ಸುಶಾಂತ್ ಸಿಂಗ್ ಖಾತೆಯನ್ನು 'ಚಿರಸ್ಮರಣೀಯ'ಗೊಳಿಸಿದ ಇನ್‌ಸ್ಟಾಗ್ರಾಂ

ರಿಮೆಂಬರಿಂಗ್ ಫೀಚರ್

ಮೃತಪಟ್ಟ ವ್ಯಕ್ತಿಯ ಜೀವನವನ್ನು ನೆನಪಿಸುವುದು ಇನ್‌ಸ್ಟಾಗ್ರಾಂನಲ್ಲಿನ ಮೆಮೋರಿಯಲ್ ಫೀಚರ್ ಆಗಿದೆ. ವ್ಯಕ್ತಿಯ ಹೆಸರಿನ ಕೆಳಗೆ 'ರಿಮೆಂಬರಿಂಗ್' ಎಂಬ ಪದ ಹಾಕುವ ಮೂಲಕ ಅವರ ಖಾತೆಯನ್ನು ಚಿರಸ್ಮರಣೀಯವಾಗಿರಿಸುವುದು ಇದರ ಉದ್ದೇಶ.

ಲಾಗಿನ್ ಆಗಲು ಸಾಧ್ಯವಿಲ್ಲ

ಅಂದರೆ ಈ ಖಾತೆಯಲ್ಲಿನ ಹಳೆಯ ಪೋಸ್ಟ್‌ಗಳನ್ನು ಫಾಲೋವರ್‌ಗಳು ವೀಕ್ಷಿಸಬಹುದಾಗಿದೆ. ಆದರೆ ಈ ರೀತಿಯ 'ರಿಮೆಂಬರಿಂಗ್' ಫೀಚರ್ ಅಳವಡಿಸಿದ ಬಳಿಕ ಬೇರೆ ಯಾರೂ ಈ ಖಾತೆಗೆ ಲಾಗಿನ್ ಆಗಲು ಸಾಧ್ಯವಾಗುವುದಿಲ್ಲ.

ವಿಜ್ಞಾನದ ಪೋಸ್ಟ್‌ಗಳು

ಸುಶಾಂತ್ ಸಿಂಗ್ ಸಾಮಾಜಿಕ ಜಾಲತಾಣಗಳಲ್ಲಿ ಕೆಲವರ ಪೋಸ್ಟ್‌ಗಳಿಗೆ ಪ್ರತಿಕ್ರಿಯಿಸುವ ಮೂಲಕ ಸಕ್ರಿಯರಾಗಿರುತ್ತಿದ್ದರೂ, ಪೋಸ್ಟ್‌ಗಳನ್ನು ಹಾಕುತ್ತಿದ್ದದ್ದು ತೀರಾ ಕಡಿಮೆ. ಅವರು ಹಾಕುತ್ತಿದ್ದ ಹೆಚ್ಚಿನ ಪೋಸ್ಟ್‌ಗಳು ವಿಜ್ಞಾನದ ಕುರಿತಾಗಿಯೇ ಇರುತ್ತಿದ್ದವು.

ತಾಯಿಯ ಕುರಿತು ಪೋಸ್ಟ್

ಮಾರ್ಚ್ 2019ರಿಂದ 2020ರ ಜೂನ್ 3ರವರೆಗೆ ಅವರು 87 ಪೋಸ್ಟ್‌ಗಳನ್ನು ಇನ್‌ಸ್ಟಾಗ್ರಾಂನಲ್ಲಿ ಹಾಕಿರುವುದು ಕಾಣಿಸುತ್ತದೆ. ಅವರು ಹಾಕಿದ್ದ ಕೊನೆಯ ಪೋಸ್ಟ್ ತಮ್ಮ ತಾಯಿಯ ಕುರಿತಾಗಿತ್ತು. ಆ ಪೋಸ್ಟ್‌ಗೆ 3 ಲಕ್ಷಕ್ಕೂ ಅಧಿಕ ಕಾಮೆಂಟ್‌ಗಳು ಬಂದಿವೆ.