ಸಲ್ಮಾನ್ ಖಾನ್ ಕಂಡ್ರೆ ಜಾನ್ ಅಬ್ರಹಾಂಗೆ ಅಷ್ಟಕಷ್ಟೆ: ಯಾಕೆ ಹಿಂಗೆ.?

ಸಂದರ್ಶನದಲ್ಲಿ ನಟ ಜಾನ್ ಅಬ್ರಹಾಂಗೆ ಕೇಳಿದ ಪ್ರಶ್ನೆ ಏನು.?

''ಮುಳುಗುವ ಹಡಗಿನಲ್ಲಿ ಸಲ್ಮಾನ್ ಖಾನ್, ಆಮೀರ್ ಖಾನ್ ಹಾಗೂ ಶಾರುಖ್ ಖಾನ್ ಇದ್ದು, ಮೂವರ ಪೈಕಿ ಒಬ್ಬರನ್ನು ನೀವು ಸೇಫ್ ಮಾಡಬೇಕು ಅಂದ್ರೆ ಯಾರನ್ನ ಸೇಫ್ ಮಾಡ್ತೀರಾ'' ಎಂದು ಸಂದರ್ಶನದಲ್ಲಿ ಜಾನ್ ಅಬ್ರಹಾಂ ರನ್ನ ಕೇಳಲಾಗಿತ್ತು.

ಯೋಚಿಸಿ ಜಾನ್ ಅಬ್ರಹಾಂ ಕೊಟ್ಟ ಉತ್ತರ ಏನು.?

ಪ್ರಶ್ನೆ ಕೇಳಿದ ಮೇಲೆ ಸ್ವಲ್ಪ ಹೊತ್ತು ಯೋಚಿಸಿದ ಜಾನ್ ಅಬ್ರಹಾಂ ಕೊಟ್ಟ ಉತ್ತರ ಹೀಗಿತ್ತು - ''ನಾನು ಶಾರುಖ್ ಖಾನ್ ರನ್ನ ಸೇಫ್ ಮಾಡುವೆ. ಯಾಕಂದ್ರೆ, ಅವರ ವ್ಯಕ್ತಿತ್ವ ನನಗೆ ಇಷ್ಟ. ಹಾಗೇ, ನಾನು ನಿರ್ದೇಶಕನಾಗುವ ಅವಕಾಶ ಸಿಕ್ಕರೆ, ಶಾರುಖ್ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುವೆ''

ಸಲ್ಮಾನ್ ಖಾನ್ ಹೆಸರು ಯಾಕೆ ತೆಗೆದುಕೊಳ್ಳಲಿಲ್ಲ ಅಂದ್ರೆ....

ಜಾನ್ ಅಬ್ರಹಾಂ ಕೊಟ್ಟ ಉತ್ತರ ಬಾಲಿವುಡ್ ಬಲ್ಲವರಿಗೆ ಖಂಡಿತ ಅಚ್ಚರಿ ನೀಡಿಲ್ಲ. ಯಾಕಂದ್ರೆ, ಸಲ್ಮಾನ್ ಹಾಗೂ ಜಾನ್ ಅಬ್ರಹಾಂ ನಡುವಿನ ಕೋಲ್ಡ್ ವಾರ್ ನಿನ್ನೆ ಮೊನ್ನೆಯದ್ದಲ್ಲ.

ಇಬ್ಬರ ನಡುವೆ ಕಿತ್ತಾಟ ಆಗಲು ಕಾರಣ ಏನು.?

ಸಲ್ಮಾನ್ ಖಾನ್ ಹಾಗೂ ಜಾನ್ ಅಬ್ರಹಾಂ ನಡುವೆ ಮನಸ್ತಾಪ ಉಂಟಾಗಿದ್ದು 'ರಾಕ್ ಸ್ಟಾರ್ಸ್' ಕಾನ್ಸರ್ಟ್ ನಲ್ಲಿ. ಅದು ಹಣದ ವಿಚಾರವಾಗಿ. ಅದಾದ್ಮೇಲೆ, 'ಬಾಬುಲ್' ಚಿತ್ರದಲ್ಲಿ ಇಬ್ಬರು ತೆರೆ ಹಂಚಿಕೊಂಡರು. ಆದ್ರೆ, ತೆರೆ ಹಿಂದೆ ಒಬ್ಬರನ್ನೊಬ್ಬರು ಅವಾಯ್ಡ್ ಮಾಡಿದ್ದೇ ಹೆಚ್ಚು.

ಕತ್ರಿನಾ ಕೂಡ ಕಾರಣ...

ಬಾಲಿವುಡ್ ನಲ್ಲಿ ನೆಲೆಯೂರಲು ಕತ್ರಿನಾ ಕೈಫ್ ಒದ್ದಾಡುತ್ತಿದ್ದಾಗ, ಆಕೆ ಜೊತೆ ಸ್ಕ್ರೀನ್ ಶೇರ್ ಮಾಡಲು ನಟ ಜಾನ್ ಅಬ್ರಹಾಂ ಒಲ್ಲೆ ಅಂದಿದ್ದರಂತೆ. ಆಗ ಕತ್ರಿನಾ ರನ್ನ ಸಮಾಧಾನ ಪಡಿಸಿದ್ದು ನಟ ಸಲ್ಮಾನ್ ಖಾನ್. ಕತ್ರಿನಾ ಪರಿಸ್ಥಿತಿಯನ್ನು ಕಂಡ ಸಲ್ಲುಗೆ ಜಾನ್ ಮೇಲಿನ ಸಿಟ್ಟು ಇನ್ನೂ ಹೆಚ್ಚಾಯ್ತು.

ಮುಂದೆ ಒಟ್ಟಿಗೆ ಕೆಲಸ ಮಾಡಿದ ಜಾನ್-ಕತ್ರಿನಾ

'ನ್ಯೂಯಾರ್ಕ್' ಸಿನಿಮಾದಲ್ಲಿ ಜಾನ್ ಅಬ್ರಹಾಂ ಹಾಗೂ ಕತ್ರಿನಾ ಕೈಫ್ ಒಟ್ಟಿಗೆ ಕೆಲಸ ಮಾಡಿದ್ದರು. ಅದಾದ್ಮೇಲೂ, ಮನಸ್ತಾಪ ಮರೆಯಾಗಲಿಲ್ಲ. ಈಗಲೂ ಸಲ್ಲು ಕಂಡ್ರೆ ಜಾನ್ ಅಬ್ರಹಾಂಗೆ ಅಷ್ಟಕಷ್ಟೆ.

'ರೇಸ್-3' ಚಿತ್ರದಲ್ಲಿ ಜಾನ್ ಇರಬೇಕಿತ್ತು

ಹಾಗ್ನೋಡಿದ್ರೆ, 'ರೇಸ್-3' ಚಿತ್ರದಲ್ಲಿ ಜಾನ್ ಅಬ್ರಹಾಂ ನಟಿಸಬೇಕಿತ್ತು. ಆದ್ರೆ, ಚಿತ್ರತಂಡಕ್ಕೆ ಸಲ್ಮಾನ್ ಖಾನ್ ಎಂಟ್ರಿಕೊಟ್ಟ ಮೇಲೆ, ಜಾನ್ ಅಬ್ರಹಾಂಗೆ ಜಾಗ ಸಿಗಲಿಲ್ಲ.