ಹೋಗಿ ಹೋಗಿ ಹಳೇ ಫೋಟೋವನ್ನ ರಣ್ವೀರ್ ಸಿಂಗ್ ಶೇರ್ ಮಾಡಿದ್ಯಾಕೆ.?

ಬಾಲಿವುಡ್ ನಟ ರಣ್ವೀರ್ ಸಿಂಗ್ ಮತ್ತು ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಮದುವೆ ಆಗಿ ಇನ್ನೇನು ವರ್ಷ ಆಗುತ್ತಾ ಬಂತು. ಪ್ರೀತಿಸಿ ವಿವಾಹವಾಗಿರುವ ಈ ಜೋಡಿ ಎಲ್ಲೇ ಹೋದರೂ ಎಲ್ಲರ ಕಣ್ಣು ಕುಕ್ಕುತ್ತಲೇ ಇರುತ್ತಾರೆ.

ಹೋದಲ್ಲೆಲ್ಲಾ ದೀಪಿಕಾ ಮತ್ತು ರಣ್ವೀರ್ ಸಿಂಗ್ ಕೆಮಿಸ್ಟ್ರಿ ಕ್ಯಾಮರಾ ಕಂಗಳಲ್ಲಿ ಸೆರೆ ಆಗುತ್ತಲೇ ಇರುತ್ತದೆ. ಸೋಷಿಯಲ್ ಮೀಡಿಯಾದಲ್ಲಂತೂ ಈ ಜೋಡಿ ಟ್ರೆಂಡಿಂಗ್ ನಲ್ಲೇ ಇರುತ್ತಾರೆ.

ಹೀಗಿರುವಾಗಲೇ, ಇನ್ಸ್ಟಾಗ್ರಾಮ್ ನಲ್ಲಿ ರಣ್ವೀರ್ ಸಿಂಗ್ ಒಂದು ಫೋಟೋ ಶೇರ್ ಮಾಡಿದ್ದಾರೆ. ಅದು ಆರು ವರ್ಷಗಳ ಹಳೆಯ ಫೋಟೋ. 'ರಾಮ್-ಲೀಲಾ' ಚಿತ್ರದ ಚಿತ್ರೀಕರಣ ಸಂದರ್ಭದಲ್ಲಿ ಕ್ಲಿಕ್ ಆಗಿರುವ ಫೋಟೋವೊಂದನ್ನು ರಣ್ವೀರ್ ಸಿಂಗ್ ಇನ್ಸ್ಟಾಗ್ರಾಮ್ ನಲ್ಲಿ ಹಂಚಿಕೊಂಡಿದ್ದಾರೆ.

ಆ ಫೋಟೋದಲ್ಲಿ ದೀಪಿಕಾ ಸೊಂಟವನ್ನು ರಣ್ವೀರ್ ನೋಡುತ್ತಿರುವುದು ಸೆರೆಯಾಗಿದೆ. ಅದಕ್ಕೆ 'ಕ್ಯಾಪ್ಷನ್ ಕೊಡುವ ಅಗತ್ಯವಿಲ್ಲ' ಎನ್ನುತ್ತಾ ರಣ್ವೀರ್ ಶೇರ್ ಮಾಡಿದ್ದಾರೆ.

ಅದನ್ನು ನೋಡಿ ದೀಪಿಕಾ ಪಡುಕೋಣೆ ''ಏಳು ವರ್ಷ ಆಯ್ತು. ಇನ್ನೂ ಏನೂ ಬದಲಾಗಿಲ್ಲ'' ಎಂದು ಕಾಮೆಂಟ್ ಮಾಡಿದ್ದಾರೆ.

ಅಸಲಿಗೆ ವರ್ಷಗಳ ಹಿಂದಿನ ಈ ಫೋಟೋವನ್ನು ರಣ್ವೀರ್ ಈಗ ಯಾಕೆ ಶೇರ್ ಮಾಡಿದ್ರೋ, ಗೊತ್ತಿಲ್ಲ. ಆದ್ರೆ, ಇದನ್ನ ನೋಡಿದ ನೆಟ್ಟಿಗರು ಮಾತ್ರ ಬೇಜಾನ್ ಚರ್ಚೆ ಮಾಡುತ್ತಿದ್ದಾರೆ.