"ಟೈಗರ್ ಶ್ರಾಫ್ ಜೊತೆ ಡೇಟಿಂಗ್.. ಪ್ರಭಾಸ್ ಜೊತೆ ಮದುವೆ": ಕೃತಿ ಸನೂನ್ ಹೇಳಿಕೆ ವೈರಲ್

ಪ್ರಭಾಸ್‌ನ ಮದುವೆ ಆಗ್ತೀನಿ!

ಈ ತಿಂಗಳ ಹಿಂದೆ ವಾಹಿನಿಯೊಂದಕ್ಕೆ ನೀಡಿದ್ದ ಸಂದರ್ಶನದಲ್ಲಿ ಅವಕಾಶ ಸಿಕ್ಕರೆ ಪ್ರಭಾಸ್ ಜೊತೆ ಮದುವೆ ಆಗುತ್ತೀನಿ ಎಂದು ಕೃತಿ ಸನೂನ್ ಹೇಳಿದ್ದರು. ನಿರೂಪಕಿ ಒಂದು ವೇಳೆ ಅವಕಾಶ ಸಿಕ್ಕರೆ ಟೈಗರ್ ಶ್ರಾಫ್, ಪ್ರಭಾಸ್, ಕಾರ್ತಿಕ್ ಮೂವರಲ್ಲಿ ಯಾರನ್ನು ಮದುವೆ ಆಗ್ತೀರಾ? ಯಾರಯ ಜೊತೆ ಡೇಟಿಂಗ್ ಹೋಗ್ತಿರಾ? ಯಾರೊಟ್ಟಿಗೆ ಫ್ಲರ್ಟ್ ಮಾಡ್ತೀರಾ?" ಎನ್ನುವ ಪ್ರಶ್ನೆ ಕೇಳಿದ್ದರು. ಇದಕ್ಕೆ ಉತ್ತರಿಸಿದ್ದ ಕೃತಿ "ಕಾರ್ತಿಕ್ ಆರ್ಯನ್ ಜೊಯೆ ಫ್ಲರ್ಟ್, ಟೈಗರ್ ಶ್ರಾಫ್ ಜೊತೆ ಡೇಟಿಂಗ್ ಮಾಡ್ತೀನಿ, ಪ್ರಭಾಸ್‌ನ ಮದುವೆ ಆಗ್ತೀನಿ" ಎಂದಿದ್ದರು. ಆ ವಿಡಿಯೋ ಈಗ ಮತ್ತೊಮ್ಮೆ ವೈರಲ್ ಆಗಿದೆ.

ರಾಮ-ಸೀತೆಯಾಗಿ ನಟನೆ

ಓಂ ರಾವುತ್ ನಿರ್ದೇಶನದ 'ಆದಿಪುರುಷ್' ಚಿತ್ರದಲ್ಲಿ ಪ್ರಭಾಸ್ ಹಾಗೂ ಕೃತಿ ಸನೂನ್ ಒಟ್ಟೊಗೆ ನಟಿಸಿದ್ದಾರೆ. ರಾಮಾಯಣ ಕಾವ್ಯ ಆಧರಿಸಿ ಈ ಸಿನಿಮಾ ನಿರ್ಮಾಣವಾಗಿದೆ. ಚಿತ್ರದಲ್ಲಿ ಪ್ರಭಾಸ್ ಶ್ರೀರಾಮನ ಪಾತ್ರದಲ್ಲಿ ಕಾಣಿಸಿಕೊಂಡರೆ ಕೃತಿ ಸೀತಾದೇವಿ ಆಗಿ ಮಿಂಚಿದ್ದಾರೆ. ಸೈಫ್ ಅಲಿ ಖಾನ್ ರಾವಣಾಸುರನಾಗಿ ಅಬ್ಬರಿಸಿದ್ದಾರೆ. ಕಾರಣಾಂತರಗಳಿಂದ ಈ ಸಿನಿಮಾ ರಿಲೀಸ್ ಡೇಟ್ ಪದೇ ಪದೇ ಪೋಸ್ಟ್‌ಪೋನ್ ಆಗುತ್ತಿದೆ.

'ಆದಿಪುರುಷ್' ತಡವಾಗಲು ಕಾರಣ ಏನು?

ಇನ್ನು 'ಆದಿಪುರುಷ್' ಸಿನಿಮಾ ರಿಲೀಸ್ ತಡವಾಗಲು ಕಾರಣ ಏನು ಎನ್ನುವುದನ್ನು ಕೃತಿ ಸನೂನ್ ಹೇಳಿದ್ದಾರೆ. "ಆದಿಪುರುಷ್' ಸಿನಿಮಾ ಔಟ್‌ಫುಟ್‌ ಬಗ್ಗೆ ಚಿತ್ರತಂಡಕ್ಕೆ ಬಹಳ ಹೆಮ್ಮೆ ಇದೆ. ಇದು ಬಹಳ ಶ್ರೇಷ್ಠವಾದ ಸಿನಿಮಾ. ಇದು ನಾವೆಲ್ಲರೂ ಗರ್ವಪಡುವಂತಹ ಕಥೆ. ನಮ್ಮ ಚರಿತ್ರೆಯ ಭಾಗ. ಹಾಗಾಗಿ ಈ ಚಿತ್ರವನ್ನು ಸಾಧ್ಯವಾದಷ್ಟು ಉತ್ತಮವಾಗಿ ತೆರೆಗೆ ತರಬೇಕು ಎನ್ನುವ ಕಾರಣಕ್ಕೆ ಸಿನಿಮಾ ರಿಲೀಸ್ ಡೇಟ್ ಪೋಸ್ಟ್‌ಪೋನ್ ಆಗಿದೆ" ಎಂದು ನಟಿ ವಿವರಿಸಿದ್ದಾರೆ.

ಜೂನ್ 12ಕ್ಕೆ 'ಆದಿಪುರುಷ್' ರಿಲೀಸ್

ಕೆಲ ದಿನಗಳ ಹಿಂದೆ ರಿಲೀಸ್ ಆಗಿದ್ದ 'ಆದಿಪುರುಷ್' ಸಿನಿಮಾ ಟೀಸರ್ ಸಿಕ್ಕಾಪಟ್ಟೆ ಟ್ರೋಲ್ ಆಗಿತ್ತು. ಚಿತ್ರದ ಗುಣಮಟ್ಟದ ಬಗ್ಗೆ ಅಸಮಾಧಾನ ವ್ಯಕ್ತವಾಗಿತ್ತು. ಚಿತ್ರದಲ್ಲಿ ಪಾತ್ರಗಳನ್ನು ತಪ್ಪಾಗಿ ಬಿಂಬಿಸಲಾಗಿದೆ ಎನ್ನುವ ಆರೋಪ ಕೇಳಿಬಂದಿತ್ತು.ಈ ಕುರಿತು ದೂರು ಕೂಡ ದಾಖಲಾಗಿತ್ತು. ಅದೇ ಕಾರಣಕ್ಕೆ ಚಿತ್ರವನ್ನು ರೀಶೂಟ್ ಮಾಡಿ ರೀ ವರ್ಕ್ ಮಾಡಿ ತಿದ್ದಿ ತೀಡಿ ಪ್ರೇಕ್ಷಕರು ಮೆಚ್ಚುವಂತೆ ಕಟ್ಟಿಕೊಡುವ ಪ್ರಯತ್ನ ನಡೀತಿದೆ. ಜೂನ್ 12ಕ್ಕೆ ಸಿನಿಮಾ ತೆರೆಗೆ ತರುವುದಾಗಿ ತಂಡ ಘೋಷಿಸಿದೆ.

100 ಮಿಲಿಯನ್ ವೀವ್ಸ್ ಸಾಧಿಸಿದ್ದ ಟೀಸರ್

'ಆದಿಪುರುಷ್' ಟೀಸರ್ ಸಿಕ್ಕಾಪಟ್ಟೆ ಟ್ರೋಲ್ ಆದರೂ ಕೂಡ ಅಭಿಮಾನಿಗಳು ಮುಗಿಬಿದ್ದು ಟೀಸರ್ ನೋಡಿದ್ದರು. ಬರೀ ಹಿಂದಿ ಟೀಸರ್ ಕೆಲವೇ ದಿನಗಳಲ್ಲಿ 10 ಕೋಟಿ ವೀವ್ಸ್ ಸಾಧಿಸಿ ದಾಖಲೆ ಬರೆದಿದೆ. ಪ್ರಭಾಸ್ ಕ್ರೇಜ್ ಏನು ಎನ್ನುವುದನ್ನು ಸಾಬೀತು ಮಾಡಿದೆ. ಇದೇ ಕಾರಣಕ್ಕೆ ಮತ್ತಷ್ಟು ವೆಚ್ಚ ಆದರೂ ಪರವಾಗಿಲ್ಲ, ಎಂದು ಸಿನಿಮಾ ರೀಶೂಟ್ ಮಾಡಲಾಗುತ್ತಿದೆ.