Don't Miss!
- Finance Tumakuru namma metro: ಮಾದಾವರದಿಂದ ತುಮಕೂರು ಮೆಟ್ರೋ ಕಾರಿಡಾರ್ ಅಪಡೇಟ್
- Lifestyle ಬೆಳ್ಳುಳ್ಳಿ ಕಬಾಬ್ ಅಂದುಕೊಂಡ್ರಾ? ಇದು ಚಿಕನ್ ರುಚಿಯ ಹೂವಿನ ಫ್ರೈ..!
- Sports 2009ರ ಐಪಿಎಲ್ ಫೈನಲ್ನಲ್ಲಿ ಆರ್ಸಿಬಿ ಸೋಲಲು ಕಾರಣ ತಿಳಿಸಿದ ಅನಿಲ್ ಕುಂಬ್ಳೆ
- News Srivari Seva: ತಿರುಮಲ ಶ್ರೀವಾರಿಯ ಸೇವಕರಾಗಲು ಒಂದು ಅದ್ಭುತ ಅವಕಾಶ.. ಕೂಡಲೇ ಬುಕ್ ಮಾಡಿ
- Automobiles XUV300: ಮಹೀಂದ್ರಾ ಎಕ್ಸ್ಯುವಿ300 ಕಾರನ್ನು ನಿಮ್ಮ ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Technology OnePlus: ಒನ್ಪ್ಲಸ್ ವಾಚ್ 2 ನಾರ್ಡಿಕ್ ಬ್ಲೂ ಆವೃತ್ತಿ ಲಾಂಚ್! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಗಲಿದ ನಟ ಇರ್ಫಾನ್ ಖಾನ್ ಆಡಿದ ಕೊನೆಯ ಮಾತುಗಳಿವು
ನಟ ಇರ್ಫಾನ್ ಖಾನ್ ಇಂದು ಅಗಲಿದ್ದಾರೆ. ಭಾರತೀಯ ಸಿನಿ ಉದ್ಯಮವೇ ಪ್ರತಿಭಾವಂತ ನಟನ ಅಗಲಿಕೆಗೆ ಮರುಕಪಟ್ಟಿದೆ. ನ್ಯೂರೋಇಂಡ್ರೋಕ್ರೈನ್ ಎಂಬ ಹೊಸ ಮಾದರಿಯ ಕ್ಯಾನ್ಸರ್ ಖಾಯಿಲೆ ಅವರನ್ನು ಇಂಚಿಂಚಾಗಿ ತಿಂದುಬಿಟ್ಟಿತು. ಎರಡು ವರ್ಷ ಖಾಯಿಲೆ ವಿರುದ್ಧ ಹೋರಾಡಿದ ಇರ್ಫಾನ್ ಖಾನ್ ಇಂದು ಸಾವನ್ನಪ್ಪಿದರು.
ಇರ್ಫಾನ್ ಖಾನ್ ತಾಯಿ ಸಯೀದಾ ಬೇಗಂ ನಾಲ್ಕು ದಿನಗಳ ಹಿಂದಷ್ಟೆ ಶನಿವಾರ (ಏಪ್ರಿಲ್ 25) ದಂದು ನಿಧನರಾಗಿದ್ದರು. ತಾಯಿಯ ಸೆರಗು ಹಿಡಿದು ಇರ್ಫಾನ್ ಖಾನ್ ಸಹ ಹೋಗಿಬಿಟ್ಟಿದ್ದಾರೆ.
ಅಂದು 600 ರೂ. ಇದ್ದಿದ್ದರೆ ಇರ್ಫಾನ್ ಖಾನ್ ಏನಾಗುತ್ತಿದ್ದರು?: ಅಗಲಿದ ನಟನ ಬದುಕು ಹೀಗಿತ್ತು...
ನಟ ಇರ್ಫಾನ್ ಖಾನ್ ಅವರಿಗೆ ಖಾಯಿಲೆಯ ತೀವ್ರತೆ ಬಗ್ಗೆ ಮೊದಲೇ ಅರಿವಿತ್ತು. ಖಾಯಿಲೆಯಿಂದ ಪಾರಾಗುವುದು ಸುಲಭವಲ್ಲ ಎಂಬುದು ಸಹ ಅರಿವಿತ್ತು. ಲಂಡನ್ ನಲ್ಲಿ ಚಿಕಿತ್ಸೆ ಪಡೆಯುವಾಗಲೇ ಅವರು ಖಾಯಿಲೆ ಬಗ್ಗೆ ಭಾವನಾತ್ಮಕ ಪತ್ರ ಬರೆದಿದ್ದರು. ಅದರಲ್ಲಿಯೇ ಅವರು ಅಂತ್ಯದತ್ತ ಹೋಗುತ್ತಿರುವ ಸುಳಿವು ನೀಡಿದ್ದರು.
ಪತ್ನಿಯೊಂದಿಗೆ ಆಡಿದ ಮಾತುಗಳ ಬಗ್ಗೆ ವರದಿ
ಇರ್ಫಾನ್ ಖಾನ್ ಸಾಯುವ ಮುನ್ನಾ ಪತ್ನಿಯೊಂದಿಗೆ ಆಡಿದ ಮಾತುಗಳನ್ನು ಆಂಗ್ಲ ವೆಬ್ಪೋರ್ಟಲ್ ಒಂದು ವರದಿ ಮಾಡಿದೆ. ಐಸಿಯುನಲ್ಲಿದ್ದ ಇರ್ಫಾನ್ ಖಾನ್ ಇಂದು ಬೆಳಿಗ್ಗೆ ಐಸಿಯುನಲ್ಲಿದ್ದಾಗ ತನ್ನ ತಾಯಿಯ ಬಗ್ಗೆ ಮಾತನಾಡಿದರಂತೆ.
'ಅಮ್ಮ ನನ್ನನ್ನು ಕರೆದುಕೊಂಡು ಹೋಗಲು ಬಂದಿದ್ದಾರೆ'
'ಅಮ್ಮ ನನ್ನನ್ನು ಕರೆದುಕೊಂಡು ಹೋಗಲು ಬಂದಿದ್ದಾರೆ. ಆಕೆ ನನ್ನ ಪಕ್ಕದಲ್ಲಿಯೇ ನಿಂತಿದ್ದಾರೆ' ಎಂದು ಇರ್ಫಾನ್ ಪತ್ನಿ ಸುತಾಪಾ ಬಳಿ ಹೇಳಿದರಂತೆ. ಮಾತುಗಳನ್ನಾಡುತ್ತಾ ಜೋರಾಗಿ ಅತ್ತು ಬಿಟ್ಟರಂತೆ ಇರ್ಫಾನ್ ಖಾನ್.
ಇರ್ಫಾನ್ ಖಾನ್ ಅಂತರಂಗ ಅನಾವರಣ ಮಾಡಿದ ಮಾಜಿ ರೂಂಮೇಟ್ ಸುರೇಶ್ ಆನಗಳ್ಳಿ
ಶನಿವಾರವಷ್ಟೆ ಇರ್ಫಾನ್ ತಾಯಿ ನಿಧನಹೊಂದಿದ್ದರು
ಇರ್ಫಾನ್ ಖಾನ್ ತಾಯಿ ಶನಿವಾರವಷ್ಟೆ ನಿಧನಹೊಂದಿದ್ದರು. ಕೊರೊನಾ ಲಾಕ್ಡೌನ್ನಿಂದಾಗಿ ತಾಯಿಯ ಅಂತಿಮದರ್ಶನಕ್ಕೆ ಇರ್ಫಾನ್ ಗೆ ಹೋಗಲಾಗಿರಲಿಲ್ಲ. ವಿಡಿಯೋ ಮೂಲಕ ಆಕೆಯ ಅಂತಿಮ ದರ್ಶನ ಪಡೆದಿದ್ದ ಇರ್ಫಾನ್ ಅತೀವ ದುಖಃದಲ್ಲಿದ್ದರಂತೆ.
ನಟನೆಯಿಂದ ಜಗತ್ತನ್ನೇ ಗೆದ್ದಿದ್ದ ಇರ್ಫಾನ್
ನಿನ್ನೆ ತಡರಾತ್ರಿ ಐಸಿಯು ಗೆ ದಾಖಲಾಗಿದ್ದ ಇರ್ಫಾನ್ ಖಾನ್ ಹೆಚ್ಚು ಹೊತ್ತ ಜೀವನ ಹಿಡಿದಿಟ್ಟುಕೊಳ್ಳಲಾಗಲಿಲ್ಲ. ನಟನೆ ಮೂಲಕ ಜಗತ್ತನ್ನೇ ಗೆದ್ದಿದ್ದ ನಟ, ಕ್ಯಾನ್ಸರ್ ವಿರುದ್ಧ ಹೋರಾಟದಲ್ಲಿ ಸೋತುಬಿಟ್ಟರು.