ಸಂತಸದ ವೇಳೆಯಲ್ಲೂ ಅಮ್ಮನಿಲ್ಲದ ನೋವನ್ನ ತೋಡಿಕೊಂಡ ಜಾಹ್ನವಿ

ಅಮ್ಮನ ಸಾವು ಇನ್ನು ಕಾಡುತ್ತಿದೆ

'ತಾಯಿಯನ್ನ ಕಳೆದುಕೊಂಡಿದ್ದು ಎಂದು ಮರೆಯಲಾಗದ ನೋವು. ಈ ನೋವಿನಿಂದ ನಮ್ಮ ಕುಟುಂಬ ಎಂದು ಹೊರಬರಲು ಸಾಧ್ಯವಿಲ್ಲ. ಈ ವರ್ಷ ಅನೇಕ ಕೆಟ್ಟ ಘಟನೆಗಳು ನಡೆಯಿತು. ಆದ್ರೆ, ನಮ್ಮ ಫ್ಯಾಮಿಲಿ ಒಂದಾಗಿದ್ದು ತುಂಬಾ ಸಂತೋಷ ನೀಡಿದೆ' ಎಂದು ಹೇಳಿಕೊಂಡರು.

ಅಮ್ಮನ ಸಾವಿನಿಂದ ಹೊರಬಂದಿಲ್ಲ

'ಅಮ್ಮ ನಿಧನರಾದ ಘಟನೆಯಿಂದ ನಾವು ಇನ್ನು ಹೊರಬಂದಿಲ್ಲ. ಆ ಸಮಯದಲ್ಲಿ ನಮ್ಮೊಂದಿಗೆ ನೀವು ಇದ್ದಿದ್ದಕ್ಕೆ ಎಲ್ಲರಿಗೂ ಧನ್ಯವಾದಗಳು. ಎಲ್ಲ ಬೆಂಬಲದಿಂದಲೇ ನಾನು ನೋವಿನಲ್ಲಿದ್ದರೂ ಕೆಲಸ ಮಾಡಲು ಸಾಧ್ಯವಾಯಿತು. ನನ್ನ ತಂದೆ-ತಾಯಿ ಹೆಮ್ಮೆ ಪಡುವಂತೆ ಮಾಡುವುದೇ ನಮ್ಮ ಮುಂದಿನ ಗುರಿ' ಎಂದು ಜಾಹ್ನವಿ ಹೇಳಿದರು.

ಮಹಿಳಾ ಪ್ರಧಾನ ಸಿನಿಮಾ ಎನ್ನುವುದು ಬೇಡ

'ಇತ್ತೀಚಿನ ದಿನಗಳಲ್ಲಿ ನಟಿಯರು ಮುಖ್ಯ ಭೂಮಿಕೆಯಲ್ಲಿ ನಟಿಸುವ ಚಿತ್ರಗಳು ಬಂದ್ರೆ, ಅದನ್ನ ಮಹಿಳಾ ಪ್ರಧಾನ ಸಿನಿಮಾಗಳು ಎಂದು ಟ್ಯಾಗ್ ಲೈನ್ ನೀಡುತ್ತಾರೆ. ಅದು ಸರಿಯಾದ ಬೆಳವಣಿಗೆಯಲ್ಲ. ಈ ಹಿಂದೆ 'ಮದರ್ ಇಂಡಿಯಾ', 'ಸುಜಾತ', 'ಸೀತಾ ಔಟ್ ಗೀತಾ' ಅಂತಹ ಚಿತ್ರಗಳು ಬಂದಿದ್ದವು. ಆ ಸಮಯದಲ್ಲಿ ಆ ಚಿತ್ರಗಳಲ್ಲಿ ನಟಿಯರೇ ಪ್ರಮುಖ ಪಾತ್ರ ಮಾಡಿದ್ದರು. ಆದ್ರೆ, ಆ ಸಿನಿಮಾಗಳನ್ನ ಮಹಿಳಾ ಪ್ರಧಾನ ಸಿನಿಮಾ ಎಂದು ಕರೆದಿಲ್ಲ'' ಎಂದು ತಮ್ಮ ಅಭಿಪ್ರಾಯ ತಿಳಿಸಿದರು.

ನನ್ನ ನೆಚ್ಚಿನ ನಟಿ ಮಧುಬಾಲ

'ನನಗೆ ಇಷ್ಟವಾದ ನಟಿ ಮಧುಬಾಲ. ಅವರು ಎಷ್ಟೊಂದು ಒಳ್ಳೆಯ ಚಿತ್ರಗಳನ್ನ ಮಾಡಿದ್ದಾರೆ. ಅವರ ನಟನೆ ಮತ್ತು ಕಥೆಯ ಆಯ್ಕೆ ಬಗ್ಗೆ ಸಾಕಷ್ಟು ಜನ ಅವರಿಂದ ಕಲಿತುಕೊಳ್ಳುವುದು ದೊಡ್ಡದಿದೆ. ಅವರು ಕೇವಲ ಅತ್ಯುತ್ತಮ ನಟಿ ಮಾತ್ರವಲ್ಲ, ರೂಪವತಿ' ಎಂದು ಪ್ರಶಂಸೆ ವ್ಯಕ್ತಪಡಿಸಿದರು.