ಐಫಾ 2019: ರಣ್ವೀರ್ ಸಿಂಗ್ ಅತ್ಯುತ್ತಮ ನಟ, ಅಲಿಯಾ ಭಟ್ ಅತ್ಯುತ್ತಮ ನಟಿ

ಅತ್ಯುತ್ತಮ ನಟಿ ಅಲಿಯಾ ಭಟ್

ಅತ್ಯುತ್ತಮ ನಟ ಪ್ರಶಸ್ತಿ ರಣ್ವೀರ್ ಸಿಂಗ್ ಪಾಲಾಗಿದೆ. ಪದ್ಮಾವತ್ ಚಿತ್ರದಲ್ಲಿ ಉತ್ತಮ ಅಭಿನಯಕ್ಕಾಗಿ ರಣ್ವೀರ್ ಸಿಂಗ್ ಅತ್ಯುತ್ತಮ ನಟ ಪ್ರಶಸ್ತಿ ಪಡೆದಿದ್ದಾರೆ. ಇನ್ನು ರಾಝಿ ಚಿತ್ರದ ಉತ್ತಮ ಅಭಿನಯಕ್ಕಾಗಿ ಅಲಿಯಾ ಭಟ್ ಅತ್ಯುತ್ತಮ ನಟಿ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ.

ಉತ್ಯುತ್ತಮ ಸಿನಿಮಾ ರಾಝಿ

ಅಲಿಯಾ ಭಟ್ ಮತ್ತು ವಿಕ್ಕಿ ಕೌಸಲ್ ಅಭಿನಯದ ರಾಝಿ ಸಿನಿಮಾಗೆ ಅತ್ಯುತ್ತಮ ಸಿನಿಮಾ ಅವಾರ್ಡ್ ಲಭಿಸಿದೆ. ಮೇಘನಾ ಗುಲ್ಜರ್ ನಿರ್ದೇಶನದಲ್ಲಿ ಮೂಡಿ ಬಂದ ಸಿನಿಮಾ ರಾಝಿ. ಇನ್ನು ಅಂಧಾದುನ್ ಚಿತ್ರದ ನಿರ್ದೇಶಕ ಶ್ರೀರಾಮ್ ರಾಘವಾನ್ ಉತ್ಯುತ್ತಮ ನಿರ್ದೇಶಕ ಪ್ರಶಸ್ತಿ ಬಾಚಿಕೊಂಡಿದ್ದಾರೆ.

ವಿಕ್ಕಿ ಕೌಸಲ್ ಅತ್ಯುತ್ತಮ ಪೋಷಕ ನಟ

'ಸಂಜು' ಚಿತ್ರದ ಉತ್ತಮ ನಟನೆಗಾಗಿ ನಟ ವಿಕ್ಕಿ ಕೌಸಲ್ ಅತ್ಯುತ್ತಮ ಪೋಷಕ ನಟ ಪ್ರಶಸ್ತಿ ಪಡೆದಿದ್ದಾರೆ. ಇನ್ನು ಪದ್ಮಾವತ್ ಚಿತ್ರದ ಅಭಿನಯಕ್ಕಾಗಿ ಅತ್ಯುತ್ತಮ ಪೋಷಕ ನಟಿ ಪ್ರಶಸ್ತಿ ಅದಿತಿ ರಾವ್ ಹೈದರಿ ಮುಡಿಗೇರಿಸಿಕೊಂಡಿದ್ದಾರೆ.

ಉಳಿದ ವಿಭಾಗ

ಉಳಿದಂತೆ ಉದಯೋನ್ಮುಕ ನಟಿ ಪ್ರಶಸ್ತಿಯನ್ನು ಸಾರಾ ಅಲಿ ಖಾನ್ ಪಡೆದುಕೊಂಡರೆ, ಉದಯೋನ್ಮುಕ ನಟ ಪ್ರಶಸ್ತಿಯನ್ನು ಇಶಾನ್ ಖಟ್ಟರ್ ಪಡೆದುಕೊಂಡಿದ್ದಾರೆ. ಚೆನ್ನೈ ಎಕ್ಸ್ ಪ್ರೆಸ್ ಚಿತ್ರಕ್ಕಾಗಿ ನಟಿ ದೀಪಿಕಾ ಪಡುಕೋಣೆಗೆ ವಿಶೇಷ ಪ್ರಶಸ್ತಿ ಲಭಿಸಿದೆ. ಮತ್ತು ನಟ ರಣಬೀರ್ ಕಪೂರ್ ವಿಶೇಷ ಅವಾರ್ಡ್ ಪಡೆದುಕೊಂಡಿದ್ದಾರೆ.