'ಪ್ರೆಗ್ನೆಂಟ್' ಗಾಸಿಪ್ ಗೆ ಬ್ರೇಕ್ ಹಾಕಿದ ನಟಿ ಇಲಿಯಾನಾ.!

''ವೈಯುಕ್ತಿಕ ವಿಚಾರದ ಬಗ್ಗೆ ಮಾತನಾಡಲು ಇಷ್ಟ ಇಲ್ಲ'' ಎಂದು ಬಾಲಿವುಡ್ ನಟಿ ಇಲಿಯಾನಾ ಪದೇ ಪದೇ ಹೇಳಿದರೂ, ಸಿನಿಮಾಗಿಂತ ಪರ್ಸನಲ್ ಮ್ಯಾಟರ್ ನಲ್ಲೇ ಆಕೆ ಹೆಚ್ಚು ಸದ್ದು ಮಾಡ್ತಿದ್ದಾರೆ.

ಗೆಳೆಯ ಆಂಡ್ಯೂ ನ ಇನ್ಸ್ಟಾ ಗ್ರಾಮ್ ನಲ್ಲಿ 'ಹಬ್ಬಿ' ಅಂತ ಕರೆದ್ಮೇಲೆ, ಇಲಿಯಾನಾ ಹಾಗೂ ಆಂಡ್ರ್ಯೂ ಸೀಕ್ರೆಟ್ ಆಗಿ ಮದುವೆ ಆಗಿದ್ದಾರೆ ಎಂಬ ಸುದ್ದಿ ಬಾಲಿವುಡ್ ಗಲ್ಲಿ ಗಲ್ಲಿಗಳಲ್ಲಿ ಗಿರಕಿ ಹೊಡೆಯಿತು. ಆದರೂ, ಮದುವೆ ಬಗ್ಗೆ ನಟಿ ಇಲಿಯಾನಾ ಇಲ್ಲಿಯವರೆಗೂ ಸ್ಪಷ್ಟನೆ ಕೊಟ್ಟಿಲ್ಲ.

ಹೀಗಿರುವಾಗಲೇ, ನಟಿ ಇಲಿಯಾನಾ ಗರ್ಭಿಣಿ ಆಗಿದ್ದಾರೆ ಎಂಬ ಗಾಸಿಪ್ ಎಲ್ಲೆಡೆ ಹರಿದಾಡಿತು. ಈ ಗಾಸಿಪ್ ಇಲಿಯಾನಾ ಕಿವಿಗೂ ಬಿದಿದ್ದೆ. ಹೀಗಾಗಿ, ಇನ್ಸ್ಟಾಗ್ರಾಮ್ ನಲ್ಲಿ ಇದರ ಬಗ್ಗೆ ಕ್ಲಾರಿಟಿ ಕೊಟ್ಟಿದ್ದಾರೆ.

ಇನ್ಸ್ಟಾಗ್ರಾಮ್ ನಲ್ಲಿ ನಿನ್ನೆ ಫೋಟೋ ಒಂದನ್ನ ಪೋಸ್ಟ್ ಮಾಡಿರುವ ಇಲಿಯಾನಾ, ''ನಾನು ಗರ್ಭಿಣಿ ಅಲ್ಲ'' ಅಂತ ಬರೆದುಕೊಂಡಿದ್ದಾರೆ. ಅಲ್ಲಿಗೆ, ಕಳೆದ ಒಂದು ವಾರದಿಂದ ಕೇಳಿಬಂದ ಗಾಸಿಪ್ ಗೆ ಇದೀಗ ತೆರೆಬಿದ್ದಂತಾಗಿದೆ.

ನಟಿ ಇಲಿಯಾನಾ ಹಾಗೂ ಅಜಯ್ ದೇವಗನ್ ಅಭಿನಯದ 'ರೇಡ್' ಸಿನಿಮಾ ಬಿಡುಗಡೆ ಆಗಿದ್ದು, ಉತ್ತಮ ಪ್ರದರ್ಶನ ಕಾಣುತ್ತಿದೆ. 'ರೇಡ್' ಚಿತ್ರದ ಪ್ರಚಾರದ ವೇಳೆ ಇಲಿಯಾನಾ ಧರಿಸಿದ್ದ ಉಡುಪು ಹಾಗೂ ಇನ್ಸ್ಟಾಗ್ರಾಮ್ ನಲ್ಲಿ ಹಾಕಿದ್ದ ಒಂದು ಫೋಟೋ ''ಇಲಿಯಾನಾ ಪ್ರೆಗ್ನೆಂಟ್' ಎಂಬ ರೂಮರ್ ಗೆ ಕಾರಣವಾಗಿತ್ತು.