ಸಿಡ್ನಿಯಲ್ಲಿ ಕೊಹ್ಲಿ 'ಕಿಸ್'ಗೆ ಕಾದಿರುವ ಅನುಷ್ಕಾ.!

ಟೀಮ್ ಇಂಡಿಯಾದ ಯಂಗ್ ಟೈಗರ್ ವಿರಾಟ್ ಕೊಹ್ಲಿ ಮತ್ತು ನಟಿ ಅನುಷ್ಕಾ ಶರ್ಮಾ ನಡುವಿನ ಕುಚ್ ಕುಚ್ ಎಂಥದ್ದು ಅನ್ನುವುದಕ್ಕೆ ಬಾಲಿವುಡ್ ಗಲ್ಲಿಗಲ್ಲಿಗಳೇ ಸಾಕ್ಷಿ.

ಎಲ್ಲೇ ಹೋದರೂ, ಕೈಕೈ ಹಿಡಿದುಕೊಂಡು ಓಡಾಡುವ ಈ ಜೋಡಿಯ ಲವ್ವಿ ಡವ್ವಿ ಈಗ ಕೊಂಚ ಸೀರಿಯಸ್ ಆಗಿರುವುದರಲ್ಲಿ ಅನುಮಾನವೇ ಇಲ್ಲ.

ಅತ್ತ ಅನುಷ್ಕಾ ಅಭಿನಯದ ಸಿನಿಮಾ ರಿಲೀಸ್ ಆದ್ರೆ, ಗೆಳತಿಯ ನಟನಾಕೌಶಲ್ಯದ ಬಗ್ಗೆ ವಿರಾಟ್ ಮೆಚ್ಚುಗೆ ವ್ಯಕ್ತಪಡಿಸುತ್ತಾರೆ. ಇತ್ತ ವಿರಾಟ್, ಮೈದಾನಕ್ಕಿಳಿಯುವ ಪ್ರತಿ ಪಂದ್ಯದಲ್ಲೂ ಅನುಷ್ಕಾ ಚಿಯರ್ ಮಾಡುತ್ತಿದ್ದಾರೆ. [ವಿಶ್ವಕಪ್ 2015 ವಿಶೇಷ ಪುಟ]

ಇವತ್ತು ನಡೆಯುತ್ತಿರುವ ಸೆಮಿಫೈನಲ್ ಪಂದ್ಯದಲ್ಲೂ ಆಗುತ್ತಿರುವುದು ಇದೇ. ಆಸ್ಟ್ರೇಲಿಯಾ ತಂಡವನ್ನ ಬಗ್ಗು ಬಡಿಯುವುದಕ್ಕೆ ಫೀಲ್ಡಿಗಿಳಿದಿರುವ ಟೀಮ್ ಇಂಡಿಯಾ, ಅದ್ರಲ್ಲೂ ಸ್ಪೆಷಲ್ಲಾಗಿ ವಿರಾಟ್ ಆಟವನ್ನ ನೋಡೋಕೆ ಅನುಷ್ಕಾ ಶರ್ಮಾ ಹಾಜರಾಗಿದ್ದಾರೆ. [ಭಾರತ ಸೆಮೀಸ್ ಗೆಲ್ಲುತ್ತಾ? ಏನಂತಾರೆ ಕನ್ನಡ ತಾರೆಯರು]

ಸಾಮಾನ್ಯರಂತೆ ಸಿಡ್ನಿ ಕ್ರಿಕೆಟ್ ಗ್ರೌಂಡ್ ಗ್ಯಾಲರಿಯಲ್ಲಿ ಕೂತು ಪಂದ್ಯವನ್ನ ವೀಕ್ಷಿಸುತ್ತಿದ್ದಾರೆ ಅನುಷ್ಕಾ ಶರ್ಮಾ. ಆಸ್ಟ್ರೇಲಿಯಾ 300 ರ ಗಡಿ ದಾಟುತ್ತಿದ್ದಂತೆ ಅನುಷ್ಕಾ ಮುಖದಲ್ಲಿ ಟೆನ್ಷನ್ ಕಾಣೋಕೆ ಶುರುವಾಗಿದೆ. ಬಹುಶಃ ವಿರಾಟ್ ಬ್ಯಾಟ್ ಹಿಡಿದು ಮೈದಾನಕ್ಕೆ ಇಳಿದ ಮೇಲೆ ಮಂದಹಾಸ ಮೂಡಬಹುದೇನೋ...!?