ಹೆಂಡ್ತಿ ದೀಪಿಕಾ ಬಟ್ಟೆ ತೊಟ್ಟು ಫೋಟೋ ತೆಗೆಸಿಕೊಂಡ್ರಾ ರಣ್ವೀರ್ ಸಿಂಗ್.?

ಇದು ದೀಪಿಕಾ ಬಟ್ಟೆನಾ.?

''ಇದು ಅತ್ತಿಗೆಯ ಉಡುಗೆನಾ.? ಮತ್ತೆ ದೀಪಿಕಾ ಡ್ರೆಸ್ ನ ಹಾಕೊಂಡಿದ್ದೀರಾ.? ದೀಪಿಕಾ ರವರ ಎಲ್ಲಾ ಬಟ್ಟೆಗಳನ್ನ ಮೊದಲು ನೀವು (ರಣ್ವೀರ್) ಧರಿಸಿ ಟ್ರಯಲ್ ನೋಡ್ತೀರಾ.? ನಿದ್ದೆಯಲ್ಲಿ ಗೊತ್ತಾಗದೆ ದೀಪಿಕಾ ವಾರ್ಡ್ ರೋಬ್ ನಿಂದ ಬಟ್ಟೆ ತೆಗೆದುಕೊಂಡ್ರಾ.?'' ಅಂತೆಲ್ಲಾ ಟ್ವೀಟಿಗರು ರಣ್ವೀರ್ ಸಿಂಗ್ ಗೆ ಪ್ರಶ್ನೆ ಮೇಲೆ ಪ್ರಶ್ನೆ ಮಾಡುತ್ತಿದ್ದಾರೆ. ಸಾಲದಕ್ಕೆ, ಇದೇ ಟ್ರೋಲ್ ಕೂಡ ಆಗುತ್ತಿದೆ.

ದೀಪಿಕಾಗೆ ಪೋಲ್ಕಾ ಡಾಟೆಡ್ ಡ್ರೆಸ್ ಗಳೆಂದರೆ ಇಷ್ಟ.!

ಅಸಲಿಗೆ, ದೀಪಿಕಾ ಪಡುಕೋಣೆಗೆ ಪೋಲ್ಕಾ ಡಾಟೆಡ್ ಡ್ರೆಸ್ ಗಳೆಂದರೆ ಸಿಕ್ಕಾಪಟ್ಟೆ ಇಷ್ಟ. ಹಲವು ಬಾರಿ, ಅನೇಕ ಕಾರ್ಯಕ್ರಮಗಳಿಗೆ ಪೋಲ್ಕಾ ಡಾಟೆಡ್ ಡ್ರೆಸ್ ಗಳನ್ನು ತೊಟ್ಟು ದೀಪಿಕಾ ಪಡುಕೋಣೆ ಮಿಂಚಿದ್ದಾರೆ. ಹೀಗಾಗಿ, ದೀಪಿಕಾ ಸ್ಟೈಲ್ ನ ರಣ್ವೀರ್ ಫಾಲೋ ಮಾಡ್ತಿದ್ದಾರಾ ಎಂಬ ಪ್ರಶ್ನೆ ಉದ್ಭವ ಆಗಿದೆ.

ಟ್ರೋಲ್ ಆದ ರಣ್ವೀರ್

ರಣ್ವೀರ್ ಸಿಂಗ್ ರವರ ಈ ರೆಟ್ರೋ ಲುಕ್ ನೋಡಿ ಕೆಲವರು ಆಡಿಕೊಂಡು ನಗುತ್ತಿದ್ದಾರೆ. ಅಷ್ಟಕ್ಕೂ, ಹೀಗೆ ರೆಟ್ರೋ ಸ್ಟೈಲ್ ನಲ್ಲಿ ರಣ್ವೀರ್ ಸಿಂಗ್ ಫೋಟೋಶೂಟ್ ಮಾಡಿಸಿದ್ದು ಯಾಕೆ ಎಂಬುದರ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲ.

ರಣ್ವೀರ್ ಸಿಂಗ್ ಮುಂಬರುವ ಚಿತ್ರ

ರಣ್ವೀರ್ ಸಿಂಗ್ ಅಭಿನಯದ '83' ಚಿತ್ರ ಏಪ್ರಿಲ್ ತಿಂಗಳಲ್ಲಿ ಬಿಡುಗಡೆ ಆಗಲಿದೆ. 1983 ರಲ್ಲಿ ಭಾರತ ವಿಶ್ವ ಕಪ್ ಗೆದ್ದ ರೋಚಕ ಕಥೆಯೇ '83' ಚಿತ್ರದ ಕಥಾಹಂದರ. ಈ ಸಿನಿಮಾದಲ್ಲಿ ಕಪಿಲ್ ದೇವ್ ಆಗಿ ರಣ್ವೀರ್ ಸಿಂಗ್ ಅಭಿನಯಿಸಿದ್ದರೆ, ಕಪಿಲ್ ದೇವ್ ಪತ್ನಿ ಪಾತ್ರಕ್ಕಾಗಿ ದೀಪಿಕಾ ಪಡುಕೋಣೆ ಬಣ್ಣ ಹಚ್ಚಿದ್ದಾರೆ.