ಸದ್ದಿಲ್ಲದೆ ಮದುವೆ ಆದ ಮಿಥುನ್ ಚಕ್ರವರ್ತಿ ಪುತ್ರ ಮಿಮೋಹ್.!

ಊಟಿಯಲ್ಲಿ ಮಿಮೋಹ್ ಮದುವೆ

ಊಟಿಯಲ್ಲಿ ಇರುವ ಮಿಥುನ್ ಚಕ್ರವರ್ತಿ ಒಡೆತನದ ಐಷಾರಾಮಿ ಹೋಟೆಲ್ ನಲ್ಲಿ ಮಿಮೋಹ್ ಚಕ್ರವರ್ತಿ - ಮಾದಲಸಾ ಶರ್ಮಾ ವಿವಾಹ ಮಹೋತ್ಸವ ಸರಳವಾಗಿ ನೆರವೇರಿದೆ.

ಅತ್ಯಾಚಾರ ಆರೋಪ: ಮಿಥುನ್ ಚಕ್ರವರ್ತಿ ಪುತ್ರ ಮಿಮೋಹ್ ಮದುವೆ ಕ್ಯಾನ್ಸಲ್.!

ಆಪ್ತರಿಗೆ ಮಾತ್ರ ಆಹ್ವಾನ

ಮಿಮೋಹ್ ವಿರುದ್ಧ ಅತ್ಯಾಚಾರ ಆರೋಪ ಕೇಳಿಬಂದಿದ್ರಿಂದ, ಆಪ್ತರು ಹಾಗೂ ಕುಟುಂಬಸ್ತರಿಗೆ ಮಾತ್ರ ಮದುವೆಗೆ ಆಹ್ವಾನ ನೀಡಲಾಗಿತ್ತು.

ಲವ್ ಕಮ್ ಅರೇಂಜ್ಡ್ ಮ್ಯಾರೇಜ್

ಎರಡ್ಮೂರು ವರ್ಷಗಳಿಂದ ಮಿಮೋಹ್-ಮಾದಲಸಾ ಲವ್ ಮಾಡುತ್ತಿದ್ದರು. ಇಬ್ಬರ ಪ್ರೀತಿಗೆ ಉಭಯ ಕುಟುಂಬಗಳೂ ಸಮ್ಮತಿ ಸೂಚಿಸಿದ್ರಿಂದ ಇಂದು ಮದುವೆ ನೆರವೇರಿದೆ.

ಏನಿದು ಅತ್ಯಾಚಾರ ಆರೋಪ ಪ್ರಕರಣ.?

''ಮಿಥುನ್ ಚಕ್ರವರ್ತಿ ಪುತ್ರ ಮಿಮೋಹ್ ನನ್ನನ್ನ ಪ್ರೀತಿಸುತ್ತಿದ್ದ. ಮದುವೆ ಆಗುವುದಾಗಿ ನಂಬಿಸಿ, ವಂಚಿಸಿದ್ದಾನೆ'' ಎಂದು ನಟಿಯೊಬ್ಬರು ದೂರು ನೀಡಿದ್ದರು. ಆ ನಟಿಯ ಜೊತೆಗೆ ಮಿಮೋಹ್ ನಾಲ್ಕು ವರ್ಷಗಳಿಂದ ರಿಲೇಶನ್ ಶಿಪ್ ನಲ್ಲಿದ್ದರಂತೆ. ಒಂದು ಬಾರಿ ಆಕೆಗೆ ಗರ್ಭಪಾತ ಆಗಲು ಮಿಮೋಹ್ ಕಾರಣ ಎಂದು ದೂರಿನಲ್ಲಿ ಆ ನಟಿ ತಿಳಿಸಿದ್ದಾರೆ. ಆ ನಟಿಗೆ ಮಿಮೋಹ್ ತಾಯಿ ಯೋಗಿತಾ ಬಾಲಿ ಕೂಡ ಬೆದರಿಕೆ ಹಾಕಿದ್ರಿಂದ, ಅವರ ವಿರುದ್ಧವೂ ಪ್ರಕರಣ ದಾಖಲಾಗಿದೆ. ಮಿಮೋಹ್ ಹಾಗೂ ತಾಯಿ ಯೋಗಿತಾ ಬಾಲಿಗೆ ಸದ್ಯ ಜಾಮೀನು ಲಭಿಸಿದೆ.