ಅಭಿಮಾನಿಗಳಿಗಾಗಿ 'ಟಾಪ್ ಲೆಸ್' ಆದ ನಟಿ ಜಾಕ್ವೆಲಿನ್ ಫರ್ನಾಂಡೀಸ್: ಕಾರಣವೇನು?

ಹೂ ಉಡುಗೆಯಲ್ಲಿ ಜಾಕ್ವೆಲಿನ್ ಫೋಟೋಶೂಟ್

ಗುಲಾಬಿ ಹೂಗುಚ್ಚವನ್ನೇ ಉಡುಗೆಯಾಗಿ ಮಾಡಿಕೊಂಡು ಕ್ಯಾಮರಾಗೆ ಪೋಸ್ ನೀಡಿದ್ದಾರೆ. ಜಾಕ್ವೆಲಿನ್ ಅವರ ತರಹೇವಾರಿ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ. ಈ ಫೋಟೋಗಳನ್ನು ಜಾಕ್ವೆಲಿನ್ ಇನ್ಸ್ಟಾಗ್ರಾಮ್ ನಲ್ಲಿ ಹಂಚಿಕೊಂಡಿದ್ದಾರೆ. 'ಕಿಕ್' ನಟಿಯ ಹೊಸ ಫೋಟೋಶೂಟ್ ನೋಡಿ ಅಭಿಮಾನಿಗಳು ಕಿಕ್ ಏರಿಸಿಕೊಂಡಿದ್ದಾರೆ.

ಅಭಿಮಾನಿಗಳಿಂದ ಸಿಕ್ಕಾಪಟ್ಟೆ ಲೈಕ್ಸ್

ಹೂವಿನ ಮರೆಯಲ್ಲಿರುವ ಜಾಕ್ವೆಲಿನ್ ಗೆ ಅಭಿಮಾನಿಗಳಿಂದ ಸಿಕ್ಕಾಪಟ್ಟೆ ಲೈಕ್ಸ್ ಮತ್ತು ಕಾಮೆಂಟ್ಸ್ ಹರಿದುಬರುತ್ತಿದೆ. ಅಭಿಮಾನಿಗಳು ಮಾತ್ರವಲ್ಲದೆ ಸಲೆಬ್ರಿಟಿಗಳು ಸಹ ಕಾಮೆಂಟ್ಸ್ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಅಭಿಮಾನಿಗಳಿಗಾಗಿ ವಿಶೇಷ ಫೋಟೋಶೂಟ್ ಮಾಡಿಸಿ, ಫೋಟೋಗಳನ್ನು ಶೇರ್ ಮಾಡುವ ಜೊತೆಗೆ ಧನ್ಯವಾದ ತಿಳಿಸಿದ್ದಾರೆ.

ಲಾಕ್ ಡೌನ್ ನಲ್ಲಿ ಸಲ್ಮಾನ್ ತೋಟದ ಮನೆಯಲ್ಲಿದ್ದ ಜಾಕ್ವೆಲಿನ್

ಜಾಕ್ವೆಲಿನ್ ಲಾಕ್ ಡೌನ್ ಬಳಿಕ ಮತ್ತೆ ಶಟೂಂಗ್ ಗೆ ಮರಳಿದ್ದಾರೆ. ಕೊನೆಯದಾಗಿ ನೆಟ್ ಫ್ಲಿಕ್ಸ್ ನ ಸೀರಿಯಲ್ ಕಿಲ್ಲರ್ ನಲ್ಲಿ ಕಾಣಿಸಿಕೊಂಡಿದ್ದರು. ಜೊತೆಗೆ ಸಲ್ಮಾನ್ ಖಾನ್ ಒಂದು ಮ್ಯೂಜಿಕ್ ಆಲ್ಬಮ್ ನಲ್ಲಿ ನಟಿಸಿದ್ದರು. ಕಾಲ್ ಡೌನ್ ಸಮಯದಲ್ಲಿ ಜಾಕ್ವೆಲಿನ್ ಸಲ್ಮಾನ್ ತೋಟದ ಮನೆಯಲ್ಲಿ ನೆಲೆಸಿದ್ದರು.

ಮಾಹಾರಾಷ್ಟ್ರದ ಗ್ರಾಮವನ್ನು ದತ್ತು ಪಡೆದಿರುವ ನಟಿ

ಇತ್ತೀಚಿಗೆ ಅಂದರೆ ಜಾಕ್ವೆಲಿನ್ ತನ್ನ ಹುಟ್ಟುಹಬ್ಬ ಸಮಯದಲ್ಲಿ ಮಾಹಾರಾಷ್ಟ್ರದ ಗ್ರಾಮವನ್ನು ದತ್ತು ಪಡೆದು ಎಲ್ಲಗ ಗಮನ ಸೆಳೆದಿದ್ದರು. ಮಹಾರಾಷ್ಟ್ರದ ಎರಡು ಗ್ರಾಮಗಳನ್ನು ದತ್ತು ಪಡೆದುಕೊಂಡಿದ್ದಾರೆ. ಸುಮಾರು 1500 ಜನರಿರುವ ಗ್ರಾಮದ ಜನರನ್ನು ನೋಡಿಕೊಳ್ಳುವುದಾಗಿ ಹೇಳಿದ್ದಾರೆ. ಮುಖ್ಯವಾಗಿ ಅಪೌಷ್ಟಿಕತೆಯಿಂದ ಬಳಲುತ್ತಿರುವ ಹಳ್ಳಿಯ ಮಕ್ಕಳಿಗೆ ಆಹಾರ ಸಾಮಗ್ರಿಗಳನ್ನು ಪೂರೈಸುವುದಾಗಿ ಹೇಳಿದ್ದರು.