ್ಟಿಜನರು ಪ್ರಶ್ನೆ ಮಾಡಿದ್ದಾರೆ.