ಮದುವೆ ಆಗಿದ್ದೀರಾ ಅಂತ ಕೇಳಿದ್ದಕ್ಕೆ ನಟಿ ಇಲಿಯಾನಾ ಹೀಗಾ ಹೇಳೋದು?!

ಕ್ರಿಸ್ಮಸ್ ಹಬ್ಬದಂದು ಇಲಿಯಾನಾ ಹಾಕಿದ್ದ ಪೋಸ್ಟ್ ಏನು.?

ಕ್ರಿಸ್ಮಸ್ ಹಬ್ಬದ ಸಂಭ್ರಮದಲ್ಲಿದ್ದ ಇಲಿಯಾನಾ, ''My favourite time of the year #love #family Photo by hubby @andrewkneebonephotography'' ಎಂದು ಇನ್ಸ್ಟಾಗ್ರಾಮ್ ನಲ್ಲಿ ಫೋಟೋ ಒಂದನ್ನು ಅಪ್ ಲೋಡ್ ಮಾಡಿದ್ದರು. ತಮ್ಮ ಪೋಸ್ಟ್ ನಲ್ಲಿ ''ಫೋಟೋ ಬೈ ಹಬ್ಬಿ (ಪತಿ) ಆಂಡ್ರ್ಯೂ'' ಎಂದು ಇಲಿಯಾನಾ ಹೇಳಿದ್ದರಿಂದ ಆಂಡ್ರ್ಯೂ ಜೊತೆಗೆ ಇಲಿಯಾನಾ ಮದುವೆ ಆಗಿದೆ ಅಂತ ಎಲ್ಲರೂ ಅಂದುಕೊಂಡರು.

ತುಟಿ ಎರಡು ಮಾಡದ ಇಲಿಯಾನಾ.!

ಇದೇ ಪೋಸ್ಟ್ ನೋಡಿ, ''ನಿಮಗೆ ಮದುವೆ ಆಯ್ತಾ.?'' ಎಂದು ಎಷ್ಟೋ ಅಭಿಮಾನಿಗಳು ಕಾಮೆಂಟ್ ಮಾಡಿದ್ರೂ, ಅದಕ್ಕೆ ಇಲಿಯಾನಾ ತುಟಿ ಎರಡು ಮಾಡಿರಲಿಲ್ಲ. ಮದುವೆ ಆಗಿರುವ ಬಗ್ಗೆ ಎಲ್ಲರೂ ಸ್ಪಷ್ಟನೆ ಕೂಡ ನೀಡಿರಲಿಲ್ಲ ಇಲಿಯಾನಾ.

ಸಿನಿಮಾ ಪ್ರಮೋಷನ್ ಗೆ ಬರಲೇಬೇಕಾಯ್ತು.!

ಅಜಯ್ ದೇವ್ಗನ್ ಜೊತೆಗೆ ಇಲಿಯಾನಾ ನಟಿಸಿರುವ 'ರೇಡ್' ಚಿತ್ರದ ಟ್ರೈಲರ್ ಲಾಂಚ್ ಸಮಾರಂಭದಲ್ಲಿ ಇಲಿಯಾನಾಗೆ ಪತ್ರಿಕಾ ಹಾಗೂ ಮಧ್ಯಮ ಮಿತ್ರರಿಂದ ಎದುರಾದ ಮೊದಲ ಪ್ರಶ್ನೆ ''ಮದುವೆ ಆಗಿದ್ಯಾ.?''

ಇಲಿಯಾನಾ ಕೊಟ್ಟ ಸ್ಪಷ್ಟನೆ ಏನು.?

''ಏನಂತ ಕಾಮೆಂಟ್ ಮಾಡಬೇಕು ಎಂಬುದು ನನಗೆ ಗೊತ್ತಾಗುತ್ತಿಲ್ಲ. ವೃತ್ತಿ ಹಾಗೂ ವೈಯುಕ್ತಿಕ ಜೀವನದಲ್ಲಿ ನಾನು ಖುಷಿಯಾಗಿದ್ದೇನೆ. ನನ್ನ ವೈಯುಕ್ತಿಕ ಜೀವನದ ಬಗ್ಗೆ ಮಾತನಾಡಲು ನನಗೆ ಇಷ್ಟ ಇಲ್ಲ'' ಎಂದಷ್ಟೇ ಇಲಿಯಾನಾ ಹೇಳಿದ್ದಾರೆ.

ಸ್ಪಷ್ಟನೆ ಸಿಗಲೇ ಇಲ್ಲ

ಕಡೆಗೂ ಇಲಿಯಾನಾ ತಮ್ಮ ಮದುವೆ ಬಗ್ಗೆ ಸ್ಪಷ್ಟ ಪಡಿಸಲೇ ಇಲ್ಲ. ಸೋಷಿಯಲ್ ಮೀಡಿಯಾದಲ್ಲಿ ಹಬ್ಬಿ (ಪತಿ) ಅಂತ ಬರೆದುಕೊಳ್ಳುವ ಇಲಿಯಾನಾ, ಮಾಧ್ಯಮಗಳ ಮುಂದೆ ''ಕಾಮೆಂಟ್ ಮಾಡಲ್ಲ'' ಎಂದು ಅಡ್ಡಗೋಡೆ ಮೇಲೆ ದೀಪ ಇಟ್ಟಿದ್ದಾರೆ.