Don't Miss!
- News ‘ಸೋಲಿನ ಭೀತಿಯಿಂದ ಕಮಲ-ದಳ ಮೈತ್ರಿ; ರಾಜ್ಯದ 25 ಕ್ಷೇತ್ರಗಳಲ್ಲಿ ಕಾಂಗ್ರೆಸ್ ಗೆಲುವು’
- Automobiles ಆಕರ್ಷಕ ಯಮಹಾ ಏರಾಕ್ಸ್ 155 ವರ್ಷನ್ ಎಸ್ ಸ್ಕೂಟರ್ ಬಿಡುಗಡೆ
- Finance BMRCL: ಚಲ್ಲಘಟ್ಟ ನಮ್ಮ ಮೆಟ್ರೋ ನಿಲ್ದಾಣದಲ್ಲಿ ಹೊಸ ಪಾದಚಾರಿ ಸೇತುವೆ
- Technology ವಿವೋ T3x 5G ಫೋನಿನ ಫಸ್ಟ್ ಸೇಲ್ ಯಾವಾಗ?..ಆಫರ್ ಬೆಲೆ ಎಷ್ಟು?
- Lifestyle ಮೊದಲ ಯತ್ನದಲ್ಲೇ ಯುಪಿಎಸ್ಸಿ ಪಾಸ್..! ಸ್ಫೂರ್ತಿಯಾಗಿದ್ದು ವಿರಾಟ್..!
- Sports ಟಿ20 ವಿಶ್ವಕಪ್ ಬಗ್ಗೆ ಸ್ಪಷ್ಟನೆ ಕೇಳಿದ ವಿರಾಟ್ ಕೊಹ್ಲಿ; ಕಹಾನಿ ಮೇ ಟ್ವಿಸ್ಟ್ ನೀಡಿದ ಬಿಸಿಸಿಐ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹಣಕ್ಕಾಗಿಯೇ ವಂಚಕ ಸುಕೇಶ್ ಜೊತೆ ಸಂಬಂಧ! ಜಾಕ್ವೆಲಿನ್ ವಿರುದ್ಧ ಇಡಿ ಸಾಕ್ಷ್ಯ ಸಹಿತ ಆರೋಪ
'ವಿಕ್ರಾಂತ್ ರೋಣ' ಸಿನಿಮಾದಲ್ಲಿ ರಕ್ಕಮ್ಮನಾಗಿ ಕುಣಿದು ಮಿಂಚು ಹರಿಸಿದ ನಟಿ ಬಾಲಿವುಡ್ ನಟಿ ಜಾಕ್ವೆಲಿನ್ ಫರ್ನಾಂಡೀಸ್ ಇದೀಗ ಇಡಿ ದೆಸೆಯಿಂದಾಗಿ ತೀವ್ರ ಸಂಕಷ್ಟದಲ್ಲಿದ್ದಾರೆ.
200 ಕೋಟಿ ವಂಚನೆ, ಅಕ್ರಮ ಹಣ ವರ್ಗಾವಣೆ ಪ್ರಕರಣದಲ್ಲಿ ಜಾಕ್ವೆಲಿನ್ ಫರ್ನಾಂಡೀಸ್ ಅನ್ನು ಇಡಿ (ಜಾರಿ ನಿರ್ದೇಶನಾಲಯ) ಆರೋಪಿಯನ್ನಾಗಿ ಮಾಡಿದೆ. ಇಷ್ಟು ದಿನ ಸಾಕ್ಷಿಯಾಗಿದ್ದ ಜಾಕ್ವೆಲಿನ್ ಇದೀಗ ಆರೋಪಿಯಾಗಿದ್ದು, ಬಂಧನ ಭೀತಿ ಎದುರಿಸುತ್ತಿದ್ದಾರೆ.
Recommended Video
'ವಿಕ್ರಾಂತ್ ರೋಣ' ಬಾಕ್ಸಾಫೀಸ್ ಕಲೆಕ್ಷನ್ ₹200 ಕೋಟಿ ಎಂದ ಜೀ5: ಕಾಲರ್ ಎಗರಿಸಿದ ಫ್ಯಾನ್ಸ್!
200 ಕೋಟಿ ವಂಚನೆ, ಅಕ್ರಮ ಹಣ ವರ್ಗಾವಣೆ ಪ್ರಕರಣದ ಪ್ರಮುಖ ಆರೋಪಿ ಸುಕೇಶ್ ಜೊತೆ ಜಾಕ್ವೆಲಿನ್ ಆಪ್ತ ಸಂಬಂಧ ಹೊಂದಿದ್ದು, ಇದೇ ಕಾರಣಕ್ಕೆ ಇದೀಗ ಜಾಕ್ವೆಲಿನ್ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಹಲವು ತಿಂಗಳಿನಿಂದಲೂ ಈ ಪ್ರಕರಣದ ತನಿಖೆ ನಡೆಯುತ್ತಿದ್ದು, ಜಾಕ್ವೆಲಿನ್ ಹಲವು ಬಾರಿ ವಿಚಾರಣೆ ಎದುರಿಸಿದ್ದಾರೆ. ಕಳೆದ ಕೆಲವು ತಿಂಗಳ ವರೆಗೆ ಜಾಕ್ವೆಲಿನ್ ಅನ್ನು ಸಾಕ್ಷಿ ಎಂದು ಪರಿಗಣಿಸಿದ್ದ ತನಿಖಾ ಸಂಸ್ಥೆ ಇಡಿ, ಇತ್ತೀಚೆಗೆ ಸಲ್ಲಿಸಿರುವ ಚಾರ್ಜ್ಶೀಟ್ನಲ್ಲಿ ಜಾಕ್ವೆಲಿನ್ ಅನ್ನು ಆರೋಪಿಯನ್ನಾಗಿಸಿದೆ.
ತಮ್ಮನ್ನು ಆರೋಪಿಯನ್ನಾಗಿಸಿರುವ ಇಡಿ ನಡೆಯ ಬಗ್ಗೆ ಜಾಕ್ವೆಲಿನ್ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದು, ಇದೇ ಪ್ರಕರಣದಲ್ಲಿ ಸಿಲುಕಿರುವ ನಟಿ ನೋರಾ ಫತೇಹಿಯನ್ನು ಸಾಕ್ಷಿಯನ್ನಾಗಿಸಿ ನನ್ನನ್ನು ಆರೋಪಿಯನ್ನಾಗಿಸಿರುವುದು ಇಡಿಯ ಪಕ್ಷಪಾತ ತೋರಿಸುತ್ತದೆ ಎಂದಿದ್ದಾರೆ.
ಜಾಕ್ವೆಲಿನ್ರ ಪಕ್ಷಪಾತದ ಆರೋಪಕ್ಕೆ ಪ್ರತಿಕ್ರಿಯಿಸಿರುವ ಇಡಿ, ಜಾಕ್ವೆಲಿನ್ ವಿರುದ್ಧ ಸೂಕ್ತ ಆಧಾರವಿರುವ ಕಾರಣದಿಂದಲೇ ಅವರನ್ನು ಆರೋಪಿಯನ್ನಾಗಿಸಲಾಗಿದೆ ಎಂದಿದೆ. ಜಾಕ್ವೆಲಿನ್ ಫರ್ನಾಂಡೀಸ್ಗೆ ಸುಕೇಶ್ ಚಂದ್ರಶೇಖರ್ ಅಪರಾಧಿ, ವಂಚಕ ಎಂಬುದು ಗೊತ್ತಿತ್ತು ಹಾಗಿದ್ದರೂ ಅವನೊಟ್ಟಿಗೆ ಸಂಬಂಧ ಮುಂದುವರೆಸಿದರು, ಆತನಿಂದ ಹಣ, ಉಡುಗೊರೆಗಳನ್ನು ತೆಗೆದುಕೊಂಡರು ಎಂದಿದೆ.
ಜಾಕ್ವೆಲಿನ್ ಫರ್ನಾಂಡೀಸ್ರ ಕೇಶವಿನ್ಯಾಸಕ ಶಾನ್ ಮೊದಲೇ ಜಾಕ್ವೆಲಿನ್ಗೆ ಸುಕೇಶ್ ಚಂದ್ರಶೇಖರ್ ಎಂಥಹಾ ವಂಚಕ ಎಂಬುದನ್ನು ಹೇಳಿದ್ದ, ಅಷ್ಟೇ ಅಲ್ಲದೆ, ಲೀನಾ ಮರೀಯಾ ಪೌಲ್, ಸುಕೇಶ್ನ ಪತ್ನಿ ಎಂಬುದು ಸಹ ಜಾಕ್ವೆಲಿನ್ ಫರ್ನಾಂಡೀಸ್ಗೆ ಮೊದಲೇ ಗೊತ್ತಿತ್ತು. ಆದರೂ ಕೇವಲ ಹಣಕ್ಕಾಗಿ, ಉಡುಗೊರೆಗಳಿಗಾಗಿ ಜಾಕ್ವೆಲಿನ್ ಫರ್ನಾಂಡೀಸ್ ಸುಕೇಶ್ ಜೊತೆ ಸಂಬಂಧ ಮುಂದುವರೆಸಿದರು.
ಸುಕೇಶ್ ಚಂದ್ರಶೇಖರ್ ಅಪರಾಧ ಎಸಗಿ ಹಣ ಸಂಪಾದನೆ ಮಾಡುತ್ತಿದ್ದಾನೆ ಎಂದು ಜಾಕ್ವೆಲಿನ್ ಫರ್ನಾಂಡೀಸ್ಗೆ ಮೊದಲೇ ಗೊತ್ತಿತ್ತು ಹಾಗಿದ್ದರೂ ಜಾಕ್ವೆಲಿನ್ ಆತನಿಂದ ಹಣ, ಉಡುಗೊರೆಗಳನ್ನು ಪಡೆದುಕೊಂಡಿದ್ದಾಳೆ ಎಂದಿದೆ ಇಡಿ.
ಜಾಕ್ವೆಲಿನ್ ಫರ್ನಾಂಡೀಸ್ಗೆ ಕೋಟ್ಯಂತರ ಬೆಲೆಯ ಕಾರು, ಜಾಕ್ವೆಲಿನ್ ಖಾತೆಗೆ ಹಣ, ಜಾಕ್ವೆಲಿನ್ ಸಹೋದರನ ಖಾತೆಗೆ ಲಕ್ಷಾಂತರ ಹಣವನ್ನು ಸುಕೇಶ್ ಚಂದ್ರಶೇಖರ್ ಹಾಕಿದ್ದ.
ಕಳೆದ ಕೆಲ ವರ್ಷಗಳಿಂದ ತಿಹಾರ್ ಜೈಲಿನಲ್ಲಿರುವ ಸುಕೇಶ್ ಚಂದ್ರಶೇಖರ್ ದೇಶದ ಟಾಪ್ ರಾಜಕಾರಣಿಗಳು, ಉದ್ಯಮಿಗಳಿಗೆ ಕೋಟ್ಯಂತರ ಹಣ ವಂಚನೆ ಮಾಡಿದ್ದಾರೆ. ಅಲ್ಲದೆ ಉದ್ಯಮಿಗಳಿಂದ ಹಣ ವಸೂಲಿ ಸಹ ಮಾಡಿದ್ದಾನೆ. ಜೈಲಿನಲ್ಲಿದ್ದುಕೊಂಡೆ ಕೊಟ್ಯಂತರ ಹಣ ವಸೂಲಿ ಮಾಡಿದ್ದಾನೆ ಸುಕೇಶ್. ಜೈಲಿನಲ್ಲಿದ್ದಾಗ ಜೈಲಿಗೆ ಕೆಲವು ನಟಿಯರನ್ನೂ ಸಹ ಕರೆಸಿಕೊಂಡಿದ್ದನಂತೆ ಈತ.