ಮುಂಬೈನಲ್ಲಿ 100 ಕೋಟಿ ಮೌಲ್ಯದ ಆಸ್ತಿ ಖರೀದಿಸಿದ ಹೃತಿಕ್ ರೋಶನ್

ಮುಂಬೈನ ಜುಹು ಏರಿಯಾದಲ್ಲಿ ಮನೆ

ಮುಂಬೈನ ಜನಪ್ರಿಯ ಬಡಾವಣೆ ಜುಹು-ವರ್ಸೋವಾ ರಸ್ತೆಯಲ್ಲಿ ದೊಡ್ಡದೊಂದು ಅಪಾರ್ಟ್‌ಮಿಂಟ್ ಖರೀದಿಸಿದ್ದಾರೆ ನಟ ಹೃತಿಕ್. ಜುಹು ಏರಿಯಾದಲ್ಲಿ ಅಪಾರ್ಟ್‌ಮೆಂಟ್ ಖರೀದಿ ಬಾರಿ ದುಬಾರಿ ಮೊತ್ತವನ್ನೇ ಬೇಡುತ್ತದೆ.

100 ಕೋಟಿ ಪಾವತಿಸಿರುವ ಹೃತಿಕ್ ರೋಶನ್

ಅಪಾರ್ಟ್‌ಮಿಂಟ್ ಜೊತೆಗೆ ಪೆಂಟ್‌ಹೌಸ್ ಒಂದನ್ನೂ ಸಹ ಖರೀದಿಸಿದ್ದಾರೆ ನಟ ಹೃತಿಕ್ ರೋಷನ್. ಎರಡಕ್ಕೂ ಸೇರಿ ಬರೋಬ್ಬರಿ 100 ಕೋಟಿ ರೂಪಾಯಿ ಪಾವತಿಸಿದ್ದಾರಂತೆ ಹೃತಿಕ್ ರೋಷನ್.

ವಿಶಾಲವಾದ ಅಪಾರ್ಟ್‌ಮಿಂಟ್ ಖರೀದಿ

ಅಪಾರ್ಟ್‌ಮಿಂಟ್‌ ನಲ್ಲಿ ಹೃತಿಕ್ ಕುಟುಂಬಕ್ಕಾಗಿಯೇ ಪ್ರತ್ಯೇಕ ಲಿಫ್ಟ್‌, 10 ವಾಹನಗಳ ಪಾರ್ಕಿಂಗ್ ಸ್ಥಳವನ್ನು ನಿಗದಿಪಡಿಸಲಾಗಿರುತ್ತದೆ. ಅದ್ಧೂರಿ ಒಳಾಂಗಣ ವಿನ್ಯಾಸ, ಸೀ ವ್ಯೂ ಸಹ ಇರಲಿದೆಯಂತೆ ಅಪಾರ್ಟ್‌ಮಿಂಟ್‌ನಲ್ಲಿ. ಹೃತಿಕ್ ಅವರದ್ದು ಕೂಡು ಕುಟುಂಬ ಹಾಗಾಗಿ ದೊಡ್ಡ ಮನೆಯನ್ನೇ ಖರೀದಿಸಿದ್ದಾರೆ ಹೃತಿಕ್.

ದುಬಾರಿ ಬಾಡಿಗೆ ಪಾವತಿಸುತ್ತಿದ್ದರಂತೆ ಹೃತಿಕ್

ನಟ ಹೃತಿಕ್ ರೋಷನ್ ಹಾಗೂ ಕುಟುಂಬ ಇಷ್ಟು ದಿನ ಮುಂಬೈನಲ್ಲಿ ಬಾಡಿಗೆ ಸ್ಥಳದಲ್ಲಿ ವಾಸವಿದ್ದರಂತೆ. ಅದೂ ಭಾರಿ ದುಬಾರಿ ಬಾಡಿಗೆಯನ್ನೇ ಆಪಾರ್ಟ್‌ಮಿಂಟ್‌ ಗೆ ನೀಡುತ್ತಿದ್ದರಂತೆ. ಆದರೆ ಈಗ ಸ್ವಂತಕ್ಕೆ ಎರಡು ವೈಭವೋಪೇತ ಮನೆಗಳನ್ನು ಖರೀದಿಸಿದ್ದಾರೆ ಹೃತಿಕ್.