ಹಿಂದಿ 'ವಿಕ್ರಂ ವೇದ' ಟೀಸರ್‌ನಲ್ಲಿ ಅಬ್ಬರಿಸಿದ ಹೃತಿಕ್- ಸೈಫ್!

ಅಬ್ಬರಿಸಿದ ಹೃತಿಕ್- ಸೈಫ್!

ಹೃತಿಕ್ ರೋಷನ್ ಮತ್ತು ಸೈಫ್ ಅಲಿಖಾನ್ ಈ ಚಿತ್ರದಲ್ಲಿ ವಿಕ್ರಂ ವೇದ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಹೃತಿಕ್ ರೋಷನ್ ಕಳ್ಳ ಆದ್ರೆ, ಸೈಫ್ ಅಲಿಖಾನ್ ಫೊಲೀಸ್. ಈ ಕಳ್ಳ ಪೊಲೀಸ್ ಆಟದಲ್ಲಿ ಇಬ್ಬರೂ ಕೂಡ ಅಬ್ಬರಿಸಿದ್ದಾರೆ. ಹೃತಿಕ್ ರೋಷನ್ ವಿಭಿನ್ನ ಮ್ಯಾನರಿಂನಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್ನು ಸೈಫ್ ಅಲಿಖಾನ್ ಕಿರಿಕ್ ಪೊಲೀಸ್ ಆಗಿ ಮಿಂಚಿದ್ದಾರೆ. ಸದ್ಯ ಈ ಟೀಸರ್‌ಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ಭಿನ್ನವಾದ ಟೀಸರ್!

ಈ ಮೊದಲು ವಿಕ್ರಂ ವೇದ ಸಿನಿಮಾವನ್ನು ನೋಡಿದವರಿಗೆ ಈ ಟೀಸರ್ ಮತ್ತು ಕತೆಯ ತಿರುಳು ಸುಲಭವಾಗಿ ಗೊತ್ತಾಗುತ್ತದೆ. ಆದರೆ ಈ ಟೀಸರನ್ನು ನಿರ್ದೇಶಕರು ಕೊಂಚ ಭಿನ್ನವಾಗಿ ಕಟ್ಟಿಕೊಟ್ಟಿದ್ದಾರೆ. ಕೆಲವು ಡೈಲಾಗ್‌ಗಳೂ, ತಮಿಳು ವಿಕ್ರಂ ವೇದ ಮಾದರಿಯಲ್ಲೇ ಇದ್ದರು, ಆ ಟೀಸರ್‌ನಲ್ಲಿ ಇರುವ ಹಲವು ಅಂಶಗಳನ್ನು ಬದಲಾಯಿಸಿದ್ದಾರೆ. ಈ ಟೀಸರ್‌ನಲ್ಲಿ ಮುಖ್ಯವಾಗಿ ಗಮನ ಸೆಳೆಯೋದು ಹೃತಿಕ್ ರೋಷನ್ ಪಾತ್ರ.

ಸೆಪ್ಟೆಂಬರ್ 30ಕ್ಕೆ ಸಿನಿಮಾ ರಿಲೀಸ್!

ಬಾಲಿವುಡ್‌ನಲ್ಲಿ ಹಲವಾರು ಸಿನಿಮಾಗಳು ನೆಲಕಚ್ಚಿವೆ. ಹಾಗಾಗಿ ಯಾವುದೇ ಸಿನಿಮಾ ರಿಲೀಸ್‌ಗೆ ರೆಯಾದರೂ ಕೂಡ, ಆ ಚಿತ್ರದ ಗಳಿಕೆಯ ಬಗ್ಗೆ ಕುತಹಲ ಹುಟ್ಟಿಕೊಳ್ಳುತ್ತದೆ. ಅಂತೆಯೇ ಈ ಚಿತ್ರದ ಮೇಲೂ ಹೆಚ್ಚಿನ ನಿರೀಕ್ಷೆ ಇದೆ. ಯಾಕೆಂದರೆ ಒಂದು ಈ ಚಿತ್ರದ ಕಥೆಯನ್ನೂ ಈಗಾಗಲೇ ಜನ ಮೆಚ್ಚಿಕೊಂಡಿದ್ದಾರೆ. ಮತ್ತೊಂದು ಈ ಸಿನಿಮಾದಲ್ಲಿ ಬಾಲಿವುಡ್ ಇಬ್ಬರೂ ಸ್ಟಾರ್ ನಟರಿದ್ದಾರೆ.

ಮತ್ತೆ ಗೆಲ್ಲುತ್ತಾರಾ ಪುಷ್ಕರ್ ಗಾಯಿತ್ರಿ!

ಈ ಚಿತ್ರವನ್ನು ಪುಷ್ಕರ್ ಮತ್ತು ಗಾಯತ್ರಿ ನಿರ್ದೇಶಿಸಿದ್ದಾರೆ. ಎಸ್. ಶಶಿಕಾಂತ್ ನಿರ್ಮಿಸಿದ್ದಾರೆ ಮತ್ತು ಭೂಷಣ್ ಕುಮಾರ್ ನಿರ್ಮಿಸಿದ್ದಾರೆ. ವಿಕ್ರಂ- ವೇದ ಆಗಿ ಹೃತಿಕ್ ರೋಷನ್ ಮತ್ತು ಸೈಫ್ ಅಲಿ ಖಾನ್ ಮುಖ್ಯ ಭೂಮಿಕೆಯಲ್ಲಿದ್ದಾರೆ. ರಾಧಿಕಾ ಆಪ್ಟೆ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಚಿತ್ರದಲ್ಲಿ ರೋಹಿತ್ ಸರಾಫ್, ಯೋಗಿತಾ ಬಿಹಾನಿ, ಶರೀಬ್ ಹಶ್ಮಿ ಮತ್ತು ಸತ್ಯದೀಪ್ ಮಿಶ್ರಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.