ಜೈಪುರದ ಬೀದಿಗಳಲ್ಲಿ ಹಪ್ಪಳ ಮಾರುತ್ತಿರುವ ಈ ಪ್ರಖ್ಯಾತ ನಟ ಯಾರು ಗೊತ್ತಾ.?

ಕಂಡುಹಿಡಿಯೋಕೆ ಆಗಲ್ಲ.!

ಪ್ಯಾಂಟು-ಶರ್ಟು ತೊಟ್ಟು, ಹೆಗಲ ಮೇಲೊಂದು ಟವಲ್ ಹಾಕೊಂಡು, ಸೈಕಲ್ ಹಿಂದೆ ಹಪ್ಪಳ, ಸಂಡಿಗೆಯ ಬುಟ್ಟಿ ಹಿಡಿದುಕೊಂಡು ಜೈಪುರದ ಬೀದಿಗಳಲ್ಲಿ ಹೃತಿಕ್ ರೋಷನ್ ತಿರುಗಾಡುತ್ತಿದ್ರೆ, ಅವರನ್ನ ಯಾರೂ ಕಂಡು ಹಿಡಿಯಲೇ ಇಲ್ಲ.

ಇದು ಯಾವ ಸಿನಿಮಾಗಾಗಿ.?

ವಿಕಾಸ್ ಬಾಹ್ಲ್ ನಿರ್ದೇಶನದ 'ಸೂಪರ್ 30' ಚಿತ್ರದಲ್ಲಿ ಹೃತಿಕ್ ರೋಷನ್ ಕಾಣಿಸಿಕೊಂಡಿರುವ ಪರಿ ಇದು.

ಗಣಿತಜ್ಞ ಆನಂದ್ ಸಾಧನೆ ಕುರಿತ ಚಿತ್ರ ಇದು

ಬಿಹಾರದ ಗಣಿತಜ್ಞ ಆನಂದ್ ಕುಮಾರ್ ಅವರ ಜೀವನ ಚರಿತ್ರೆಯೇ ಈ 'ಸೂಪರ್ 30' ಸಿನಿಮಾ. ಆನಂದ್ ಕುಮಾರ್ ಆಗಿ ತೆರೆಮೇಲೆ ಹೃತಿಕ್ ರೋಷನ್ ಮಿಂಚಲಿದ್ದಾರೆ. ಆರ್ಥಿಕವಾಗಿ ಹಿಂದುಳಿದ 30 ವಿದ್ಯಾರ್ಥಿಗಳನ್ನು ಪ್ರತಿವರ್ಷ ಪ್ರತಿಷ್ಟಿತ ಐಐಟಿ ಪರೀಕ್ಷೆಗೆ ಸಜ್ಜುಗೊಳಿಸಿ ಯಶಸ್ಸು ಪಡೆದ ಆನಂದ ಅವರ ಸಾಧನೆಯನ್ನು ಈ ಸಿನಿಮಾದಲ್ಲಿ ಕಟ್ಟಿಕೊಡಲಾಗಿದೆ.

ಹೃತಿಕ್ ರೋಷನ್ ಜೋಡಿ ಯಾರು.?

'ಕುಂಕುಮ್ ಭಾಗ್ಯ' ಧಾರಾವಾಹಿ ಖ್ಯಾತಿಯ ಮೃಣಾಲ್ ಠಾಕೂರ್ 'ಸೂಪರ್ 30' ಚಿತ್ರದಲ್ಲಿ ಹೃತಿಕ್ ರೋಷನ್ ಜೋಡಿಯಾಗಿ ಅಭಿನಯಿಸಿದ್ದಾರೆ.

ಮುಂದಿನ ವರ್ಷ ಬಿಡುಗಡೆ

'ಸೂಪರ್ 30' ಚಿತ್ರದಲ್ಲಿ ಹೃತಿಕ್ ರೋಷನ್ ತಾಳಿರುವ ಅವತಾರಕ್ಕೆ ಈಗಾಗಲೇ ವ್ಯಾಪಕ ಮೆಚ್ಚುಗೆ ಪಾತ್ರವಾಗಿದೆ. ಸದ್ಯ ಚಿತ್ರೀಕರಣದ ಹಂತದಲ್ಲಿ ಇರುವ 'ಸೂಪರ್ 30' ಸಿನಿಮಾ ಮುಂದಿನ ವರ್ಷ ಬಿಡುಗಡೆ ಆಗಲಿದೆ.