ಸದ್ದು ಮಾಡದೆ, ಸುದ್ದಿ ಆಗದೆ, ಸೈಲೆಂಟ್ ಆಗಿ ಮದುವೆ ಆದ ನೇಹಾ ಧೂಪಿಯಾ.!

ಹ್ಯಾಪಿ ಮ್ಯಾರೀಡ್ ಲೈಫ್ ನೇಹಾ-ಅಂಗದ್ ಬೇಡಿ

ಸಿಖ್ ಸಂಪ್ರದಾಯದಂತೆ ಇಂದು ಬಾಲಿವುಡ್ ನಟಿ ನೇಹಾ ಧೂಪಿಯಾ ಹಾಗೂ ನಟ ಅಂಗದ್ ಸಿಂಗ್ ಬೇಡಿ ನವ ಜೀವನಕ್ಕೆ ನಾಂದಿ ಹಾಡಿದರು.

ಲವ್ ಕಮ್ ಅರೇಂಜ್ಡ್ ಮ್ಯಾರೇಜ್

ಅಂಗದ್ ಸಿಂಗ್ ಬೇಡಿ ಕೂಡ ಬಾಲಿವುಡ್ ನಟ. ಹೀಗಾಗಿ ಚಿತ್ರರಂಗದಲ್ಲೇ ನೇಹಾ ಹಾಗೂ ಅಂಗದ್ ಸಿಂಗ್ ಬೇಡಿಗೆ ಪರಿಚಯ ಆಗಿದೆ. ಪರಿಚಯ ಸ್ನೇಹವಾಗಿ, ಸ್ನೇಹ ಪ್ರೇಮಕ್ಕೆ ತಿರುಗಿ ಇಂದು ತಮ್ಮ ಪ್ರೇಮಕ್ಕೆ ಮದುವೆಯೆಂಬ ಅಧಿಕೃತ ಮುದ್ರೆ ಬಿದ್ದಿದೆ.

ಯಾರು ಈ ಅಂಗದ್ ಸಿಂಗ್ ಬೇಡಿ.?

35 ವರ್ಷ ವಯಸ್ಸಿನ ಅಂಗದ್ ಸಿಂಗ್ ಬೇಡಿ ಮಾಡೆಲ್ ಹಾಗೂ ನಟ. ಬಾಲಿವುಡ್ ಬೆಳ್ಳಿತೆರೆ ಹಾಗೂ ಕಿರುತೆರೆಯಲ್ಲಿ ಅಂಗದ್ ಸಿಂಗ್ ಬೇಡಿ ಹೆಸರುವಾಸಿ. 2011 ರಲ್ಲಿ ಬಿಡುಗಡೆ ಆದ 'ಫಾಲ್ತು' ಸೇರಿದಂತೆ 'ಪಿಂಕ್', 'ಟೈಗರ್ ಜಿಂದಾ ಹೇ' ಚಿತ್ರಗಳಲ್ಲಿ ಅಂಗದ್ ಸಿಂಗ್ ಬೇಡಿ ಅಭಿನಯಿಸಿದ್ದಾರೆ. ಕಿರುತೆರೆಯ 'ಎಮೋಷನಲ್ ಅತ್ಯಾಚಾರ' ಸೇರಿದಂತೆ ಹಲವು ಶೋಗಳಿಗೆ ಹೋಸ್ಟ್ ಆಗಿದ್ದವರು ಅಂಗದ್ ಸಿಂಗ್ ಬೇಡಿ.

ನೇಹಾ ಧೂಪಿಯಾ ಕುರಿತು..

2002 ರಲ್ಲಿ ಮಿಸ್ ಇಂಡಿಯಾ ಕಿರೀಟ ತೊಟ್ಟ ನೇಹಾ ಧೂಪಿಯಾ 2003 ರಲ್ಲಿ ಬಾಲಿವುಡ್ ಗೆ ಪದಾರ್ಪಣೆ ಮಾಡಿದರು. 'ಕ್ಯಾ ಕೂಲ್ ಹೇ ಹಮ್', 'ದಸ್ ಕಹಾನಿಯಾ', 'ಚುಪ್ ಚುಪ್ ಕೇ', 'ಸಿಂಗ್ ಈಸ್ ಕಿಂಗ್' ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನೇಹಾ ಧೂಪಿಯಾ ಅಭಿನಯಿಸಿದ್ದಾರೆ.