ಚಿತ್ರಪಟ: ದೀಪಿಕಾ ಪಡುಕೋಣೆ-ರಣ್ವೀರ್ ಸಿಂಗ್ ಕೊಂಕಣಿ ವಿವಾಹ

ಕಣ್ಮನ ಸೆಳೆದ ವಧು ದೀಪಿಕಾ ಪಡುಕೋಣೆ

ಕೊಂಕಣಿ ಸಂಪ್ರದಾಯದಂತೆ ನಡೆದ ಮದುವೆಯಲ್ಲಿ ನಟಿ ದೀಪಿಕಾ ಪಡುಕೋಣೆ ಅಪ್ಪಟ ದಕ್ಷಿಣ ಭಾರತದ ಹುಡುಗಿಯಂತೆ ಕಣ್ಮನ ಸೆಳೆದರು.

ಕೆಂಪು ಸೀರೆಯಲ್ಲಿ ಮಿಂಚಿದ ದೀಪಿಕಾ

ಕೊಂಕಣಿ-ಬ್ರಾಹ್ಮಣ ಸಂಪ್ರದಾಯದಂತೆ ನಡೆದ ವಿವಾಹದಲ್ಲಿ ವಧು ದೀಪಿಕಾ ಪಡುಕೋಣೆ ಕೆಂಪು-ಗೋಲ್ಡನ್ ಬಣ್ಣ ಮಿಶ್ರಿತ ಸೀರೆಯಲ್ಲಿ ಮಿಂಚಿದರು. ಇನ್ನೂ ಬಿಳಿ ಬಣ್ಣದ ಸಾಂಪ್ರದಾಯಿಕ ಉಡುಗೆಯಲ್ಲಿ ರಣ್ವೀರ್ ಕಂಗೊಳಿಸಿದರು.

ಶುಭ ಮುಹೂರ್ತದಲ್ಲಿ ಮಾಂಗಲ್ಯಧಾರಣೆ

ನವೆಂಬರ್ 14 ರಂದು ಬೆಳಗ್ಗೆ ಏಳು ಗಂಟೆಗೆ ಇದ್ದ ಶುಭ ಮುಹೂರ್ತದಲ್ಲಿ ದೀಪಿಕಾ ಪಡುಕೋಣೆ ಕೊರಳಿಗೆ ರಣ್ವೀರ್ ಸಿಂಗ್ ಮಾಂಗಲ್ಯಧಾರಣೆ ಮಾಡಿದರು.

ನಾಲ್ಕು ಗಂಟೆಗಳ ಕಾಲ ನಡೆದ ಶಾಸ್ತ್ರ

ಕೊಂಕಣಿ ಸಂಪ್ರದಾಯದಂತೆ ನಾಲ್ಕು ಗಂಟೆಗಳ ಕಾಲ ಮದುವೆ ಶಾಸ್ತ್ರ ನಡೆಯಿತು. ತಮ್ಮ ಬದುಕಿನ ಅಮೂಲ್ಯ ಕ್ಷಣಗಳನ್ನು ವಧು ದೀಪಿಕಾ-ವರ ರಣ್ವೀರ್ ಖುಷಿ ಖುಷಿಯಿಂದಲೇ ಕಳೆದರು.

ಬಾಳೆ ಎಲೆ ಊಟ

ಮದುವೆ ಬಳಿಕ ಬಾಳೆ ಎಲೆ ಊಟ ಬಡಿಸಲಾಯಿತು. ಪತಿಗೆ ದೀಪಿಕಾ ಸಿಹಿ ತಿನಿಸುತ್ತಿರುವ ಫೋಟೋ ಇದು.

ನಲವತ್ತು ಜನರಿಗೆ ಮಾತ್ರ ಆಹ್ವಾನ

ಇಟಲಿಯ ಲೇಕ್ ಕೋಮೋದಲ್ಲಿ ನಡೆದ ದೀಪಿಕಾ-ರಣ್ವೀರ್ ವಿವಾಹಕ್ಕೆ ಕೇವಲ ನಲವತ್ತು ಜನರಿಗೆ ಮಾತ್ರ ಆಹ್ವಾನ ನೀಡಲಾಗಿತ್ತು. ಕುಟುಂಬಸ್ಥರು ಮತ್ತು ಆಪ್ತರು ಮಾತ್ರ ಮದುವೆಯಲ್ಲಿ ಪಾಲ್ಗೊಂಡಿದ್ದರು.