ಚಿತ್ರಗಳು: ಧಾಂ ಧೂಂ ಆಗಿ ನಡೆಯಿತು ಪ್ರಿನ್ಸ್ ನರುಲಾ-ಯುವಿಕಾ ಚೌಧರಿ ಮದುವೆ

ಮಿರಿ ಮಿರಿ ಮಿಂಚಿದ ವಧು ಯುವಿಕಾ ಚೌಧರಿ

ವಿವಾಹ ಮಹೋತ್ಸವಕ್ಕೆ ಕೆಂಪು ಬಣ್ಣದ ಗಾಘ್ರಾ ತೊಟ್ಟಿದ್ದ ಯುವಿಕಾ ಚೌಧರಿ ಮಿರಿ ಮಿರಿ ಮಿಂಚುತ್ತಿದ್ದರು. ಇನ್ನೂ ಕ್ರೀಮ್ ಬಣ್ಣದ ಶೇರ್ವಾನಿ ತೊಟ್ಟಿದ್ದರು ವರ ಪ್ರಿನ್ಸ್ ನರುಲಾ.

ಅದ್ಧೂರಿಯಾಗಿ ನಡೆದ ಪ್ರಿನ್ಸ್-ಯುವಿಕಾ ಚೌಧರಿ ಮೆಹಂದಿ ಸಮಾರಂಭ

ಪ್ರಿನ್ಸ್-ಯುವಿಕಾ ಲವ್ ಸ್ಟೋರಿ

ಪ್ರಿನ್ಸ್ ನರುಲಾ ಹಾಗೂ ಯುವಿಕಾ ಚೌಧರಿ ಮಧ್ಯೆ ಪ್ರೇಮಾಂಕುರವಾಗಿದ್ದು 'ಬಿಗ್ ಬಾಸ್' ಮನೆಯಲ್ಲಿ. 'ಬಿಗ್ ಬಾಸ್-9' ಕಾರ್ಯಕ್ರಮದಲ್ಲಿ ಪ್ರಿನ್ಸ್ ಹಾಗೂ ಯುವಿಕಾ ಸ್ಪರ್ಧಿಗಳಾಗಿದ್ದರು. 'ಬಿಗ್ ಬಾಸ್' ಮನೆಯಲ್ಲಿ ಇದ್ದಾಗಲೇ, ಯುವಿಕಾಗೆ ಪ್ರಿನ್ಸ್ ಪ್ರಪೋಸ್ ಮಾಡಿದ್ದರು.

ಹೀಗಿದೆ ನೋಡಿ ಪ್ರಿನ್ಸ್-ಯುವಿಕಾ ಮದುವೆಯ ಆಹ್ವಾನ ಪತ್ರಿಕೆ.!

ಲವ್ ಕಮ್ ಅರೇಂಜ್ಡ್ ಮ್ಯಾರೇಜ್

ಪ್ರಿನ್ಸ್ ನರುಲಾ ಹಾಗೂ ಯುವಿಕಾ ಚೌಧರಿ ಮದುವೆಗೆ ಕುಟುಂಬದವರೂ ಸಮ್ಮತಿ ಸೂಚಿಸಿದರು. ಎರಡು ವರ್ಷಗಳ ಕಾಲ ಡೇಟಿಂಗ್ ಮಾಡಿದ ಈ ಜೋಡಿ ಇದೀಗ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಾರೆ.

ರೋಡೀಸ್ ತಂಡ

ಹಾಗ್ನೋಡಿದ್ರೆ, ಪ್ರಿನ್ಸ್ ನರುಲಾ ಜನಪ್ರಿಯತೆ ಪಡೆದಿದ್ದೇ ಎಂಟಿವಿ ರೋಡೀಸ್ ರಿಯಾಲಿಟಿ ಶೋನಿಂದ. ರೋಡೀಸ್ ನಲ್ಲಿ ಗೆಲುವಿನ ನಗೆ ಬೀರಿದ್ಮೇಲೆ, ಅದೇ ಕಾರ್ಯಕ್ರಮದಲ್ಲಿ ಪ್ರಿನ್ಸ್ ಗ್ಯಾಂಗ್ ಲೀಡರ್ ಆಗಿದ್ದಾರೆ. ನವ ಜೀವನ ಆರಂಭಿಸಿರುವ ಪ್ರಿನ್ಸ್ ಹಾಗೂ ಯುವಿಕಾಗೆ ಶುಭ ಕೋರಲು ರೋಡೀಸ್ ತಂಡದಿಂದ ರಣ್ ವಿಜಯ್ ಹಾಗೂ ನಿಖಿಲ್ ಚಿನ್ನಪ್ಪ ಆಗಮಿಸಿದ್ದರು.

ನಟಿ ನೇಹಾ ಧೂಪಿಯಾ

ರೋಡೀಸ್ ನಲ್ಲಿ ಗ್ಯಾಂಗ್ ಲೀಡರ್ ಆಗಿದ್ದ ನಟಿ ನೇಹಾ ಧೂಪಿಯಾ ಕೂಡ ಪ್ರಿನ್ಸ್ ನರುಲಾ-ಯುವಿಕಾ ಮದುವೆಗೆ ಸಾಕ್ಷಿ ಆಗಿದ್ದರು. ಇವರಿಷ್ಟೇ ಅಲ್ಲ, ಬಾಲಿವುಡ್ ನ ಹಲವು ನಟ-ನಟಿಯರು ಪ್ರಿನ್ಸ್-ಯುವಿಕಾ ಮದುವೆಗೆ ಆಗಮಿಸಿ ಶುಭ ಕೋರಿದ್ದಾರೆ.