Don't Miss!
- News ಹಳೆ ಮೈಸೂರು ಭಾಗದಲ್ಲಿ ಜೆಡಿಎಸ್ ಉಳುವಿಗಾಗಿ ಸೆಣಸಾಟ: ಕಾಂಗ್ರೆಸ್ ಅವಕಾಶಕ್ಕಾಗಿ ಹೋರಾಟ
- Automobiles Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- Sports IPL 2024: ಮುಂಬೈ ಇಂಡಿಯನ್ಸ್ ವಿರುದ್ಧ ಶತಕ; ರೋಹಿತ್, ಕೊಹ್ಲಿಗೆ ಕ್ರೆಡಿಟ್ ನೀಡಿದ ಯಶಸ್ವಿ ಜೈಸ್ವಾಲ್!
- Technology Itel: ಭಾರತದಲ್ಲಿ ಐಟೆಲ್ S24 ಲಾಂಚ್! 108MP ಕ್ಯಾಮೆರಾ.. ಬೆಲೆ ಇಷ್ಟೇ
- Lifestyle ಪ್ರವಾಹಕ್ಕೆ ಕಾರಣವಾಗೋದು ಮಳೆಯಲ್ಲ ಬೇಸಿಗೆಯ ಬಿಸಿಲು..! ನಂಬಲು ಸಾಧ್ಯವಿಲ್ಲ ಅಂದ್ರೆ ಈ ವಿಡಿಯೋ ನೋಡಿ..!
- Finance ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಅಕ್ರಮವಾಗಿ ಸಾಗಿಸುತ್ತಿದ್ದ 10 ಹಳದಿ ಅನಕೊಂಡ ಸಹಿತ ವ್ಯಕ್ತಿ ಬಂಧನ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಕ್ರಮ ನಿರ್ಮಾಣ ಪ್ರಕರಣ: ಸುಪ್ರೀಂಕೋರ್ಟ್ ಆದೇಶದಿಂದ ಸೋನು ಸೂದ್ ನಿರಾಳ
ಮುಂಬೈ ಮಹಾನಗರ ಪಾಲಿಕೆ ಹಾಗೂ ಸೂನು ಸೂದ್ ನಡುವೆ ನಡೆಯುತ್ತಿದ್ದ 'ಅಕ್ರಮ-ಸಕ್ರಮ' ಜಗಳದಲ್ಲಿ ಸೋನು ಸೂದ್ ಗೆ ತಾತ್ಕಾಲಿಕ ಮೇಲುಗೈ ಆಗಿದೆ.
ಸೋನು ಸೂದ್ ರ ಒಡೆತನದ ಮುಂಬೈನ ಜುಹುವಿನಲ್ಲಿರುವ ಹೋಟೆಲ್ ಅನ್ನು ಕಟ್ಟಡ ನಿರ್ಮಾಣ ನಿಯಮಗಳನ್ನು ಉಲ್ಲಂಘಿಸಿ ನಿರ್ಮಿಸಲಾಗಿದೆ ಎಂದು ಬಿಎಂಸಿಯು ಸೋನು ಸೂದ್ ಗೆ ನೊಟೀಸ್ ಜಾರಿ ಮಾಡಿತ್ತು. ನೊಟೀಸ್ ಗೆ ತಡೆ ನೀಡಬೇಕೆಂದು ಆಗ್ರಹಿಸಿ ಸೋನು ಸೂದ್ ನ್ಯಾಯಾಲಯದ ಮೆಟ್ಟಿಲೇರಿದ್ದರು.
ಮೊದಲಿಗೆ ಬಾಂಬೆ ಹೈಕೋರ್ಟ್ ನಲ್ಲಿ ಅರ್ಜಿ ಸಲ್ಲಿಸಿದ್ದ ಸೋನು ಸೂದ್ ಗೆ ಅಲ್ಲಿ ನಿರಾಸೆ ಎದುರಾಯಿತು. ನಂತರ ಸುಪ್ರೀಂಕೋರ್ಟ್ ಮೊರೆ ಹೋದರು ಸೋನು ಸೂದ್. ಅಲ್ಲಿ ನಟ ಸೋನು ಸೂದ್ ಗೆ ನಿರಾಳತೆ ಒದಗಿದೆ.
ಪ್ರಕರಣದ ವಿಚಾರಣೆ ನಡೆಸಿದ ಸುಪ್ರೀಂಕೋರ್ಟ್, 'ಸೋನು ಸೂದ್ ಅವರು ತಮ್ಮ ಕಟ್ಟಡ ನಿರ್ಮಾಣವನ್ನು ಕ್ರಮಬದ್ಧಗೊಳಿಸುವುದಾಗಿ ಹೇಳಿ ಬಿಎಂಸಿಗೆ ಅರ್ಜಿ ದಾಖಲಿಸಿದ್ದು, ಅರ್ಜಿಯ ಬಗ್ಗೆ ಬಿಎಂಸಿ ಅಧಿಕಾರಿಗಳು ನಿಲವು ತಳೆಯುವವರೆಗೂ ಸೋನು ಸೂದ್ ರ ಕಟ್ಟಡವನ್ನು ಕೆಡವುವ ಅಥವಾ ಜುಲ್ಮಾನೆ ವಿಧಿಸುವ ಕಾರ್ಯವನ್ನು ಬಿಎಂಸಿ ಮಾಡಬಾರದು' ಎಂದು ಸುಪ್ರೀಂಕೋರ್ಟ್ ಹೇಳಿದೆ.
ಆದೇಶದ ನಂತರ ಟ್ವೀಟ್ ಮಾಡಿರುವ ಸೋನು ಸೂದ್, 'ನನ್ನ ಕಟ್ಟಡವು ಸಕ್ರಮ ನಿರ್ಮಾಣವಾಗಿದ್ದು, ನನಗೆ ನ್ಯಾಯಾಂಗದಲ್ಲಿ ವಿಶ್ವಾಸವಿದೆ' ಎಂದಿದ್ದಾರೆ.
ಹ್ಯಾರಿಸನ್ ಫೋರ್ಡ್ರ 'ಶಾಂತಿಯೆಂದರೆ ಯುದ್ಧವಿಲ್ಲದೇ ಇರುವುದಲ್ಲ, ನ್ಯಾಯ ನೆಲೆಸಿರುವುದು' ಎಂಬ ಮಾತನ್ನು ಉಲ್ಲೇಖಿಸಿರುವ ಸೋನು ಸೂದ್, 'ಸುಪ್ರೀಂಕೋರ್ಟ್ ಆದೇಶ ನನಗೆ ಉಸಿರಾಡುವ ಅವಕಾಶ ಒದಗಿಸಿದೆ, ಜೊತೆಗೆ ಸರಿಪಡಿಸಿಕೊಳ್ಳಲು ಸಮಯ ನೀಡಿದೆ. ನನ್ನ ಕಟ್ಟಡ ಸಕ್ರಮವೇ ಆಗಿತ್ತು. ಕೆಲ ಬಣ್ಣಗಳಲ್ಲಿ ಅಷ್ಟೇ ಬದಲಾವಣೆ ಇತ್ತು. ಕಾನೂನುಬದ್ಧವಾಗಿಯೇ ನನ್ನ ಎಲ್ಲ ವ್ಯವಹಾರಗಳನ್ನು ಮಾಡುವುದೇ ನನ್ನ ಪ್ರಯತ್ನವಾಗಿರುತ್ತಿತ್ತು, ಮುಂದೆಯೂ ಆಗಿರುತ್ತದೆ. ನಾನು ಸದಾ ನ್ಯಾಯಾಂಗದಲ್ಲಿ ನಂಬಿಕೆ ಉಳ್ಳವನಾಗಿದ್ದೇನೆ' ಎಂದಿದ್ದಾರೆ ಸೋನು ಸೂದ್.
Recommended Video
ಈ ಹಿಂದೆ ನಟಿ ಕಂಗನಾ ರಣೌತ್ ಒಡೆತನದ ಕಚೇರಿಯನ್ನು ಅಕ್ರಮ ನಿರ್ಮಾಣವೆಂದು ಘೋಷಿಸಿ ನೊಟೀಸ್ ನೀಡಿದ್ದ ಬಿಎಂಸಿ, ಆ ಕಟ್ಟಡವನ್ನು ಧ್ವಂಸ ಗೊಳಿಸಿತು.