ನನಗೆ ಗಾಡ್ ಫಾದರ್ ಇಲ್ಲ, ಆದ್ರೆ ಲಕ್ಕಿ: ಅದಾ ಶರ್ಮಾ

'ಕಮಾಂಡೋ 2' ಚಿತ್ರದಲ್ಲಿ ನಟಿಸಲು ಕಾರಣ

ಅದಾ ಶರ್ಮಾ ಅವರು ತಾವು 'ಕಮಾಂಡೋ 2' ಚಿತ್ರದಲ್ಲಿ ನಟಿಸಲು ಒಪ್ಪಿಕೊಂಡಿದ್ದು ಏಕೆ? ಎಂಬ ಪ್ರಶ್ನೆಗೆ, "ಫಿಲ್ಮ್ ಗೆ ಆಡಿಶನ್ ಆದ ವೇಳೆ ಕಮಾಂಡೋ ಚಿತ್ರದಲ್ಲಿಯ ನನ್ನ ಪಾತ್ರದ ಮೇಲೆ ತುಂಬಾ ಪ್ರೀತಿ ಉಂಟಾಯಿತು. ಹಾಗೆ ಈ ಹಿಂದೆ ಇಂತಹ ಪಾತ್ರಗಳಲ್ಲಿ ಒಮ್ಮೆಯು ನಟಿಸಿರಲಿಲ್ಲ. ಹಲವು ಸಿನಿಮಾಗಳಲ್ಲಿ ಜನರನ್ನು ನಗಿಸುವ ಪಾತ್ರ ನಿರ್ವಹಿಸಿದ್ದೆ. ಆದರೆ ಈ ಚಿತ್ರದಲ್ಲಿ ಎಮೋಶನಲ್ ಡ್ರಾಮಾ ಮಾಡಿದ್ದೇನೆ" ಎಂದು ಉತ್ತರಿಸಿದ್ದಾರೆ.

ಇದುವರೆಗೆ ತಮಿಳು ಸಿನಿಮಾಗಳಲ್ಲಿ ಕಾಣಿಸಿಲ್ಲವಲ್ಲ?

"ನಾನು ಮೂಲತಃ ತಮಿಳಿಗಳು. ಆದರೆ ಈವರೆಗೆ ಯಾವುದೇ ತಮಿಳು ಸಿನಿಮಾ ಮಾಡಿಲ್ಲ. ಕಾರಣ ತಮಿಳಿನಲ್ಲಿ ನಟಿಸುವುದು ಸ್ವಲ್ಪ ಐರಾನಿಕ್ ಅನಿಸುತ್ತೆ. ಹಲವು ಸಿನಿಮಾಗಳಿಗೆ ಆಫರ್ ಬಂದಿತ್ತು. ಆದರೆ ಆ ಸಿನಿಮಾಗಳಿಗಿಂತ ದೊಡ್ಡ ಚಿತ್ರಗಳಲ್ಲಿ ನಟಿಸುವ ಆಸೆ. ಹಾಗೆ ಸುಮ್ಮನೇ ಯಾವುದ್ಯಾವುದೋ ಸಿನಿಮಾದಲ್ಲಿ ನಟಿಸಲು ಇಷ್ಟವಿಲ್ಲ. ಆದರೆ ಒಂದು ತಮಿಳು ಚಿತ್ರಕ್ಕೆ ಸಹಿ ಹಾಕಿದ್ದೇನೆ".

ಬಾಲಿವುಡ್ ಜರ್ನಿ ಹೇಗಿದೆ?

ಸೌತ್ ಸಿನಿಮಾಗಳಲ್ಲಿ ಸಾಕಷ್ಟು ಸಕ್ಸಸ್ ಪಡೆದಿರುವ ಅದಾ ಶರ್ಮಾ, ತಮ್ಮ ಬಾಲಿವುಡ್ ಜರ್ನಿ ಬಗ್ಗೆ, "ದಕ್ಷಿಣದ ಸಿನಿಮಾಗಳಲ್ಲಿ ಅವಕಾಶ ಸುಲಭವಾಗಿ ಬರುತ್ತವೆ. ಹಿಂದಿನ ಚಿತ್ರಗಳ ಯಶಸ್ಸಿನ ಹಿನ್ನೆಲೆಯಲ್ಲಿ ಅವಕಾಶಗಳು ಸಿಗುತ್ತವೆ. ಆದರೆ ಬಾಲಿವುಡ್ ನಲ್ಲಿ ಇದರ ಬಗ್ಗೆ ಐಡಿಯಾ ಇಲ್ಲ. ಹಾಗೆ ನನಗೆ ಯಾವ ಗಾಡ್ ಫಾದರ್ ಗಳು ಇಲ್ಲ. ಆದರೆ ನಾನು ತುಂಬಾ ಲಕ್ಕಿ. ಸ್ಪರ್ಧೆ ಟಫ್ ಆಗಿದೆ" ಎಂದು ಪ್ರತಿಕ್ರಿಯಿಸಿದ್ದಾರೆ.

ಹಾರರ್ ಸಿನಿಮಾ ಗಳಲ್ಲಿ ಅದಾ ಶರ್ಮಾ

ಅದಾ ಶರ್ಮಾ ಅವರಿಗೆ, '1920' ಹಾರರ್ ಸಿನಿಮಾ ನಂತರ ಹಲವು ಹಾರರ್ ಸಿನಿಮಾಗಳಲ್ಲಿ ನಟಿಸಲು ಅವಕಾಶ ಬಂದಿತಂತೆ. ಆದರೆ ಅದಾ ಹಾರರ್ ಕೆಟಗೆರಿ ಸಿನಿಮಾಗಳಿಂದ ದೂರ ಉಳಿದು, ಸಂಥಿಂಗ್ ಡಿಫರೆಂಟ್ ಸಿನಿಮಾಗಳ ಕಡೆ ಗಮನ ಕೊಟ್ಟರಂತೆ.