ಆ ಸಿನಿಮಾದಲ್ಲಿ ನಟಿಸಿದ್ದರೆ ನಾನು ಸೈಫ್ ಅಲಿ ಖಾನ್ ಅನ್ನು ಮದುವೆಯಾಗುತ್ತಿರಲಿಲ್ಲ: ಕರೀನಾ

ಕರೀನಾ ರಿಜೆಕ್ಟ್ ಮಾಡಿದ ಸಿನಿಮಾ ಪಟ್ಟಿ ದೊಡ್ಡದಿದೆ

ಕರೀನಾ ಕಪೂರ್ ರಿಜೆಕ್ಟ್‌ ಮಾಡಿದ ಸಿನಿಮಾಗಳ ಪಟ್ಟಿ ಬಹಳ ದೊಡ್ಡದೇ ಇದೆ. 'ಕಲ್ ಹೋ ನಾ ಹೋ', ರಾಮ್‌ ಲೀಲಾ, ಟ್ವೀನ್, ಫ್ಯಾಷನ್ ಇನ್ನೂ ಹಲವು ಸಿನಿಮಾಗಳನ್ನು ಅವರು ರಿಜೆಕ್ಟ್ ಮಾಡಿದ್ದರಂತೆ, ಆದರೆ ಇವೆಲ್ಲವೂ ಸೂಪರ್ ಡೂಪರ್ ಹಿಟ್ ಸಿನಿಮಾಗಳಾದವು, ನಟಿಸಿದ ನಟಿಯರಿಗೆ ಭಾರಿ ಹೆಸರು, ಪ್ರಶಸ್ತಿ ತಂದುಕೊಟ್ಟವು.

'ಸೈಫ್ ಅಲಿ ಖಾನ್ ಅನ್ನು ಮದುವೆ ಆಗುತ್ತಿರಲಿಲ್ಲವೇನೋ?'

ನಾನು ಬಿಟ್ಟುಬಂದ ಸಿನಿಮಾಗಳ ಬಗ್ಗೆ ಹಿಂದೆ ತಿರುಗಿ ನೋಡುವುದಿಲ್ಲ, ನನಗಾಗಿ ಏನು ಸಿಕ್ಕಿದೆಯೋ ಅದರಲ್ಲಿ ತೃಪ್ತಿ ಇದೆ. ಒಂದು ವೇಳೆ ನಾನು ಕಲ್ ಹೋ ನಾ ಹೋ ಸಿನಿಮಾದಲ್ಲಿ ನಟಿಸಿದ್ದರೆ ಬಹುಷಃ ನಾನು ಸೈಫ್ ಅಲಿ ಖಾನ್ ಅನ್ನು ಮದುವೆ ಆಗುತ್ತಿರಲಿಲ್ಲವೇನೋ ಯಾರಿಗೆ ಗೊತ್ತು? ಎಂದಿದ್ದಾರೆ ಕರೀನಾ.

ಕಲ್ ಹೋ ನಾ ಸಿನಿಮಾದಲ್ಲಿ ಸೈಫ್ ನಟಿಸಿದ್ದರು

ಕಲ್ ಹೋ ನಾ ಹೋ ಸಿನಿಮಾದಲ್ಲಿ ಸೈಫ್ ಅಲಿ ಖಾನ್ ನಟಿಸಿದ್ದರು. ಸಿನಿಮಾದ ನಾಯಕ ಶಾರುಖ್ ಖಾನ್ ಸಹ ಇದ್ದರು. ಕರೀನಾ ಕಪೂರ್ ಬಿಟ್ಟ ಪಾತ್ರವನ್ನು ಪ್ರೀತಿ ಜಿಂಟಾ ನಿರ್ವಹಿಸಿದರು. ಈ ಸಿನಿಮಾ 2003 ರಲ್ಲಿ ಬಿಡುಗಡೆ ಆಗಿತ್ತು.

2012 ರಲ್ಲಿ ಮದುವೆಯಾದ ಕರೀನಾ-ಸೈಫ್

ಕರೀನಾ ಕಪೂರ್ ಮತ್ತು ಸೈಫ್ ಅಲಿ ಖಾನ್ 2012 ರಲ್ಲಿ ಮದುವೆಯಾದರು. ಕಲ್‌ ಹೋ ನಾ ಹೋ ಸಿನಿಮಾ ಬಿಡುಗಡೆ ಸಮಯದಲ್ಲಿ ಕರೀನಾ ಕಪೂರ್ ಶಾಹಿದ್ ಕಪೂರ್ ಜೊತೆ ಪ್ರೇಮದಲ್ಲಿದ್ದರು, ಸೈಫ್ ಅಲಿ ಖಾನ್ ವಿಚ್ಛೇಧನ ಸಹ ಆಗಿರಲಿಲ್ಲ.