ಸಲ್ಮಾನ್ ಗೆ ಜಾಮೀನು ಸಿಕ್ಕಿಲ್ಲ ಅಂದ್ರೆ 800 ಕೋಟಿ ನಷ್ಟ.! ಎಲ್ಲಿಂದ ಎಷ್ಟು ಕೋಟಿ.?

125 ಕೋಟಿಯ 'ರೇಸ್ -3'

ಸಲ್ಮಾನ್ ಖಾನ್ ಅಭಿನಯದ 'ರೇಸ್ -3' ಸಿನಿಮಾ ಬಹುತೇಕ ಶೂಟಿಂಗ್ ಮುಗಿದಿದೆ. ಇನ್ನು ನಾಲ್ಕೈದು ದಿನ ಚಿತ್ರೀಕರಣ ಮಾತ್ರ ಬಾಕಿ ಉಳಿದಿದೆ. ಜೂನ್ 14 ರಂದು ಬಿಡುಗಡೆ ಮಾಡಲು ಚಿತ್ರತಂಡ ನಿರ್ಧರಿಸಿದೆ. ಈ ಚಿತ್ರದ ಬಜೆಟ್ ಸುಮಾರು 125 ಕೋಟಿ. ಒಂದು ವೇಳೆ ಸಲ್ಲು ಜೈಲಿನಲ್ಲೇ ಇದ್ರೆ ಈ ಸಿನಿಮಾ ಗತಿಯೇನು ಎಂಬುದು ಚಿಂತೆಯಾಗಿದೆ.

250 ಕೋಟಿಯ 'ಭಾರತ್'

ಸಲ್ಮಾನ್ ಖಾನ್ ಸಂಬಂಧಿ ಅತುಲ್ ಅಗ್ನೋತ್ರಿ ನಿರ್ಮಾಣದಲ್ಲಿ 'ಭಾರತ್' ಎಂಬ ಚಿತ್ರವನ್ನ ಸಲ್ಲು ಒಪ್ಪಿಕೊಂಡಿದ್ದಾರೆ. ಈ ಚಿತ್ರದ ಬಜೆಟ್ 250 ಕೋಟಿ. ಇದು ಜೂನ್ ತಿಂಗಳಲ್ಲಿ ಸೆಟ್ಟೇರಬೇಕಿದೆ. ಕೊರಿಯನ್ ಹಿಟ್ ಸಿನಿಮಾ 'ಓಡ್ ಟು ಮೈ ಫಾದರ್' ಚಿತ್ರದ ರೀಮೇಕ್ ಎನ್ನಲಾಗಿದೆ.

100 ಕೋಟಿಯ 'ಕಿಕ್-2' ಸೀಕ್ವೆಲ್

'ಕಿಕ್-2' ಚಿತ್ರದ ಸೀಕ್ವೆಲ್ ಗೆ ಸಲ್ಲು ಸಜ್ಜಾಗಿದ್ದಾರೆ. 100 ಕೋಟಿ ಬಜೆಟ್ ನಲ್ಲಿ ಈ ಸಿನಿಮಾ ಮಾಡಲು ಪ್ಲಾನ್ ಮಾಡಿದ್ದಾರೆ. 2019ರ ಜನವರಿಯಲ್ಲಿ ಆರಂಭಿಸಿ, ಕ್ರಿಸ್ ಮಸ್ ವೇಳೆ ಈ ಚಿತ್ರವನ್ನ ಬಿಡುಗಡೆ ಮಾಡುವ ಪ್ಲಾನ್ ಮಾಡುತ್ತಿದ್ದಾರೆ.

'ದಬಾಂಗ್-3' ಚಿತ್ರಕ್ಕೆ ನಡೆದಿದೆ ಸಿದ್ದತೆ.!

ಇನ್ನು 'ದಬಾಂಗ್' ಚಿತ್ರತಂಡದಿಂದ 'ದಬಾಂಗ್-3' ಸಿನಿಮಾ ಮಾಡಲಾಗುತ್ತಿದ್ದು, ಈಗಾಗಲೇ ಪ್ರಿ-ಪ್ರಡೊಕ್ಷನ್ ಕೆಲಸ ಜರುಗುತ್ತಿದೆ. ಅರ್ಬಾಜ್ ಖಾನ್ ಈ ಚಿತ್ರಕ್ಕೆ ದುಡ್ಡು ಹಾಕುತ್ತಿದ್ದು, ರಿಲೀಸ್ ಡೇಟ್ ಘೋಷಣೆ ಮಾಡಿಲ್ಲ. ಪ್ರಭುದೇವ್ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಲಿದ್ದು, ಈದ್ ಹಬ್ಬಕ್ಕೆ ಸಿನಿಮಾ ಸೆಟ್ಟೇರಬೇಕಿದೆ.

ತಂಗಿ ಪತಿಗಾಗಿ ಸಿನಿಮಾ

ಇನ್ನು ಸಲ್ಮಾನ್ ಖಾನ್ ಸಹೋದರಿ ಅರ್ಪಿತಾ ಖಾನ್ ಅವರ ಪತಿ ಆಯುಶ್ ಶರ್ಮಾ ಅವರನ್ನ ಲಾಂಚ್ ಮಾಡಲು ಸಲ್ಲು ನಿರ್ಧರಿಸಿದ್ದು, 'ಲವ್ ರಾತ್ರಿ' ಎಂಬ ಸಿನಿಮಾ ಘೋಷಣೆ ಮಾಡಿದ್ದಾರೆ. ಈ ಚಿತ್ರವೂ ಇದೇ ವರ್ಷ ಸೆಟ್ಟೇರಬೇಕಿದೆ.

78 ಕೋಟಿ ಟಿವಿ ಶೋ

ಧಮ್ ಕ ದಸ್ ಎಂಬ ಕಿರುತೆರೆ ಶೋ ಒಪ್ಪಿಕೊಂಡಿರುವ ಸಲ್ಮಾನ್ ಖಾನ್ 20 ಎಪಿಸೋಡ್ ಗೆ 78 ಕೋಟಿ ಸಂಭಾವನೆ ಪಡೆಯುತ್ತಿದ್ದಾರಂತೆ. ಇದಾದ ನಂತರ ಬಿಗ್ ಬಾಸ್ ಆರಂಭವಾಗಲಿದೆ.

232 ಕೋಟಿ ವ್ಯವಹಾರ

ಇನ್ನು 2017ನೇ ಸಾಲಿನಲ್ಲಿ ವಿವಿಧ ಉದ್ಯಮಗಳಿಂದ ಸುಮಾರು 232 ಕೋಟಿ ಆದಾಯ ಗಳಿಸಿದ್ದರು. ಅಂದ್ರೆ, ಈ ವರ್ಷದ ಆದಾಯದ ಮೇಲೆ ಇದು ಪರಿಣಾಮ ಬೀರಲಿದೆ ಎಂಬುದನ್ನ ವಿಶ್ಲೇಷಕ ಕೋಮಲ್ ನೆಹ್ತಾ ಅಭಿಪ್ರಾಯ ಪಟ್ಟಿದ್ದಾರೆ.